أحب هالكيكة :))
كيكة التمر ، صار البيت كله من عشاقها ..
التمر في الاكلات له طعم خاص وصرت انا من عشاق أي شي فيه تمر :)
طريقة الكيكة سهله وبسيطة ،، جربوها :)
نبدأ ..
المقادير :
خليط بيتي كروكر الاصفر
٣ بيضات
١/٣ كوب زيت (٦٥مل)
١ و ١/٥ كوب ماء (٢٧٥مل)
كوب معجون تمر
ربع ملعقة صغيرة قرفة
ربع ملعقة صغيرة هيل مطحون
الطريقة :
جميع المقادير السابقة في زبدية واخلطهم بالخفاقة الكهربائية ،،
عشان قطع التمر راح ياخذ شوي وقت ،،
ونحضر القالب ..
انا استخدمت القالب الستيل (الحديد) العادي اللي بوسطه عامود متوفر في اغلب المحلات
و بخيته قبل بـ بخاخ الزيت و الطحين، اللي في الصورة ..
وصبيت الخليط فيه ..
جهزت الفرن ، خليته يسخن لـ ٣٥٥ درجة
حطيت فيه القالب ،، لمدة ٤٥ دقيقة
ما أفتح الفرن خلال هالمدة ..
بعد ماتخلص الـ ٤٥ دقيقة اشيك بعود خشبي ادخله بوسط الكيك لو استوا أو لا ،، والغالب انه استوا ..
ملاحظة ،، ترا القوالب المعدنية الغامقة تحتاج حرارة اقل يعني حول ٣٢٥ درجة
وشيكوا بعد عالمدة ..
نخليها برا لين تبرد ،، وبالعادة انا اغطيها بقطعة قماش عشان تحتفظ برطوبتها ..
ممكن تزينوها بأي شي من صوصات ..
انا هالمرة رشيت عليه مسحوق سكر :)
وعليكم بالعافية يارب ..
* * *
ألقاكم في مواضيع قادمة :)
مع السلامة :*
Subscribe to our mailing list
انا من عشاق كيكه التمر
ReplyDeleteيعطيك العافيه على الوصفه وطريقه التصوير جميله 😍
شكراً كلك ذوق 😍❤️
Deleteأنا أيضاً من عشاق كيكة التمر واحب أجرب كل طريقة جديدة لها ، أعشقها في موسم الشتاء لكن ضروري أجرب طريقتك 👌🏼❤️تسلم أيديك وتصويرك بطل كالعادة
ReplyDeleteالله يسلمك يارب كلك ذوق سارا ❤️🌹
Deleteاي شي فيه تمر لذيييذ يعطييك العافيييه
ReplyDeleteمتابعه جديده
أهلاً أهلاً 😍❤️
Deleteلازم الخليط الاصفر ولاعادي اي خليط عندي الابيض مدري فانيليا
ReplyDeleteماجربت والله 🌹
Deleteيشهي ،الف عافيه عليك حبيبتي
ReplyDeleteالله يعَافيك شكراً نورا ❤️❤️
Deleteتسلم يدينك هيا ، حنونه كيكة التمر جدا جدا في الشتاء ، يارب يعود الشتاء بخير ، دايم اسويها بس بخليط انا احوس فيه يم يمييي
ReplyDeleteأنا كمان أحب أي شيء فيه تمر ���� شكلها جميل ماشاء الله تسلم يدينك و يعطيكي العافية يا رب❤️❤️
ReplyDeleteان شاءالله اجربها شكلها بططله وتصويرك يفتح النفس ..يعطيك العافيه
ReplyDeleteهيا والله شهيتيني اعملها مع أني ما أحب التمر .... لازم اجربها ان شاء الله
ReplyDeleteماشاء الله شكلها لذييييذة
ReplyDeleteوتصويرم يحمّس الواحد يسويها، بجربها قريب ان شاء الله
يعطيك العافية واستمري 🙏🏻💜💜✨
يعطيك العافية هيا على هالجمال 💝
ReplyDeleteأحبها مره مره وسويتها أكثر من مرة بس بخليط أنا اسويه
🙊أول مرره احط كومنت في مدونة وكان من نصيبك ما لي صحبة مع المدونات بس شكلي بصير من
💞عُشاقها
💝👌🏽 يعطيك العافية هيا
ReplyDelete😢 شكلها يششهي مرا
😻😻😻😻 ماشاءالله تصصصويرك حكاااية
مساء الخير ، أول شيء باعلّق ع التصوير 😻 خراااافي تبارك الله ..
ReplyDeleteأنا من عشّاق الكيك بس يهمني يكون عليه طبقة صوص فوق باردة .. بإذن الله أجربها واضيف لها توفي اتوقع بتطلع دلشششز
(انا ما احب اشياء التمر بس شكل الكيكه يشهيي تحمست اسويها (اهم شي انها سهللله
ReplyDeleteماشاء الله شكلها لذيذة , وتصويرك خطير
ReplyDeleteإن شاء الله بجربها قريبًا ♥♥♥
الله يعطيك العافية ♥
يمي اشتهيتها من احب الكيكات على قلبي اصلن اي شي يدخل من ضمن مكوناته التمر فانا اعشقها يعطيكي العافية هيا
ReplyDeleteاعلى درجة للفرن عندي 250 ...
ReplyDeleteأنا من عشاق الحلويات والكيك بالتمر
ReplyDeleteبإذن الله بجربها مع صوص توفي يمممم
هيوونه
ReplyDeleteماشالله التصوير لحاله حكايه
ابسط طريقه لكيكة التمر بجربها باذن الله.. تعجبني طباختك بسيطه ولذييذه
بالعافيه على قلوبكم