بسم الله الرحمن الرحيم
و أخيراً ، ريڤيو عن جهاز الكلاريسونيك ميا تو | Clarisonic Mia 2
اكيد مر على مسامعكم هذا الجهاز للبشرة ، وانا مثلكم ، قريت عنه الكثير في المدونات و اليوتيوبات ..
شريتها ، واستخدمتها ،، صار لي من اول استخدام لها فترة ٦ شهور .. وبصراحة ،، حبيتها جداً ..
الكلاريسونيك اصبحت جزء مهم في روتين عنايتي ، بعد إزالتي للمكياج او في تنظيف الوجه ، ما حسيت بالنظافة الفعلية لبشرتي الا مع هالفرشة ..
الكلاريسونيك عبارة عن فرشة تنظيف إلكترونية خاصة بالبشرة (الوجه) .. فرشتها تعتمد في حركتها على اهتزازات بمعدل ٣٠٠ هزة في الثانية .. الجهاز مضاد للماء وقابل للشحن .. وسهل في التخزين بفضل العلبة الخاصة فيه بحيث ممكن تاخذينه معك وين مارحتي ..
الكلاريسونيك ميا تو ، هي فرشة خاصة للاستخدام لمنطقة الوجه ، فيه نوع ثاني للبشرة و الجسم والجهاز حجمه اكبر من ميا تو ، عني انا ماحسيت بأي حاجة لجهاز الجسم ،، ومكتفية بالوجه بس ..
توفر الفرشة سرعتين ، سرعة بطيئة و الثانية سريعة .. بحيث تتناسب مع جميع احتياجاتك للتنظيف.
وعود الكلاريسونيك لك :
- بشرة أنعم و ألطف وشكل صحي أكثر
- تنظيف عميق للبشرة بحيث تمتص مكونات العناية من كريمات بشكل افضل
- لطيفة كفاية للاستخدام مرتين يومياً
في البداية راح اتكلم عن مكونات العلبة ، وبعدها نقاط مفصلة (احب النقاط ههه) لكل شي عن هالفرشة :)
مكونات العلبة :
- جهاز الكلاريسونيك
- فرشة خاصة بالبشرة الحساسة
- شاحن للجهاز
- غسول لتنظيف الوجه حجم صغير (عينة)
شاحن الكلاريسونيك :
شاحن برأس ثلاثي ، عند الشراء و قبل اول استخدام ، يجب شحن الجهاز لمدة ٢٤ ساعة ، عند الشحن راح تلاحظين وميض في الجزء الرمادي ولما يمتلي راح يتوقف هالوميض و بتلقين الاضاءة مستمرة.
طريقة توصيل الشاحن في الجهاز سهلة ، بتلاحظين بما انه الجهاز مضاد للماء ، ماراح تشوفين اي فتحات لإدخال سلك الشاحن! لكن نهاية سلك الشاحن فيه مثل الرأس المغناطيسي بمجرد وضعه على الجهة الامامية السفلية للفرشة راح يعلق هناك و يبدا في الشحن .. جميل ..
علبة لحفظ فرشة الكلاريسونيك :
علبة جميلة مصممة على نفس شكل الفرشة ، متماسكة كفاية عشان تحافظ عالجهاز من اي عوامل خارجية ، سهله في حملها لتنقلاتك و تخزينك.
غسول منعش من كلاريسونيك :
جربت هالغسول ، حلو وماسبب لي اي مشاكل ،، ممكن اشتريه لا انتهت الكمية في العلبة (٣٠ مل) بس بسبب سعره الغالي نوعاً ما للحجم الاكبر (٣٠٠ ريال) بلقى بدائل اكيد ،، مو متذكرة علبة الغسول بهالسعر لعلبة واحدة بس او عبارة عن حجمين لنفس الغسول!! يبيلي اتأكد :$ ..
استخدم مع الفرشة بعد غسول من شانيل نفس القوام (مافيه حبيبات تقشير او ماشابه) و مناسب مرررة.
فرشة التنظيف :
الفرشة اللي تجي معها مناسبة لجميع اانواع البشرات ، و هي مُصنفة انها للبشرة الحساسة ..
الفرشة لها غطاء عشان تحافظ عليها من اي سفطة او وضع غير صحيح اللي يخلي الشعرات تميل او شي ..
سهلة في فصلها او تركيبها على رأس الجهاز بلفها بلطف عكس عقارب الساعة للفك ، و العكس للتركيب.
