مدونة هيا أدون ، اكتب و اُصور

بعض اشياء و رحلة العنايه بالذات (السلف كير Self Care)





السيلف كير Self Care
الإهتمام بالنفس و والعناية فيها جسدياً - نفسياً - عقلياً ووضع خطة أو مهام للقيام فيها لنفسك انت فقط ما يُعتبر أنانية ابداً ! على العكس !
 لما تقوم بالاهتمام في نفسك وتحط حالك في اول أولوياتك فأنت قاعد تقدم لنفسك معروف كبير .. 
هذي الايام، التوتر و القلق من الجاي و حتى الاكتئاب والحزن من ماضي ، منتشر بشكل اصبح مثل الفخ ، سهل الوقوع فيه .. 
لما تهتم بتفسك و تعبي الفراغات اللي تصير فيك بإهمال منك بقصد أو بدون قصد أو حتى بنية طيبة انك لاحق على نفسك بس خليني اخلص واجبي اول وبعدها افضى لنفسي و تكرار هالشي راح يراكم عليك وتلقى نفسك في النهاية منسي ، وتصير فقط مثل الآلي بدون مشاعر لانك لو التفتت لها راح تسحبك لمكان ماراح تطلع منه ، راح تدخل مرحلة الإفلاس !! ماراح تقدر تعطي خلاص .. .
عشان الشخص يكون قادر انه يقوم بواجباته والاعتناء بالاخرين (مثل الامهات مثلاً) فكروا فيها بدل ماتكون انا أولاً ، هي في الحقيقة (وانا بعد) ، اهتم بنفسي عشان اقدر اعطيكم كامل العناية والاهتمام .. .
الاشياء هذي مو لازم تكون شي كبير ، هي مجرد وقت خاص بك ، تقضينه في قراءة ، عمل شي تحبينه ، شي مايشاركك فيه احد ، عمل روتين عناية لبشرتك في النهار و قبل النوم ، روحة لصالون ، قصة شعر لحيوية وتجديد أو جلسة مساج ، بديكيور و منيكيور مو غلط ، أو اقلها اقلها وقت مستقطع خاص بك لعمل لا شئ .. فقط لا شئ .. .
ان شاء الله راح اشارككم بالأشياء اللي اعملها ، فادتني جداً ، صارلي اطبقها ٣ شهور ، والنتيجة : النفسية الغير طيبة و القلق اللي كنت اعاني منه قل بنسبة ٨٠٪؜ ، الحين قاعدة اقول ياربي ليش كنت اعاني!! كان الموضوع سهل وكان و كان .. .
.

اعطـ لنفسك الاهتمام ، والحب ، بقدر ماتبغي غيرك يهتم بك و يحبك 🌹
 اشياء بسيطة لها اثر كبير ❤️ .





من اولى خطوات الإهتمام بالنفس #SelfCare ..
وقفي كل المكملات أو الڤيتامينات اللي تاخذينها من غير وصفة طبية ومن باب زيادتها ماراح تضر ! 
صدقيني الزيادة تضر ونص .. 
في وقت فات ضاقت فيني السبل ، و ربي ارسلي وحدة قالتلي ليه ما تحللين ، و رحت من بعدها حللت ، رحت الصباح ، طبيب عام .. 
طلبت تحليل للدم و الغدة ، ڤيتامين دال ، و بي ١٢ والفوليك ..
جيت بعدها بكم يوم عشان النتيجة ،، كل شي ولله الحمد كويس ، ڤيتامين دال نازل شوي و وصفتلي كورس حبوب اخذ حبة اسبوعياً لمدة محددة ، و اللي ماتوقعته كان الآتي ، حمض الفوليك اللي كنت اخذه كحرص مني ، لقيته مرتفع عندي ٣ أضعاف!!! الدكتورة كانت مستغربة من هالشي لاني ما اعاني من البدانة مع اني قريت ان من اعراض زيادة الفوليك هو الخمول والإكتئاب وقلت يمكن منه كانت حالتي !!

طلبت الدكتورة اسوي تحليل ثاني للدهون و الكوليسترول ، ثاني يوم جيت صايمة عشان التحليل ،، بعدها بيوم جيت اخذت النتيجة ، لقيت الكوليسترول مرتفع !! تخيلوا .. 
وانا كنت اعتبر نفسي صحية ، ربطته بكل شي كمت اكله من دايت و انظمة غذائية لخبطتني و حاست نظام جسمي و هرموناتي .. 
الحين اللي سويته ، وقفت كل الاشياء اللي ترفع الكوليسترول ، صرت احرص عالحركة والمشي ١٠ الاف خطوة هالاقل ٣-٤ مرات اسبوعياً و معها مشي سريع .. 
بعد فترة راح ارجع و اعمل تحليل ثاني اشوف كيف .. 
اهتموا بصحتكم ، وحدة كانت مهتمة مرة وكيسة الڤيتامينات معها وين ماتروح يوم قلتلها اللي صار معي راحت و حللت ، و طلع عندها ڤيتامين بي ١٢ مرتفع ٣ أضعاف الدكتور منع انها تاخذ اي مكمل و توقف كل شي ، لا تستهينوا بأي شي تدخلونه لأجسامكم .. الصحة غالية ..

