مدونة هيا أدون ، اكتب و اُصور

مشترياتي الآمازونية | Amazon Haul 05



مشترياتي الآخيرة :) من موقع امازون | Amazon :)



كل منتج بالضغط على اسمه أو الصورة يوديكم على الرابط في امازون | Amazon

نبدا ..







ساعة فِت بِت ..
هالساعة الرياضية من الاشياء المحفزة وتخليك تتحرك ..
من خلالها تقدر تحسب لك خطواتك ، وكم سعرة حرقت اليوم ،، وبعد تقيس نبضات القلب ،، ومدى جودة نومك ..

اخترت هالشكل بالذات لاني بغيت شي ناعم .. فيه نوع ثاني اللي هو Fitbit Charge 2 حسيتها كبيرة علي ومونفس اللي في بالي .. كنت ابي ساعة مثل الإسوارة .. ناعمة وكيوت .. :)

طيب .. ليش طلبتها من امازون ؟ مع انها متوفرة عندنا ؟
صح المتوفر عندنا هو الألتا من غير HR ،، لسا مانزلوها عندنا ..
الفرق بينه وبين القديم هو قياس ضربات القلب ،، وقلت دامي شارية شارية ماراح اخذ الا شي جديد مو نسخة قديمة افضل ..

وفيه نقطة .. لاحظتها انه في امازون الامريكي مكتوب جمب الساعة (US Version) يعني النسخة الامريكية
يوم سألتهم في نفس صفحتهم في امازون كانت ردودهم انها النسخة الامريكية بالنسبة للقياس !!
ماقتنعت كثير بس اوكي طلبت ..

فيه بنات طلبوها (هاي سماح) من المتجر الامريكي في امازون ويوم شبكوها عشان يشحنونها في الكهرب ٢٢٠ خربت عليهم ،، فكانت توصياتها اني اشحنها عن طريق اللاب توب .. اساسًا كذا ولا كذا انا اشحنها عن طريق الباور بانك فما كانت مشكلة بالنسبة لي ..

ممكن تطلبونها من امازون البريطاني دام ان كهربهم مثلنا فيه ٢٢٠ ..

طيب ،، كيف ممكن تحددين مقاسك ،، في نفس الموقع كاتبين ان مقاس سمول طوله يناسب من ٥ الى ٦ انش .. ف انتي شوفي وجربي قيسي نفس الساعد عندك .. أو ممكن اقرب فرع لجرير أو ڤيرجن تجربين عندهم وتقررين ..

الساعة لها تطبيق تحملينه عندك في جهازك وتربطينه فيه ومنها تتابعين خطواتك واجازك يوم بيوم ..

بصراحة ما تندمت ابداً على شرائها ،، شي حق نفسك و صحتك ..
اقلها اقلها ،، تعرفين حق نفسك شقد تحركتي ،، وتعطيك دافع تتحركين اكثر ..
وبعد تشوفين شقد حرقتي سعرات ومنها تقدرين تتحكمين بكمية اكلك لو بتبدين دايت عشان تعرفين عدد السعرات المطلوبة في اكلك عشان تنقصين من وزنك ..




Ozeri Pronto Digital Multifunction Kitchen and Food Scale, White

ميزان للأكل والأطعمة ،، التقييمات عليها عالية
طلبت اللون الابيض ،، وفيه اكثر من لون
فيه وحدات قياس متعددة وبعد امكانية انك تحطين الصحن مثلاً أو الكوب وتصفرينه
مدري اذا كلهم يسوون كذا بس اعجبني وجربته اكثر من مرة ممتاز
يشتغل عالبطارية ، جت مرفقة معه

اللي خلاني اتحمس له ، اني حابة اعرف اكلي وكميته وسعراته و و و
حماااس :)))



Baby Girl's Waterproof Dress Bibs

وللحب سلمى (بنتي الصغيرة) شفت هالسدارات واعجبتني
جاية على شكل فستان :))
كياااااااته



The Kinfolk Table

Kinfolk Volume 23

هالمجلة من كثر ما اشوفها في انستقرام من زماااااان ونفسي فيها ..
بصراحة شفت هالمجلة في مكتبة في دبي ،، وكان سعر الوحده ٧٧ درهم
وكالعادة ، قلت خلني اشوف امازون واقارن السعر وطلع فيه فرق
وبعد لقيت في امازون نسخ مالقيتها في دبي

الحكمة من المجلتين للإقتناء - التصوير وديكور على الطاولة
وقراءة خفيفة من وقت للثاني بس ..




Luyue Vintage Artificial Peony Silk Flowers Bouquet, Light Pink

وتكملة للاڤندر اللي طلبته في البوست اللي فات من امازون ، طلبت هالبيونيز :)
طلبت باقتين (حبتين) لاني بغيتها تكون مليانة على آنية عريضة ،، كل شي تخيلته اصلاً قبل اطلب واشتري الأنية اساساً هههه .. و الحمدلله طلع نفس اللي بغيته بالضبط

فيه الوان ثانية للباقة بس حبيت هذي ، الوانها ناعمة وهادية ..