فائدة الكلاريسونيك ميا تو لكل نوع من انواع البشرة :
البشرة الجافة : تساعد في إزالة خلايا الجلد الميت من على سطح البشرة بشكل لطيف واللي يساعده في هالشي الفرشة المخصصة للبشرة الحساسة اللي تجي معه
البشرة الدهنية : يساعد في تنظيف عميق للمسام من الاوساخ المتراكمة مما يقلل من احتمالية تكون الحبوب
البشرة المعرضة للمشاكل او علامات الشيخوخة : يساعد في إزالة الوساخ من على سطح البشرة و ينظفها بعمق مما يسمح لمنتجات البشرة من كريمات من ان تمتصها بسهولة و تعطي فعالية اكبر
البشرة العادية : البشرة العادية راح تستفيد اكيد من التنظيف العميق وبنفس الفوايد لجميع اللي ذكرته فوق
فرشة الكلاريسونيك تناسب مين ؟
الكلاريسونيك تناسب اللي تحط مكياج بشكل يومي وتحتاج تنظفها بعد إزالة المكياج بشكل عميق وماتواجه مشكل كالحبوب و غيرها وبعد لما توزع مكياج راح تفرق معها سهولة التوزيع و الملمس ، و ايضاً للي تبي تزيد من فعالية نظامها في روتين عنايتها الخاص بالبشرة ، وبعد للي تبي تعطي فعالية اكبر لمنتجات علاجية من كريمات لان الكلاريسونيك تعطي فعالية اكبر للبشرة في الامتصاص..
لا تشرتين الكلاريسونيك لو ماعندك نظام و روتين عناية خاص ، او ببساطة ماتهتمين ببشرتك (مع انه شي لازم و جميل) او كانت عنايتك موسمية (مرة في الشهر مثلاً) لان الفرشة ماراح تكون سِحر في اعطائك النتايج المطلوبة.
نقاط مهمة في استخدام الكلاريسونيك :
- جهاز الكلاريسونيك ميا تو يوفر سرعتين : بطيئة و سريعة ، اشوف ان بشرتي مناسب لها السرعة البطيئة مع الفرشة الخاصة بالبشرة الحساسة
- الفرشة فيها توقيت يعمل بشكل اتوماتيكي لمدة دقيقة (٦٠ ثانية) مقسمة لكل جزء من الوجه بحيث يفرق بينهم صوت طنين يعلمك متى تنتقلين للجزء التالي
- الـ ٦٠ ثانية مقسمة بالترتيب الى : ٢٠ ثانية للذقن و الانف ، ٢٠ ثانية للجبهة ، ٢٠ مقسمة بالتساوي ١٠ ثواني لكل خد من خدودك الحلوين
- لتشغيل الجهاز على السرعة البطيئة (انصح في اختياراها في بداية استخدامك ومن بعدها قرري) بالضغط على الزر السفلي
- قبل استخدامك للكلاريسونيك يجب ازالة المكياج ! الفرشة ماراح تزيلك المكياج من نفسها! وظيفتها تكمل لك التنظيف بشكل عميق لبشرتك ، فكري فيها بهذي الطريقة : الفرشة شغلتها تعطيك التنظيف العميق لبشرتك ، يعني لو استخدمتيها في ازالة المكياج راح تخلي المكياج يدخل بشكل اكثر لاعماق البشرة وراح تحصلين على حبوب و مشاكل
- توقعي في بداية استخدامك للكلاريسونيك تكون حبوب بسيطة نتيجة للتنظيف العميق ، عني انا ماواجهت هالمشكلة الحمدلله :)
- ممكن استخدامها مرتين في اليوم ، الصبح و المسا ، استخدمتها في البداية مرتين (لمدة ثلاث أيام) و بعدها بشرتي بدت تشد (جفاف) فاكتفيت بـ مرة واحدة قبل النوم لانه الفترة المهمة عندي لاني بعدها استخدم كريمات العناية الليلية
- بعد ازالتي للمكياج ، ابلل وجهي ، وابلل الفرشة شوي و اوزع كمية بسيطة من الغسول على الفرشة
- بعد ازالتي للمكياج ، ابلل وجهي ، وابلل الفرشة شوي و اوزع كمية بسيطة من الغسول على الفرشة
- في بداية استخدامي كنت احس الفرشة قاسية على بشرتي بس لقيت اني اضغط اكثر من اللازم و مع الوقت تعودت عليها
- لاحظت مع استخدامي لها بشرتي بدت تفتح (لونها صار افتح)
- مع استخدامي قلت دهنية منطقة التي زون ( الجبهة و الانف و الذقن)
- بشرتي صارت انعم واصفى بكثير
