بسم الله الرحمن الرحيم
رمضان ..
شهر العبادة والقرب من الله اكثر .. شهر اشعر فيه بنفسي وذاتي وافكاري .. شهر التفكر، بكل ما حولي ..
اعتبر هالشهر راحة نفسية بالنسبة لي .. سبحان الله ..
مثلي .. كما الغالبية .. تمنياتي في هذا الشهر ودعواتي .. اجمعها في سجادة .. قراءة قران .. تفكر ..
ابتعاد عن ملهيات بلا قيمة ..
ماحبيت يمر شهر الخير بدون ما اترك بصمة له في مدونتي .. يوم من رمضان هو موضوعي اليوم ..
في بداية الشهر كنت امر بوعكة صحية حرمتني من الفرح بقدوم الشهر حتى في الايام الاولى ماحسيتها من رمضان ولا استشعرته .. ضعف الانسان ياهو ضعف .. بس الحمدلله على الصحة ..
في يوم ..
في الساعة الواحدة بعد الظهر اقوم واصلي .. لاني مانام الا بعد صلاة الفجر فاعتبره معقول ولاتفوتني الصلوات كذا ..
ومع فطور صغيراتي واجهز مكونات الفطور لليوم وارتبها ..
في البداية عشان اضمن لنفسي ساعة رواق قبل الدخول للمطبخ لتحضير الفطور ، اجهز ورشة عمل لـ بناتي .. من تلوين واعمال المعجون وكذا .. منها يستفيدون وينشغلون بشي مفيد حتى فيما بينهم الثنتين من توزيع المهام وحوارات تنمي افكارهم وابداعاتهم وتزيد ترابطهم كأخوات .. كما أتمنى وكل أُم ..
بعد ماضمنت انشغال كتاكيتي بالمفيد .. يكون وقت لقراءة جزء من القرآن بحيث اقرا كل يوم جزء ..
الحمدلله عادة ماقطعتها من سنين ..
لا بدا وقت الطبخ يكون على الساعة ٤ لازم ادخل المطبخ واشغل التلفزيون على برامج مفيدة ،، ماحب اشتغل عالهدوء و المسلسلات ماني حولها ولا هي هوايتي أبداً ..
من البرامج اللي احرص اتابعها هي البرامج ذات الطابع التطويري للنفس والحياة و فيها فايدة للشخص نفسه لمعرفة ذاته وتعطيه مهارات في كيفية ادارة مشاعره والتحكم في ردات فعله ..
وسويت الفطور وجا وقت الإفطار .. وربي يتقبل صيامنا .. و طبعاً مافيه أحلى من القهوة بعد الفطور .. رد اعتبار ..
وبعدها يومي مثل ماهو من قبل مثل ايام غيري .. اغلبها في البيت لاني ماحب اطلع في رمضان خاصة ان مافيه الا السوق وهالمكان اعتبره مزعج وياخذ من نفسي ووقتي وماأخلي الطلعة فيه الا مضطرة عشان اجيب اغراض ناقصة .. واكون انا اصلا مخلصة من اغراض العيد ومستلزماته من قبل رمضان بوقت طويل بحيث اني اذا شفت شي عجبني لي وللبنات اخذه لاني عارفة لا جا وقت احتاج فيه ماراح القى شي ..
جمعات الاهل وفطور أمي هو اللي افقده في هالشهر .. بس ان شاء الله الحق عليهم في اواخر رمضان قبل العيد لا سافرت للدمام ..
قبل آذان الفجر .. سحوري يكون خفيف .. عندنا السحور مو وجبة اساسية .. الفطور والباقي منه على مدار بقية اليوم يكفي .. بس في اليوم اللي احس فيه كني جعت مالي الا كاس حليب وتصبيرة ..
أشياء في رمضان ..
* الحمدلله ان ربي كتبلي عمرة وان شاء الله يقبلها .. بصراحة ماهتميت لكل النداءات والمسجات اللي تجيني عالجوال بطلب تأجيل العمرة .. احس هالشي لو حصل لأي احد ماراح يأجله .. انا كذا ،، لاني ما أضمن عمري ولا أدري وين بكون رمضان الجاي .. ودامي الحين في الطايف فلازم اروح، اخاف يجي وقت اطلع من هنا واتحسف اني قدرت وما رحت ..
* غالباً ماحب اكل برا البيت .. فكيف بوقت مثل هالشهر .. رحت يومين لجدة تغيير جو .. احب جدة واحب جوها في رمضان .. بس يومين تكفي .. الفطور في رمضان هو فطور البيت ونَفَس البيت .. لو من احلى المطاعم ..
يوم في رمضان .. كتبتها لاني احتجت اكتب .. اذا انقطعت عن المدونة حسيت الاشياء تتراكم داخلي ..
ومدونتي اعتبرها صديقتي اللي اكلمها واشوف نفسي فيها ..
احاول هنا اكون عفوية قد ما أقدر .. احب العفوية بس تهرب مني أوقات .. الحياة فيها أحلى ..
ربي يبارك لي ولكم بقية رمضان .. ويعيده علينا اعوام عديدة مع من نحب ..
