مشتريات خفيفة من موقع امازون

مشتريات خفيفة من موقع امازون | Amazon :)



كل منتج بالضغط على اسمه أو الصورة يوديكم على الرابط في امازون | Amazon

نبدا ..

Cafflano World's First Portable All-in-one Coffee Maker Tumbler Hand Mill Grinder Dripper

كوب كافلانو ، للقهوة ..
عليها ريڤيوهات كثيرة ايجابية ، و مدح عند مُحبي القهوة

الكوب فيه اكثر من شي ، يطحن القهوة الحب ، و يقطرها بالماء ، و نشرب قهوتنا
يعني تسوي قهوتك وين ماتروح من غير ما تكثر اغراض
مفيدة في السفر ، جداً ..

للأن ماستفتحتها صراحة بس متحمسة مرة اجربها :)

Fit Simplify Resistance Loop Exercise 5 Bands with Instructional Booklet ,Carry Bag, eBook and Online Videos

حبال عريضة مطاطية مختلفة الطول (الحبل مسكر مدري اذا كذا اسمه ههه)
هي  حق تمارين المقاومة ، شفتها عند المُدوِنة الصديقة سناء  تحمست اشتريهم لاني كنت ابغى شي كذا ابدا فيه تمارين لو خفيفة ..
يجي معها مثل الكاتلوج الورقي وفيه تمارين تسوينها ، للجزء العلوي والسفلي من الجسم ..
حبيت ..

الربر باندز تجي بأكثر من قوة مقاومة ، خفيفة ووسط و ثقيلة
مناسبة لكل انواع التمارين للمبتدئين والمتقدمين.

Remote Case for Apple Tv 4th Generation, Akwox Light Weight [Anti Slip] Shock Proof Silicone Remote Cover Case for New Apple Tv 4th Gen Siri Remote Controller with Lanyard (Black)

وندلع الريموت حق الـ Apple TV
مررة مفيد مرة ،، بدال البلاستيك المزعج (الكيسة) حقت الريموت نفسها لان الريموت حساس وعلى اقل لمسة ممكن يشتغل هههه .. بس مع الكڤر السليكون  تمسكينه من قلب ماتخافين عالريموت لا يتجرح ..
مقاسه ممتاز و جاي معه مثل التعليقة ، مدري ليش .. بس ممكن ..
الريموت لـ Apple TV الجيل الرابع ..

Apple Watch Band, Penom Fully Magnetic Closure Clasp Mesh Loop Milanese Stainless Steel Bracelet Strap for Apple iWatch Sport & Edition 42mm - Black

سير معدني لساعة Apple Watch ..
طبعاً مو من آبل نفسها ، بس فيه متاجر توفر نسخ ارخص من الاصلية ،، لانها مو لي بس رضخت و طلبت ههه ..
لقيت ان جودتها جيدة ، توقعت اسوأ ،، بس الى الحين تمااام ،، هو السير اللي يجي معدني و يتقفل بمغناطيس ..
هذا السير لـ مقاس ٤٢ مم  من Apple Watch ..

Artificial Flower Purple Lavender Bouquet for Home Decor and Wedding Decorations - 8 Bundles

احب اللاڤندر ..
شفته صدفة في امازون وخذت قلبي وقلت بخاطر هههه ،، خفت انها تطلع شكلها رخيص مع ان سعرها مو رخيص ،
وخفت بعد ان حجمها يصير كثير لانها تجي ٨ باقات ،، يعني ماطرالي انه كثير ، ابداً ،، ههه ،، الا ما القالها مكان ،،
حبيت فيها ان شكلها مرة طبيعي ، فيه ريحة بلاستيكية و توسخ شوي المكان تطلع مع الحركة مثل القطن أو فلين كذا .. بس خفيف ..

شكلها جميل جميل .. ولا :)))

Oak Leaf 30 Super Bright LED Rope Light, 9.8 Feet, Warm White, 2-Set

بصراحة ما صرت اقدر اعيش من غير هاللمبات هههه تعطي جو خيالي ..
كان عندي لمبات الـ Fairy Tales شاريتهن من محل تايبو Typo في دبي بس انقطع السلك حقهم مع التنقل و عبث الاطفال ،، وانا احوس في امازون | Amazon قلت باخذ لي اكيد ماراح انتظر لين اروح دبي ،، اخترت نوعين .. وقلت بشوف الفرق :)
العلبة تجي في حبتين ، طول الوحدة تقريباً ٣٠٠ سم
والواير لونه نحاسي ، والنور لونه اصفر دافي ،، اختيار كان ممتاز :)

Starry String Lights,Fairy String Lights 20 Micro Starry Leds On Silvery Copper Wire

النوع الثاني اللي اخترته من اللمبات الصغيرة هذا النوع ..
العلبة يجي فيها ٦ حبات ،، لون اللمبات تقريباً متشابه لكن الواير لونه ابيض على فضي ،، وطول الوحدة اقصر من السابقة النحاسية ، طولها تقريباً ٢٠٠ وشوي سم ..

وهنا الفرق بين اللمبتين ..

PopSockets: Expanding Stand and Grip for Smartphones and Tablets - Blue Nebula
PopSockets: Expanding Stand and Grip for Smartphones and Tablets - Moon

ممسكة الجوال اللطيفة شفتها عند الصديقة الجميلة المُدوِنة أروى
كنت في آمس الحاجة لشي استخدمه لجوالي كستاند بدال اللي عندي ..
اخترت ثنتين ، عجبوني الوانهم ،، جميلين جداً و عمليين وغير مزعجين ابد ماياخذون مساحة من تلفونك ..
 تشترينهم كل واحد لحال ..
حطيت كل واحد ورابطه و فيه انواع ثانيه واشكال يمديك تتصفحينهم وتشوفين ..

DC Fix 346-0306 Adhesive Film, Grey Marble 45cm x 2m

من الطلبات اللي سقطت سهواً :)
اي شي فيه رخام احبه
عندي من اول تجليدة رخامية بس ملونة بدرجات الوردي و المشمشي ، كنت ابغا مثل الصورة ، درجات الارمادي ، وشفت هذي وطلت ،، حبيتها مرة ،، مع ان سطحها لامع مو مطفي بس اهم شي مايبين في التصوير دام النور مو موجهه عليه ..

استخدمت التجليدة كـ خلفية في صورة في انستقرامي لو حبيتوا تشوفوه هنا
و بعد جلدت فيه دفتر عادي ،، حبيت :)

جميع مواضيع مشتريات موقع امازون تلقونها هنا

  

ألقاكم في مواضيع قادمة :)

مع السلامة :*

ليصلكِ الجديد ؛ اشتركِ معنـا
Subscribe to our mailing list