مدونة هيا أدون ، اكتب و اُصور

منتجات ايسوب Aesop


شركة آيسوب Aesop ، شركة استراليه ، صور منتجاتها اكثر شهرة من منتجاتها نفسها
عالاقل بالنسبة لي لإهتمامي بالتصوير :)
كان عندي فضول هل جودة منتاجاتهم بنفس جمال أشكال العبوات وفكرتها ؟؟
منتجاتهم طبيعية بدون مواد كيميائية ، وهذا الخط اللي متبعته الشركة


كنت مرة في بلومينقديلز (دبي مول) ولقيت لهم ستاند :)))
وطبعاً ما راح ارجع الا وانا شاريه شي من عندهم ومصورة شي من منتجاتهم :)

غالباً قبل اشتري اي شي جديد علي أو مافيه عنه مراجعات أو سمعة تسبقه ابحث عن اكثر المنتجات مبيعاً
واشوف ايش اللي منهم احتاجه و اتوقع يناسبني
وحضرت لي قائمة بالمنتجات و اتوجهت لمحلهم ..

كنت حاضره ذهنياً عارفة الموظفة وش تقولي ، مو ضايعة بالطوشة كالعادة لما احد يقدملك منتجات شركة جديدة في السوق ويعرفّك على مزاياها .. حبيتني :))))



Aesop Nurturing Shampoo / Conditioner

شامبو مُغذي - بلسم مُغذي
طبيعة شعري حالياً : غير مصبوغ ، خفيف ، والشعره ناعمة لكن ملولوه :)
شعري تقريباً من سنتين ماصبغته فـ مثل ماهو ، مافيه حنة بعد ولا شي ..
التساقط للشعري المعدل الطبيعي ، اوقات  اوقات يزيد و يقل بس مو شي مزعج ..

الشامبو المُغذي 
مكوناته : بذور العنب و الشمر و لسان الثور!
مُناسب لـ : الشعر الجاف ، المصبوغ
رائحته : منعشة ونعناع خفيف ، جوز
الحجم : ٥٠٠ مل
السعر : ١٦٢,٧٥ درهم
أماكن الشراء : بلومينقديلز (دبي مول)
هل أرجع اشتريه : نعم

البلسم المُغذي 
مكوناته : اللوز الحلو و زبدة الشيا ، ڤيتامين إي (هـ) 
استخدامه : الشعر الجاف ، المصبوغ
رائحته : منعشه ، بلسمي ، جوز
الحجم : ٥٠٠ مل
السعر : ١٦٢,٧٥ درهم
أماكن الشراء : بلومينقديلز (دبي مول)
هل أرجع اشتريه : نعم


الشامبو والبلسم حبيتهم ، ترطيبهم مناسب لحاجتي لان شعري مو جاف مو مثل ما كنت اعاني اول من الجفاف بسبب الصبغات ، لكن في نفس الوقت كنت اححتاج منتج يرطب ويحافظ على الرطوبة في شعري ، ما كنت ابغى شي لزيادة الحجم للشعر أو تنقيته وتنقية فروة الرأس (تزيده جفاف) 
للشعر الجاف ، مايكفي ترطيبه ، المنتجين يحافظون على الترطيب الموجود بأنهم مايسببون جفاف 
لكن مايعطون ترطيب زيادة الا بنسبة بسيطة ،، فلو شعرك جاف و تحتاجين منتج للترطيب ، ماراح يكفيك ولكن لو بغيتي شي يحافظ على الترطيب وتستخدمينه بشكل يومي ممكن و يكون عندك ماسك للشعر تستخدمينه مرة في الاسبوع مثلاً ..
من المنتجات اللي حبيتها من عندهم و رجعت اشتريه مرة ثانية ،، يدوم فترة طويلة والكمية رهيبة
٣ضغطات من الشامبو ومثلها للبلسم ، لشعر خفيف متوسط الطول ، كافية :)
حلو للأيام اللي تبين فيها شي منعش لشعرك وترطيب لطيف ..
في بداية استخدامي ما حبيت رائحته ولكن ولكن تتغير لما يجف الشعر ، وتعودت عليه مرة ..



Aesop Resurrection Aromatique Hand Balm  

اكثر منتج شفت صور له لـ آيسوب وحببني فيهم :)

كريم/بلسم لليدين
مكوناته : مندرين ، روزماري ، سدر
قوامه : بلسمي خفيف
رائحته : حضيات (لذعة المندرين) عشبي وخشبي
ترطيبه : جيد جداً
الحجم : ٧٥ مل
السعر : اقل من ١٠٠ درهم
أماكن الشراء : هذا طلبته من قبل من موقع نوردستورم ولكن متوفر طبعاً
هل أرجع اشتريه : نعم

كريم لطيف وترطيبه ممتاز يدوم وقت طويل  ومايترك أي اثر دهني ومزعج
رائحته ممكن ماتعجب الكل ،، كانت قوية علي في البداية لكن بمجرد ماتوزعينه على يدينك تمتصه البشرة و تبدا تخف رائحة المندرين اللاذعة ،، جميلة ترا :)