ألقاكم في مواضيع قادمة :)
مع السلامة :*
Subscribe to our mailing list
جميييييل :)
ReplyDeleteاحمد ربي اني عرفت هالمدونة واشتركت فيها
يومك هادئ ومنجز .. أحب كذا
الله يوفقك ويخليلك بناتك يارب
:-*
ربي يخليك ويحفظك شكراً على كلامك الجمييل
Delete:X:X
عمرة مقبولة ان شاء الله
ReplyDeleteو تقبل الله صيامكم وقيامكم
شكراً
Delete:) :X
الحمد الله على السلامة هيا
ReplyDeleteاجر و عافية ان شاء الله
وحشتينا :$
الله يتقبل منك العمره و عقبالنا
الله يرزقك برهم و يصلحهم و يزيدهم قرب لبعضهم و لك
http://around-fog.blogspot.com/
~ توافيق
الحمد الله على السلامة هيا ، اجر و عافيه ان شاء الله
ReplyDeleteالله يتقبل عمرتك
واحشتينا :$
بصراحة صدقتٍ رمضان ما ينفع الا ببيتك
الله يحفظلك بناتك و يزيدهم بر و صلاح
http://around-fog.blogspot.com/
~ توافيق
شكراً حنين ربي يحفظك عزيزتي
Delete:x
ياحلوك ياهيا تعجبيني وعفويتك اللي مميزتك
ReplyDeleteبسيطه وحبابه ♡
شكراً هذا من لطفك
Delete:x
العمرة مقبولة إن شاء الله
ReplyDeleteحبيت تدوينتك. حسيتها عفوية من القلب
الله يخلي لك صغيراتك و يعيد عليك رمضان مع من تحبين و إنتِ بصحة و سلامة يارب
تحياتي / خبطة
تقبل الله منا و منك صالح الأعمال
ReplyDeleteحبيت عفويتك بالتدوينة
تحياتي / خبطة
منا ومنك شكراً
Delete:)
يازينككك عرفتك اليوم بس ومنب عارفه اطلع من مدونتك من جد شي لادخلته ماتتحسف تبارك الرحمن راقيه واسلوبك جميل وتنظيمك للوقت مره يجنن ياحلوك ياهيا والله يكثر من امثالك
ReplyDeleteحبيبة قلبي من ذوقك ولطفك .. أسعدتيني بكلامك الجميل ماتتخيلين
Deleteالله يحفظك ..
:x:x
كل شي جميييل ماشاء الله تبارك الله
ReplyDeleteالله يحفظك يارب :)
حبيبة قلبي أميرا شكراً
Delete:x
بغض النظر عن قسم المكياج والريفيو اللذان لا أميل إليها البتة، أجد هذه التدوينة ممتعة ممتعة لأقصى درجة
ReplyDeleteيُعجبني هذا النوع من التدوينات العفوية الحياتية، متابعة لمدونتك بالرغم من تجاهلي لتدوينات الميك أب :P
شكراً على كلامك واطرائك
Deleteاتشرف بتواجدك في مدونتي عزيزتي دائماً
:x
شي جميل . مدري كيف اعبر
ReplyDelete:x
Deleteمشا الله تبارك الله الله يسعدك تدوينه ملهمه تمنيت اني قريتها قبل جميل يومك ياهيا
ReplyDeleteوالله يخلي لك بناتك واهلك ويعود علينا وعليك هالشهر اعوام مديده : )
شكراً لك نورة ربي يسعدك
Delete:x
م شاء الله تبارك الله , كمية جمال بكل تدوين والله يحفظ كتكيتك ويخليك لهم
ReplyDeleteوربي يعيد رمضان علينا أعوام عديدهه
عندي استفسار ياليت تفيديني فيه أنستقرام تبعك فيه من تصوير الكام كيف تنزيلنهم وتخلينها من غير م يكون فيه حدود ولا تفقد جودتها ؟ ان شاء الله فهمتي اللي اقصدهه
ربي يحفظك شكراً
Deleteبالنسبة لتصوير الكام
اقصها بالفوتوشوب بأداة الكروب واكون محددة الحجم يعني تكون
الطول والعرض
700 px / 700 px
او اي 1000 او 800
اي رقم بس يكون مربع
واشتغل عالصورة واحفظها بصيغة
PNG
وارسلها للايفون بالإيميل واحفظها
وانشرها عالانستقرام
ان شاء الله جوابي يكون واضح وهو اللي تقصدينه
:x
تقبل الله منا ومنك صالح الاعمال .. اعرف اني متأخرة بردي بس ظروف السفر والرجوع وكذا .. اعشق هالمدونه بكل ما فيها .. لاني احس بتقارب الافكار وظروف الحياه .. احب ما يلهمني وانتي تلهميني بأشياء كثيرة .. الله يوفقك ويحفظلك فراشاتك
ReplyDeleteفي حفظ الله ورعايته
ماشاء الله عليج
ReplyDeleteكثييير يعجبني اسلوبك ومدونتك خيااال ماشاء الله (ان شاء الله تتطور مونتي وتكون مثلك :" ) ربي يسعدك
ReplyDelete