بسم الله الرحمن الرحيم
اليوم موضوع عن احلى ما كان في سنة ٢٠١٤ ..
ماراح يكون آحلى ما في الأشياء الجمالية بس و حتى اشياء يومية | حياتية | شخصية ،، اشياء اكتشفتها ومن بعدها صارت جزء مهم من حياتي .. وكذا يعني :)
من الاشياء المهمة اللي صارت لي ان تالا دخلت المدرسة .. :) كان شعور غريب وحلوو الحمد لله ..
عاد في اول يوم كنت مخططة له كصورة لها في اول يوم دراسي .. وناوية ان شاء الله اسويها في كل سنة .. حلوة كـ ذكرى لها ولي بعد .. :)
من الاشياء الحلوة بعد اني عرفت كيف اسوي برِد بودينق ههه ادري يمكن تحسونه مش مهم بس لاني انا والمطبخ علاقتنا مش ولابد .. وهالبودينق يخليني احس بحنين طفولي كذا .. عاد ذقته اول مرة في مادلين الخبر وخلاااص وقعت في حبه وقلت لازم اعرف شلون .. دورت الطريقة في النت واليوتيوب واخذت الطريقة من هنا غيرت اشياء او بالآحرى الزبيب مثلاً مااضفته بس النتيجة كانت لذيذة :)
والبلوبيريز هالفاكهة اللذيذة و اكتشاف لاني كنت احسب الفاكهة بس موز و برتقال و تفاح ههه ما اتجرآ اجرب اشياء جديدة .. بس حبيته و حبيت فوايده .. شوفوها هنا في الانستقرام :)
من الكتب اللي شريتها و استفدت منها كثير ، هذا الكتاب بعنوان النقدير الذاتي للدكتور مصطفى ابوسعد ،، هالدكتور انا متابعة له وافكاره في التربية تعجبني ووممكنة التطبيق ،، احتجت للكتاب لاني وصلت مرحلة اللي خلاص ، كنت كثير شادة عالبنات و العصبية من اي غلطة .. انا اعتبر نفسي أم مرة حريصة بزيادة ،، الحرص اللي يخنق :( وعارفة بنفس الوقت انه غلط ولازم الطفل يغلط عشان يتعلم بس اوقات الواحد ينسى ويطلع طبع الكمال في كل شي ،، بس الكتاب يخليك تهدين شوي و تاخذين الاشياء حبة حبة .. مفيد مرة .. واحلى مافيه ان الكلام مو دَش ، عناوين ونقاط مرتبة وواضحة .. انصح كل أم تقراه .. وعندي لنفس الكاتب كتابين ثانين بعد حلوين .. و ان شاء الله لما اتمكن من معرفة كيفية تلخيص كتاب بشكل مفيد راح اشارككم فيه :)
هذا الثيرموميتر لقياس الحرارة من براون من خلال الاذن ، من أفيَد الاشياء اللي شريتها في ٢٠١٤ ..
يعني من جد كل بيت وفيه اطفال لازم يكون هالشي موجود ، مفيد مفيد مفيد ..
نجي للأشياء الجمالية الميكأبية الحلوة :)
اشياء المكياج اخترتها في هاللستة لانها حاجات مستحيل ما اخذها معاي لو بروح هنا ولا هنا .. ولو مابقى عندي إلا هم يكفي .. ومن ضمنهم روجين اعتبرهم تغيير كبير و قفزة في مكياجي لانهم يعتبرون من الغوامق ، متعودة احط الالوان الوردية بس الفاتحة الطبيعية ، انا ابداً ماحط من هذي الالوان من قبل فكانت هالسنة تجربة اولى وحب جديد :)
- فرشة ماك للفاونديشن ١٨٧ (موضوع عن فرش ماك هنا)
- فرشة ماك ١٣٠ لدمج الكونسيلر تحت العين
- كحل بُني من ماك Coffee
- كحل بيج من شانيل Chanel رقمه ٦٩
- باليت الحواجب من ماك Brunette
- ارواج ماك Diva - Rebel
- اساس Estée Lauder للمناسبات (موضوع كامل عنه هنا)
- اساس خفيف من شانيل Chanel vitalumiere aqua للاستخدام اليومي (موضوع عن اساسات شانيل هنا)
- مناكير من شانيل Taboo
- مزيل مكياج العين من شانيل (موضوع عن متجات التنظيف من شانيل هنا)
مزيل مكياج العين هذا من احلى المزيلات اللي استخدمتها ، ناسبتني جداً ، ماسببت لي جفاف ابدا و بنفس الوقت فيها ترطيب حلو خفيف ،، هذي العلبة رقم ٥ ههه ..
ابداً ما انكر محبتي الابدية لعطر شانيل Chanel N°19 POUDRÉ ،،
Christian Dior - Ambre Nuit هذا العطر من كريستيان ديور شي حلو وجميل جداً .. اول عطر من كريستيان ديور ماتصيرلي معاه سوالف بالعكس ،، امشي واغني فيه .. ايه لهالدرجة هههه ..
فيه موضوع كتبت عن My new Perfumes | عطوراتي
زيت جوز الهند العضوي ، هذا من جد اختراع او انا احسبه كذا .. من احلى الاشياء الي عرفتها في ٢٠١٤ ..