Aesop Resolute Hydrating Body Balm
كريم/بلسم للجسم

مكوناته : فلفل اسود ، كاروتين ، باتشولي
قوامه : بلسمي خفيف
رائحته : خشبي للدفء ، منعشة و لاذعة ، بهارات
ترطيبه : جيد جداً ولا يترك اثر دهني
الحجم : ١٢٠ مل
السعر : ١٢٠,٧٥ درهم
أماكن الشراء : بلومينقديلز (دبي مول)
هل أرجع اشتريه : نعم


الكريم منعش ، لذعة الفلفل والباتشولي و خفة القوام ، مايترك اثر دهني و وبنفس الوقت يترك البشرة منتعشة 
مناسب جداً لصيفنا :)



Aesop Geranium Leaf Body Scrub

سكرب/ مُقشر للجسم
مكوناته : ساق الخيزران ، زيوت نباتية
قوامه : جل وحبيبات
استخدامه : بشرة الجسم
رائحته : حمضيات و اعشاب ، لطيفة منعشة (لايم حلو) 
ترطيبه : يترك البشرة رطبة ولا يسبب جفاف
الحجم : ١٨٠ مل
السعر : ١٢٦ درهم
أماكن الشراء : بلومينقديلز (دبي مول)
هل أرجع اشتريه : نعم

المقشر خفيف ولطيف ، مايسبب اي جفاف للبشرة وتقشيره مو قوي ابد (دلع)
يناسب كل الاماكن في الجسم ، مايترك البشرة مترطبة مرة يعني لازم تستخدمين مرطب بعدها بس عالاقل مايزيد جفافها .. استخدمه اانا عادة للـ الجزء العلوي من الجسم .. يعطي إحساس بالانتعاش وانك فرش :)

Aesop Toothpaste

مدحته لي الموظفة وانه دايم خالص ، هالكلمة تكفي ههههه

معجون أسنان
مكوناته : نبق البحر ، هيل ، وصابي
قوامه : كريمي
رائحته : منعشة
الحجم : ٦٠ مل
السعر : ٤٧,٢٥ درهم
أماكن الشراء : بلومينقديلز (دبي مول)
هل أرجع اشتريه : لا




Aesop Rose Hair & Scalp Moisturising Masque
ماسك ترطيب للشعر وفروة الرأس

مكوناته : بتلات الورد ، كيراتين ، لاڤندر
قوامه : بلسمي خفيف
رائحته : زهور ، دافيء ، خشبي (لم يعجبني)
مُناسب لـ : جميع انواع الشعر
ترطيبه : خفيف 
الحجم : ١٢٠ مل
السعر : ١١٥,٥٠ درهم
أماكن الشراء : بلومينقديلز (دبي مول)
هل أرجع اشتريه : لا

أقل المنتجات اللي اعجبتني ، بصراحة ما اعجبني ابداً ..
رائحته ماكنت محببه لي (نسبة اللاڤندر كانت غير مناسبة لذوقي) و قوامه خفيف خلاني ما اخذه بـ جدية :(
طول فترة استخدامي له ماخليته يطول على شعري ، بالكثير ١٠ دقايق
ولكن ماحسيت أي ترطيب ، ولا شي ، بالعكس اضطر احط بلسم ثاني عشان ريحته :(
باقي فيه شوي ، وراح احاول استخدمه مثل ماهو مكتوب عليه ، احطه على شعر رطب (غير مبلل يعني غاسلته و منشفته بالمنشفة) واخليه من ١٠ الى ٣٠ دقيقة و اغسله .. وراح احدّث الموضوع واكتب النتيجة :)


ألقاكم في مواضيع قادمة :)
مع السلامة :*







ليصلكِ الجديد ؛ اشتركِ معنـا
Subscribe to our mailing list


3 comments

  1. أهلين يا جميلة ..
    حبيت كثير الموضوع .. انا فعلا عندي كريم اليد جد جد رائع صحيح ممكن كثير ما تعجبه الريحة بس أنا عشق شريت مؤونة لي كل ما اسافر لاني اعرف ان هنا غير متوفر ..

    فعلا مغري في التصوير منتجاتهم كثير حلوة استانست على الشامبوا والبلسم وشكلي بشتريهم وبجربهم طالما نمتلك نفس الذوق ..

    ReplyDelete
    Replies
    1. حبيبتي داليا .. ايه مدة ترطيبه جميل و الريحة عالمزاج وآحواله ههههه
      نورتيني :*

      Delete
  2. سلام هيا.. وحشني البلوق صراحه :)
    انا قريب بدأت استعمل منتج منهم.. ماكنت اعرف ايش ابغا لأني زيك ماقريت عنهم ولا بحثت عن ايش احتاج منهم
    بس كنت وقتها محتاجه غسول لطيف للوجه، اللي كان معاي ضايقني كثير
    اخذت الغسول اسمه المتردده يمكن؟ اول شي تضايقت من ريحته بعدين تعودت عليها لا وكمان استمتع بها كل صباح
    المهم... الشركة هذي لازم تغير المترجم حقهم، شفت منتج عنده اسمه بلسم يوم القيامه هههههههه
    تحمست اجرب كريمات اليد من عندهم

    ReplyDelete