الشراب الكامل
akiido Fishnets Stockings 5 Pairs Stylish Black Pantyhose Black Tights

الشرابات القصيرة
akiido 5 Pairs Fishnet Knee High Socks

نوعين من الشرابات الخيوط ، الموديل القديم رجعت موضته هالايام و عجزت ألقاه عندنا فقلت مالي الا أمازون :)
شريت هيلاهوب كامل يجي 5 حبات متنوعه مختلفة بفتحات صغيرة وواسعة للخيوط
وشريت بعد شرابات من نفس الموديل الحبة تجي فيها خمس أزواج بطولين ، واحد يغطي الكعب والثاني نصف الساق
شوفو الروابط للنوعين لتوضيح اكثر :)

جربتهم وحلوين ومريحين ،، كلهم فري سايز ..




Rapidlash Eyelash and Eyebrow Serum

سيروم الرموش من رابيد لاش ،، من زمان ودي اجربه ،، وقلت فرصة
بصراحة شفته في بوتس في دبي و البحرين ،، بس مالقيته عندنا أو مو متأكدة لو ينباع هنا ..

سعرها في الصيدليات حول ٣٠٠ وشي فقلت اشتريه من امازون ارخص :)
يطلع علي بـ ١٢٠ تقريباً

بديت فيه و متحمسة اشوف النتايج
الانطباع الاولي ، يوم جربته ماحسيت بحرقان في عيوني أو اي شي
لسا بادية فيه صارلي اسبوعين ولاحظت تحسن طفيف ومستمرة :)



Amir 2 in 1 Professional HD Camera Lens Kit

عدسة للايفون
ميزة هالعدسة انها تحوي عدستين ماكرو و وايلد ، تصور مساحة واسعة و تكبر
العدسة حجمها كبير شوي عالجوال ، كأنها عدسة للكاميرات االحترافية
بس تعودت عليها
وكمان سهولة تركيبها على الجوال ، تتثبت بواسطة كليب
واعتقد انها تناسب اكثر من نوع للجوالات
وهذا اللي حمسني زيادة اني ما احتاج اشتري عدسة لكل جوال اشتريه

ملاحظاتي ، جربت الماكرو ولاحظت ان التركيز يكون في الوسط بحدة معينة لكن اطراف الصورة تكون مموهة وغير واضحة
ولما استخدمت العدسة الوايلد ، لاحظت ان اطراف الصورة تكون مافيها حدة ،،
كل هالتجارب كانت باستخدام تطبيق السناب و عشانه بصراحة شريت هالعدسة

ماأثر هالشي ولا ندمت اني شريته ، اعجبتني النتايج
العدسة الاساسية هي الصغيرة (الماكرو) في الصورة اللي فوق ولو بغيت استخدم الوايلد اركبها عليها مثل الصورة التالية


فيه انواع للعدسة وبسعر اقل
من نفس الشركة ومن شركات ثانية وفيها زيادة عدسة السمكة (الفيش آي) بس هالعدسة ما احبها ولا من مفضلاتي في التصوير ولا الإستخدام ما اشوف لها اي داعي هههه..



Vastar Universal Smartphone Tripod

ماسك أو هولدر للجوال ، يتثبت في الترايبود
حبيت ان فيه ميزة اقدر اتحكم بالجوال واصور فيه بالطول و العرض ، حتى لو جوالي كبير (ايفون ٦ بلس)
جربته في تصوير سنابات واعجبني





FolkArt Home Decor Chalk and Wax Brushes

فُرش للصبغ ، حق مشروع بسيط ناوية اسويه
العمل يحتاج فرش مناسبة للصبغ (الطباشيري)
جربت معه الفرش العادية وماعجبتني ، فمن التوصيات اني استخدم هذا النوع من الفرش وان شاء الله تضبط :)


جميع مواضيع مشتريات موقع امازون تلقونها هنا





  



آلقاكم في مواضيع قادمة :)
مع السلامة :*





ليصلكِ الجديد ؛ اشتركِ معنـا
Subscribe to our mailing list


6 comments

  1. حبييت العدسة وايد

    ايضا الجوارب مختفيين من الاسواق ههههههه امازون مهم حق هالازمات

    اتحمس لما اشوف لك موضوع جديد شكرا جزيلا

    ReplyDelete
  2. يعطيك العافية جميلتنا هيا
    كثير أحب فكرة هالتدوينة واستمتع لأن اختيارك للمنتجات مميز وعملي وبسيط
    وتصويرك لها يزيدها جمال
    شاكرة لك مشاركتك لمشترياتك... وإن شاء الله تستمتعين في استخدامها

    ReplyDelete
  3. مشتريات جميلة وملهمة كالعادة ..

    )سيروم رابيد لاش(

    ياليت لو تعطينا انطباعك عنه بعد شهر من الاستخدام

    ويعطيكي أالف عافية

    ReplyDelete
  4. حبيت الورود والمجلة ..غريبه هيا موش المجلة بامازون الوحدة 24دولار يعني اغلى ولا ؟..يمكن تجي ثنتين ماعندي فكرة ..شكرا على المدونة ..ان شاء الله ناويه اشتري الورود ..

    ReplyDelete
  5. أحب تدويناتك كثيييير

    ReplyDelete
  6. مشتريات حلوه وجميلة شكرا على مشاركة تجربتك في الشراء

    ReplyDelete