مشترياتي من موقع صيدلية كوكون سنتر الفرنسية CocoonCenter

تجربة جديدة للشراء عن طريق الانترنت من صيدلية فرنسية وهي كوكون سنتر | CocoonCenter 
ولانها أول تجربة فـ ما كثرت منتجات
نص المنتجات اعرفها واحبها و النص الثاني بالضبط اول مرة وهالموقع اتاح لي فرصة لتجربتها
 تحت كل صورة راح احط اسم المنتج وبالضغط عليه راح يوديكم للرابط في الموقع ..

تجربة الشراء :
عن الكيفية ، مثل اي موقع ، تسجلون فيه و تعبون بياناتكم
تختارون المنتجات اللي حابينها و تضيفونها للسلة
لإتمام عملية الشراء تختارون الشحن مباشر للسعودية و هنا يعطيك خيارين للشحن
منها شركة الشحن Colissimo المحلية عندهم وتوصلها لنا عن طريق البريد السعودي

أو الشحن عن طريق شركة الـ DHL

اخترت انا الشحن عن طريق شركة Colissimo وكنت بصراحة متوقعة تأخير في الشحنة لاني اسمع كثير عن هالشي 

ولكن ولكن

وصلتني الشحنة من غير اي تأخير و بالضبط عالوقت وحتى اقل بيوم من التاريخ المتوقع لوصول الشحنة 

مرة انبسطت من التطور والسرعة اللي صارت عند البريد السعودي :)

اخترت الدفع عن طريق الباي بال ، وفيه خيارات للدفع عن طريق الفيزا ..

ملاحظة ، من المنتجات اللي كنت احاول اطلبها منهم ، منتج ڤيشي للتعرق 

لكن ماكان مسموح لهالمنتج للشحن خارج أوروبا :|

بس بدورر مواقع صيدليات ثانية و ان شاء الله بلقى :))

Embryolisse Concentrated Milk Cream 75ml

كريم للوجه من إمبريوليس ، قرأت مراجعات كثيرة عنه وتحمست لتجربته
استخدمته كذا مرة فـ الوقت غير مناسب لإعطاء صورة عن المنتج
قوامه توقعته اخف ، مكتوب انه مناسب لجميع انواع البشرة ولكن بشرتي مختلطة فحسيت اني مايناسب البشرات الدهنية (قوامه ثقيل) فـ كنت لما اوزعه احط الباقي بخفة على منطقة التي زون (الجبهة و الأنف و الذقن)
ترطيبه رائع جداً ، ومثل ما انعرف عنه ، ممتاز كـ بيس (اساس) قبل تطبيق المكياج
رائع قبل الكونسيلر والاساس خاصة للكونسيلرات اللي تجف بسرعه

Embryolisse Nourishing Hand Cream 75ml

ومن نفس الشركة ، اخترت تجربة كريم اليدين من عندهم
عشق لكريمات اليدين وما أمل منها أبداً

من تجربتين فقط ، ترطيبه ممتاز وتحسين بنعومة ويمتد الترطيب لساعات
الكريم فيه رائحة بس لحد الحين ما لقطتها وشهي ههه
بس مو مزعجة وهذا المهم :)

Avène Cold Cream Concentrated Hand Cream 2 x 50ml

كريم اليدين اللي احبه من شركة آڤِن
دايم كنت اشتري هالكريم بس صار عندنا يبيعوه بسعر غالي (حول ٨٠ ريال)
لقيته في الموقع و بـ عرض ، حبتين من المنتج وبسعر مناسب (حول ٣٥ ريال) يابلاش :))))))

Topicrem Ultra-Moisturizing Hand Cream 50ml

كريم اليدين (كمان وكمان) من توبيكريم
جربت المنتج قبل هالمرة وحبيته ،، شريته من صيدلية في دبي ، عجبني ترطيبه مرررة
من مكوناته اليوريا (حبس الترطيب لمدة أطول) والجليسرين (ترطيب مُضاعف)
من مفضلاتي هالفترة صراحة ..

ألقاكم في مواضيع قادمة :)

مع السلامة :*

ليصلكِ الجديد ؛ اشتركِ معنـا
Subscribe to our mailing list