عشان تسترجعين نفسك ابدأي شوفي ايش ناقصك وكيف صحتك ،، التحليل ممكن تسووه عند اي مستشفى أو مختبرات مختصة ، اللي تقدروا عليه ..





يوم إعادة ضبط #Reset
كركبة الافكار و و تزاحم الأولويات تحتاج ترتيب و رؤية واضحة عن طريق (إعادة الضبط)

لما تحسين بعدم راحة وانك مثل الملحوقة تركضين ولا تشوفين انك خلصتي شي! !! 
يجيك قلق وضيقة من غير سبب لان عندك اشياء متراكمة ماخلصتيها ، هنا قرارك في انك تبدأي حبه حبة ..
يوم إعادة الضبط عندي هو التخلص من اي فوضى 
فوضى حولك اولاً ، ماتتخيلوا كيف لما مثلاً تاخذون دولاب ، درج ، وتنفضونه وتتخلصون من الاشياء المنتهية واللي ماعاد لها لازمة ، كيف تجيكم راحة .. 
لما ترتبي شي قدامكك و وتخلقين مساحات وتطلعي اشياء قديمة مستهلكة ينعكس عليك وأفكارك بالضبط ..

إعادة الضبط من الأشياء المرتبطة بالسيلف كير #selfcare العناية بالذات والاهتمام بالنفس ، اسويه تقريباً كل اسبوعين !! وقبل كنت اسويه كل شهرين ، وانتي ونمط حياتك الحالي ..

ومن افكار اعادة الضبط ، نظفي جوالك و شيلي كل الصور والتطبيقات اللي ماتحتاجينها ، الغي متابعة ناس ماعادت تهمك أو مايضيفون لك بسمة أو فائدة أو يسببون لك العكس ، نظفي سطح المكتب في كمبيوترك من اي ملفات زائدة وهكذا ... 

هالمرة كان الضبط برعاية جو وافكار رمضان الله يبلغنا واياكم اياه بصحة وعافية ❤️ 








من رحلة الـ Self Care الاهتمام ، العناية بالنفس و الذات ،، 

اغلب الاوقات يجي على بالي اني ابغا اسوي دايت وريجيم لكن ينقصني ترتيب الافكار ، الفكرة الأساسية ، والخطوات اللي امشي عليها ، وحلول في كل مرة اوصل لمرحلة جوع وما اعطي نفسي مجال واكل اي شي. وبتفس الوقت ابغى نظام ماأضطر اني احرم نفسي من اي شيانا احبه و مقتنعة من تجارب سابقة انه مايسبب لي اي زيادة .. اتكنز جربته في السنتين الاخيرة ، نظام قوي وينزل وزن بشكل مبير لكن له عوارض جانبية بالنسبة لي عانيت منها من بعد اسبوعين (الحث) من التزامي فيه تظهر هذي الاعراض ، منها لخبطة في الهرمونات ، عدم انتظام الدورة ومشاكل في الرحم وافرازات في غير وقتها وخلتني اروح لطبيبة نساء وولادة خفت لا يكون في شي من اثار اخر ولادة (قيصرية) بس مع السونار الحمدلله مافيه شي ، واخر هذي الاعراض ارتفاع الكوليسترول من اخر تحليل سويته بداية هالعام ، هذا كله مع رغبتي في اني اهتم و اجدد في نفسي و اعتني بجسمي و مظهري وصحتي أولاً و أخيراً ، اول خطوة سجلت في نادي (راح اخلي لها بوست منفصل جاي ان شاء الله) والحين بدأت بالإلتزام بنظام غذائي مرن لحياتي انا (انا مو اخصائية تغذية فقط اشارك تجربتي) بديت في نظام الساوث بيتش دايت وهو النظام اول واحد جربته قبل اتكنز حتى (اتكنز اخذته بعدها لصرامته ووزنه اللي ينزل بعد الولادة خاصة) الساوث بيتش دايت برضو من مرحلتين ، مل المراحل فيها قطع للكريوهيدرات (النشويات) ويعتمد على اختيار الدهون الصحية و كمان قليل الدسم في الاكل (عكس اتكنز) والاهتمام بالمعدل الجلاسيمي ولكن !!! انا هنا اخترت اني ابدأ في الساوث بيتش بس المرحلة الثانية و اللي فيها اقدر اكل توست (نخالة) وكم ملعقة رز ، في هذه المرحلة راح تعنتي بأكلك وتنتقي الافضل لصحتك ، الخبز و التوست راح يستبدل بكامل الحبوب أو النخالة وهكذا و نفس الشي للمكرونة ، راح تكون البنية وبكميات معينه (المكرونة نص كوب) والرز (حبيبتي الكبسة) راح اقدر اكلها ولكن بكمية معينة ومحددة (الافضل الاسمر ولكن البسمتي مسموح في ثاني مرحلة ..
المطلوب اني اوصل لمرحلة اتخيل فيها ذهنياً اني قاعدة اتبع نظام غذائي عشان اعرف المسموح و الممنوع ..
هدفي الاساسي يكون اسلوب حياة ،، اسلوب مرن في الاكل ، اتبع النظام ٧٠ بالمية لترتيب الافكار وتطبيقه على روتيني و بالرياضة اعطي نفسي مساحة كافية لو خربت شوي :)
تقدروا تقروا اكثر عن الساوث بيتش دايت في قوقل ..
وهنا فيه ملف اللي طبعت منه قائمة بالاطعمة المسموح و الممنوع للرجوع لها




بالنسبة للرياضة ، حطيت لنفسي هدف ، مشي يومي عالاقل ٥ الاف خطوة ولكن الهدف ١٠ الاف خطوة .. 