- المكياج لاحظته يطلع احلى
- ما لاحظت ازالة للرؤوس السوداء على الانف ، يمكن قللت من تكونها بس ما ازالتها
- الوقت المُقترح لتبديل الفرشة هو كل ٣-٤ شهور (مثل فرشة الاسنان) ، اذا كنت تستخدمينها بشكل يومي ، عني انا راح ابدلها لما الاحظ فرق في الشعرات او صارت مايلة
- الفرق في رأس الفرش المختلفة لجهاز الكلاريسونيك هو طول الشعرات ، الفرشة المخصصة للبشرات الحساسة اطول من المخصصة للبشرات العادية مثلاً
- تستاهل سعرها؟ بسبب سعرها المرتفع ، احس اني اتخذت القرار الصحيح في شرائها ، لاحظت فرق واضح مع استمراري في الاستخدام .. اعتبريها مثل الاستثمار و اضافة جيدة جداً في مصلحة بشرتك و اهتمامك
- ابداً لاتستخدمين غسول مُقشر فيه حبيبات مع الفرشة فقط اي نوع غسول مناسب لك قوامه صافي
- الكلاريسونيك لوحده ماراح يعطيك البشرة الحلم البيرفكت (مافيه منتج يعطي هالشي) بس مع العناية و الاهتمام راح تحصلين على نتايج جميلة جداً
- ممكن تشاركين استخدام جهاز الكلاريسونيك مع شراء فرشة منفصلة خاصة بكل شخص
- رأس الفرشة قابل للفك من الجهاز و بعد الرأس نفسه بشعيراته ممكن تفكين ويصير عندك فرشة اصغر (في الوسط) تستخدمينها لو حبيتي لمنطقة الانف
- ممكن بعد تنظيفك بالكلاريسونيك تشوفين بقايا للمكياج حتى لو ازلتيه من قبل ، عشان كذا لازم تغسلين الفرشة
- بعد انتهائي من استخدام الجهاز ، افصل رأس الفرشة عن الجسم واغسله بلطف بالماء و احطه عشان ينشف على فوطة نظيفة
- شحن بطارية الجهاز يستمر لغاية ٢٨ استخدام على السرعة البطيئة و ٢٥ استخدام على السرعه العادية/السريعة
- جهاز الكلاريسونيك ميا تو متوفرة للبيع في محلات سيفورا و سعرها ٧١٧ ريال
- فرشة التنظيف اللي تنباع بشكل منفصل سعرها ١٢٤ ريال
انواع الفرش للكلاريسونيك :
عشاني في المرة اللي رحت اشتري فرشة غير اللي عندي ، وكنت ابي بس الفرشة نفسها الناعمة المخصصة للبشرة الحساسة ، ماكنت ابي النوع للبشرة العادية او النوع المخصص للبشرة المعرض للحبوب (ماسمعت كلام حلو عنها) فراح ابين شكل كل فرشة .. المعروض في ستاند الفرش في سيفورا كان فيه غلط !! حاطين الفرشة الناعمة للبشرة الحساسة تحت مسمى العادية .. لخبطة !! فلازم تقرين وش مكتوب عالكرتونة حقت الفرشة ، لاتعتمدين على الموجود في العرض (خطأ بشري عادي يعني ههه ) .. راح تلاحظون الاختلاف في الالوان للجزء البلاستيكي اللي يمسك شعرات الفرشة او غيرها ..
هذي الفرشة مخصصة للبشرة الحساسة .. شعراتها لطيفة وناعمة .. هي اللي انصح فيها دايماً ..
الفرشة المخصصة للبشرة العادية ، وهي اللي اخذتها بالغلط بس فتحت عيوني وقريت انها للعادية و بدلتها قبل اطلع :)
اتوقع شعراتها مو ناعمة زي اللي قبلها .. ماتخيل بشرتي راح تقبلها لاني مع الفرشة الناعمة احسها مناسبة كفاية لبشرتي.
الفرشة الرقيقة ، للبشرات الجافة والحساسة جداً ، ماجربتها و ماقريت عنها كفاية ..
هذي الفرشة للتنظيف العميق للمسام ، مخصصة للبشرات اللي فيها المسام واسعة ،، ماقريت عنها كثير ..
ــــــــــــــــــــــــــــــــــ
في النهاية انا سعيدة جداً باقتنائي لهاالجهاز ، نصحت فيها امي و اخواتي و عجبتهم :)
هذا هو الموضوع لليوم ، معلومات كاملة عن جهاز الكلاريسونيك ميا تو | Clarisonic Mia 2
ان شاء الله تكون مساعِدة لك في قرار الشراء و الاستخدام بعد :)
ألقاكم في مواضيع قادمة ..
مع السلامة ..