ومن الناحية العملية بالنسبة لي وكان شي جميل وانجاز اعتبرة هو اني بديت في تقديم خدمات تصاميم مدونات نطاق بلوقر ، وبعد خدمات تصوير المنتجات اللي قلتلكم عليه .. بصراحة غير اني فرحانه لنفسي اني استفدت من شهادتي عالاقل هههه بس بعد تعرفت على بنات جميلات مااشاء الله .. الحمدلله ..
الله يجعل هالسنة و كل سنة حلوة و سعيدة على الجميع يارب ..
ألقاكم في مواضيع قادمة ان شاء الله :*
مع السلامة ..
اتمنى سنتك الجديدة تكون طريق لانجازات عظيمة 💗
ReplyDeleteكثير ادخل مدونتك واقرا فيها مواضيع اكون حفظتها بس تكون من أولى مراجعي صحيح ما كنت اكتب كومنتس على رغم متابعتي الدائمة والمستمرة لكن قررت على قد الفائدة والهامك لي ويمكن لغيري "ضروري اقدم لك لو أقل القليل "
يمكن كلمة حلوة أو تعليق بسيط يساعد في تنمية وزيادة اجازاتك وأنا اول الطامعات من هالناحية 🙊💗
إن شاء الله يكبرون قدام عينك بناتك الثلاث " مع مدونتك " ✨
تمنياتي لك بسنوات سعيدة مثل ماتتمنين 💗
ايمان 💕
مين اللحين أقولك ترا تعليقي طويل وواكيد فيه شطحات
ReplyDeleteجداً مشغولة اليوم ولكن بوقت تنفيسي وراحتي لما تصفحت الانستقرام وشفت الصورة مراااا انبسطت بجد بجد هيونة وبدون حلفان انه كان عندي فضول كبير قبل ٥ ايام
عن مفضلاتك لسنة ٢٠١٤، أول شي قعدت افكر قلت بأسويلها تاق لما انزل مفضلاتي لعام ٢٠١٤ ثمن قلت لا لا استحي ما احب اضغط احد او احط نفسي بموقف محرج ههههههههههههه .. وشلت الفكرة من بالي تماماً، بس الخبر اللي بالانستا كان جداً جداً جممميل وفرحتيني كثير عليه
مدري وش اقول من بعد الصورة وانا احدث الايميل كل شوي ههههههههه مو مهووسة بس ماشاء الله أنتي نوع من أنواع السعادة ولكن على هيئة إنسان
أسفة جداً على طول كلامي بس بجد بجد أسعدتيني بالموضوع ربي يرزقك بسعادة ماتنتهي ويخليلك بناتك ويرزقك برهم يارب ولايوريك فيهم مكروه > دعاوي عجوزة
أسفه هيونة لأني قلت قصة حياتي بس والله مقدر اقاوم.. احس فجأة أنقلب لكورة مليانة مشاعر جياشة هههههههههه كيف الوصف بس .. ماشاء الله ربي يحميك ♥♥♥
والبوست جداً جممميل ماشاء الله، دائما لك بصمتك الخاصة بكل شي ♥♥
بلوق رائع مثلك ياقمررر
ReplyDeleteعندي جهاز ماك بوك برو الي انا اكتب منه الان بس يختي عجزت افهم كل برامجهم نفسي انتمي له بس ماعرفت غير انه حلو وخفيف!!
ومادري كيف عشت عمري الي راح مع الويندز بس نفسي القا طريقه تعرفني علي كل حته في هالجهاز...
ي الله ❤️❤️❤️❤️❤️
ReplyDeleteمدونتك اكثر اكثر اكثر شي استفدت من ف السنهه هاذي
وختمت مدونتك كلها وبعضها غيرت فيني للاحسن
والله يسعدك مثل مااسعدتينا في قرائه مدونتك والله يعطيك على قد نيتك الطيبهه 🌹 ~
الله يجعلها سنة خير وسعاده وجمال عليك وعلينا
ReplyDeleteاستمتع وانا اقرا زي كل مره ادخل فيها مدونتك يخليك لنا يا هيا ����
هابي نيويير هيا ان شاء الله يارب تكون سنه خير عليكي وسنه جديدة تضيفها لسنوات نجاحك وانجازاتك
ReplyDeleteالله يوفقك ياهيونة ويبلغك في بناتك ويجعلها سنة خير وتوفيق حبيبتي
ReplyDeleteما شاء الله سنة مليئة بالانجازات ، ان شاء الله السنة هادي تحققي فيها اكثر ان شاء الله 💖✨🌸
ReplyDeleteوكل سنة وأنتي بخير وصحة وسلامة ويجعلك أيامك حلوة يارب
ReplyDeleteهيووون جد تدوينه جميله وانتي شخصيه جميله تعرفت عليها
ReplyDeleteهيااااا ياااا جميلة ، مآشآءالله عليك
ReplyDeleteيختي اذا شفت تصويرك ، أحس بالرآحه بالحنين ..
الله ينوّلك مرآدك وما تتمنين ..
عندنآ أمور مشتركة بهالسنة
ثيرمومتر برآون + دخول عيآلنا المدرسة بس أنا تمهيدي + زيت جوز الهند !
طبعًا الزيت شريته من بعد مآ شريتيه انتي ، أثق فيك يآ بنت جدًا
<3
إنتي مآ مثلك ، قريبة لقلبي بشكل .. أحبك
تدويناتج مريحه للنفس قبل لا تكون مفيده
ReplyDelete