الرياضة في النادي ، اخذ كلاسات قوة و بناء عضل ٣ مرات في الاسبوع من اصل ٥ و يومين كارديو وحرق دهون لو كانت الكلاسات المتوفرة مناسبة لي .. طبعاً سالفة وش احسن تمارين الكارديو ولا تمارين القوة والتحمل حست فيها في البداية ومن بعد بحث استقريت على هذا الترتيب .. 

وقت كتابة هذه السطور ، اعتمدت هالاسبوع في المشي و الهرولة / الركض على السير عالاقل اربع مرات اسبوعياً (مااخذت ولا حصة/كلاس قوة و مقاومة ، ابغى انزل وزن و دهون اكثر ،، بالاضافة الى ان الوقت ضيق ،عندي التزامات علئلية ، وطاقتي شوي منخفضة بسبب لخبطة النوم و الاكل القليل ، على الاقل اقدر التزم بشي فيه حركة من غير ما انقطع..

لتحديد هدفك شوفي نفسك هل تبين تخسرين وزن وبس (التقليل من الاكل راح يخسرك وزن ويعطيك جسم هزيل) ولا تبين تخسرين وزن (مايبين كثير فرق على الميزان) لكن يعطيك لياقة و قوة اكثر وجسم متناسق ..

هنا لازم توازنين وتدخلين الاثقال الخفيفة أو تمارين فيها تكرار مو بس مشي أو على الدراجة ، التمارين هذي راح تجمل الشكل للجسم بدل ما يكون هزيل مع الضعف ..

كني غفلت عن اهم نقطة!!
الرياضة و الحركة لها دور كبير كبير جداً جداً في تغيير النفسية و تحسين المزاج ..
كن جسمك يقول روحي ياشيخة الله يوسع عليك
صدق صدق
الهرمونات اللي يفرزها الجسم عند الحركة تفتح ابواب مسكرة في مخك
يخليك تشوفين اشياء ماكنتي تشوفينها قبل !
في الحركة بركة ....



الساعة المستخدمة في حساب الخطوات هي فت بت الترا اتش دي
التطبيق اللي يجي معها راح يحسب لك الخطوات و عدد الدقائق لما تتمرنين ولما تدخلين في وقت حرق الدهون
 (بحساب ضربات القلب) وهكذا ..

عندي من اكثر من سنتين تقريباً ، كنت طالبتها من امازون بس الحين متوفرة في اغلب الاماكن عندنا و فيها انواع وموديلات جديدة .. معلومات اكثر عن الطلب بالضغط على الصورة.



في تطبيق كمان يساعد انك تحطين كونترول أو تتحكمين في اكلك لو اخترتي تمشين مثلاً أو تحددين عدد سعرات معين لك في اليوم ، تطبيق ماي فتنس بال ..






ألقاكم في مواضيع قادمة :)
مع السلامة :*










ليصلكِ الجديد ؛ اشتركِ معنـا
Subscribe to our mailing list

6 comments

  1. بصعوب قدرت اكتب �� احب بعض اشياء و احب كتاباتك ❤️

    ReplyDelete
  2. شكراً من القلب ..مجهود رائع وكلامك دائماً مفيد ويدخل القلب❤️

    ReplyDelete
  3. This comment has been removed by the author.

    ReplyDelete
  4. الله حبيت كثير البوست ..
    أصلا أول ما شفت النتوفيكيشن حق مدونتك على طول جريت عليها ..

    مواضيعك جميلة ماشاء الله .. بالنسبة لتخصيص وقت جدا جدا جدا مهم أنا كنت كذا الفترة الماضية هاملة نفسي ومشغولة بس بيوسف ورهف والبزنس وصلت لمرحلة أني كنت اصرخ من الآلم اللي جواي

    بعدين فقت على نفسي وخصصت وقت لي وبديت ارجع للروتين والحمدلله على طول بان بشخصيتي ورجعت هادية مثل قبل وأكثر والسعادة والنشاط ملاحظتهم ..

    بس الحين الخطوة المهمة وهو رجعتي للرياضة .. منتظرة بس اجيب الجهاز حقي وارجع لروتين رياضتي بجد افتقدته كثير ..

    لا تقطعي علينا وانتظر البوست الجاي :)

    ReplyDelete
  5. كلامك جا بوقته فعلا لازم ننتبه ل انفسنا .. حتى كلامك عن حبوب الفيتامينات مهم:((

    ReplyDelete