يعطيك العافيه هيونتي الجميله
ReplyDeleteكنت بأنتظار تقريرك عنها وعجبني
من ضمن مشترياتي لفصل الشتا بأذن الله
مششششكوره حبيبتي 💕💕
هيونتي حبيبتي
Deleteعليك بالعافية مقدماً
شكراً لك
:*
يعطيك العافية على البوست الجميل ودايما نصائحك جميلة
ReplyDeleteالله يعافيك أمل
Deleteنورتيني
:*
ايش الغسول تنصحين فيه للبشره المختلطه مع هالجهاز ؟
ReplyDeleteالغسول اللي جا معها لقيته مناسب وانا بشرتي مختلطة
Deleteممكن اي غسول مرتاحة عليه تقدرين تستعمليه مع الفرشة
بشرط مايكون فيه حبيبات تقشير او ما شابهه
:)
This comment has been removed by the author.
ReplyDeleteالله حمستيني اشتريهاا
ReplyDeleteشكراً ع الشرح الوافي ****
عليك بالعافية مقدماً ^^
Deleteالشكر لك على مرورك
:**
شكرا هيا
ReplyDeleteجدا حبيتها
شكراً لك
Deleteحبيت البوست مررررا وكنت انتظرو من زمان انا ناويه اشتريها بس كنت انتظر ريفيوك لانك اثق فيك دمتي 💕
ReplyDeleteشكراً حبيبتي هنادي على هالثقة
Deleteنورتيني
:*
تسلم إيدك هيا :$
ReplyDeleteالله يعطيك العافية
الله يعافيك
Deleteنورتيني هنا
:*
من زمان محتاجه موضوع كذا لاني مو عارفه الافضل او انواع فرش كلاريسونيك و برضو محتاجه رايك فيها .
ReplyDelete، شكرآ هيا.
مشكوره حبيبتي ع الريفيو بس ممكن تكتبين سعره؟
ReplyDeleteحقيقي في الرفيوز يوار ذا بيست استفدت منك في اشياء كثير سواء كنت ابغاها او لا
ReplyDeleteمشكورة حبيبتي استفدت كثير من هالموضوع بس حبيت اسألك انا لما اشتريت الجهاز استخدمته على طول من غير شحن . هذا الشي يأثر عليه ؟؟
ReplyDeleteشرح وافي وجميل شكرًا ♥️ أنا بسألك عن تنظيف الفرشة بعد الاستخدام اليومي لازم افكها من الجهاز؟ كل مره كذا؟ ولا عادي اغسلها وهي بالجهاز؟
ReplyDeleteمششكورة يعطيك العافية استفدت كثير
ReplyDeleteمشكورة يعطيك العافيه استفدت كثير
ReplyDeleteما ننحرم يا هيون من هالابداع كفيتي و وفيتي
ReplyDeleteمرحبا
ReplyDeleteكيفك حبيبتى
انا ما بعرف اذا راح تردى عليا وله لا بس قولت اجرب
كان بدى اسالك من وين اقدر اشتريها من جده
لانو انا مانى سعوديه وما بعرف بالاماكن هونيك
فانا حوصى رفيقتى تجيبلى ياها من السعوديه
سالتلى عليها فى سيفورا كان سعرها 717 ريال وهى على الموقع الرسمى لكلارسونيك سعرها 150$
يعنى سيفورا مغلى سعرها كتير
فيكى تساعدينى وتقوليلي اماكن تانيه ممكن الاقى فيها كلارسونيك ميا 2 بسعر معقول " بس اكيد الاصلى "
ومرسي ايلك كتير
وحكون ممنونه اذا ساعدتينى ^_^
مشكووره هيوون عاد من متى ابا اخذه بس ادور على رفيو عنه :)
ReplyDeleteVery interesting blog, looking forward to more wonderful! Wholesale Clarisonic
ReplyDeleteGreat and very informative post! I cant wait to get my hands on it, thank you so much for taking the time and effort to write the post. I'm looking forward to your next posts. Xx
ReplyDeletehttp://sparklingcoffee23.blogspot.com/?m=1
مرحبا
ReplyDeleteسمعت مدحك وشريت الجهاز بس حابه اعرف الميا تو ينفع اشتري لها فرشه الجسم. ..أتمنى تفيديني
مرحبا
ReplyDeleteسمعت مدحك وشريت الجهاز بس حابه اعرف الميا تو ينفع اشتري لها فرشه الجسم. ..أتمنى تفيديني
مشكوووره على الموضوع الحلو.
ReplyDeleteانا اشتريته من تاجره في الانستقرام توفره بسعر رووعه وعندها انواع كثيره من الفرش اللي طبعا لازم تتغير كل ٦ شهور
الجهاز اصلي وصنع امريكي اشتريته ب ٥٥٠ريال
الجهاز مررره رووعه ولا اقدر استغني عنه. اشتريته من تاجره في الانستقرام تعاملها راقي واسعارها حلوه وتوفر بضاعتها من امريكا. الجهاز اصلي ١٠٠٪ وعندها فرش متنوعه. انصح بالتعامل معها. (متجر فتافيت) علي الانستقرام
ReplyDelete