مدونة هيا أدون ، اكتب و اُصور

موضة ربيع ٢٠١٦ في دولابك



الشتاء عندنا بين يوم وليلة يروح ، وبعده مو متعودين عالربيع قد مايجي الصيف على طول هههه
لكن في ببعض المناطق الربيع عندهم مو بس حر ويستمتعون بالجو والدفا بعد برد الشتااا ..


لـ مُحبي الموضة ، موضوعي اليوم ..
عن كم ترند في موسم ربيع وصيف ٢٠١٦ للقطع الأساسيه واللي ممكن تكون عندك ، من ملابس أو اكسسوارات أو أحذية ،، وأيضاً الألوان الدارجة هالفترة ..
راح تلاحظون اغلب القطع متكررة في اغلب المحلات ، رحت من فترة قريبة للسوق وشفت كذا قطعه عجبتني و عالموضة ..

في الموضوع ، راح اذكر بعض الموديلات الدارجة ، والقطع اللي تناسبها (عندي من قبل) أو شريتها قريب :)

في البداية ،، هذي ألوان ربيع ٢٠١٦
ولو تشوفونها مُنعشة تناسب هالفصل ، واللون الازرق بدرجاته حاضر ومتربع :)

* * *

  موضة ربيع / صيف ٢٠١٦ الأساسية : 

 الإكسسوارات : طبقات من السلاسل 


طبقات السلاسل الناعمة موضة هالموسم في الاكسسوارات ،، العقد هذا شريته من محل آلدو للاكسسوارات و عجبني فيه كل سلسلة وله تعليقة من حجر وغيره .. حلو على تيشرت سادة يعطيه شكل مختلف ..

● الأكتاف الظاهرة 


في هالموسم موضة الاكتاف الظاهرة في القطع العلوية دارجة جداً ، ممكن كـ بوزة تبين جزء من الكتفين أو الاكتاف كاملة ،، القطعة في الصورة ، شريتها من بيرشكا ، عجبتني قصتها و خامتها خفيفة ، ربيعية ، وبعد لأن موضة المخطط بعد ماشية هالفترة واللون الأزرق ،، مع ان اغلب اللي شفته ، تخطيط عريض ، بس المهم موضة :))))

● بلوزة (تي شيرت) بسيط أبيض أو رمادي 


التيشرتات البيضاء والرمادية آساسية ، مافيه دولاب يخلو منها (صح؟) هالموضة بالنسبة لي من المُسلّمات و ألبسهم طول الوقت ، لاني احب هاللونين و التيشرتات ما استغني عنها ،، احب اكثر شي اللي تجي بفتحة V أو على شكل U ..
عموماً ، الـ Tops ذات اللون الابيض سواء قمصان أو تيشرتات بعد متواجده بقوة هالفترة ..

● الطابع الڤيكتوري 


احب هالستايل مرة ،، يعطي أناقة ورُقي ،، وبعد احب القمصان اللي تجي بكشكشة اخر الكم أو في اعلى الكولار (الياقة) في القميص .. من الدارج هالموسم بعد اللي لاحظتها القطع و الملابس المُستوحاة من قمصان النوم .. !! تتوقعون راح تمشي عندنا !! عني انا لاااا :)))

● الجينزات 


هالسنة موضة جينزات البويفرند Boyfriend Jeans اللي تكون واسعة - والجينزات المقطعة مستمرة ..
ممكن تلبسينهم وانتي مرتاحة ههه .. وبعد دارج هالموسم السكيني جينز وطوله لحد الكعب يعني من غير حركة التسفيط اخر شي :)) ،، و بعد اللون الابيض للجينزات حضوره قوي ..


● الفستان الجينز 



الفستان الجينز دارج مررة ،، وممكن جاكيت جينز أو سديري (ڤيست Vest) ..
شفت كثير في محلاتنا عارضين فساتين جينز بأشكال ودرجات ألوان مختلفة ..
الفستان في الصورة عندي من سنين ومن زمان مالبسته ، فقلت حلو انه رجعت موضته و اوثقه بصورة :)))


● الشبشب بـ كعب عريض 



مالقيت كلمة لطيفة غير (الشبشب) ههههه ،، شريتها لان عجبني اللون مرة ..
 وكثير دارج الكعب العريض هالموسم ..

● الويدج صندل Wedge Sandal 


الويدج صندل ماعرف ترجمتها بس هي الصنادل اللي يجي كعبها متصل لين المُقدمة ..
دارجة بقوة في ربيع وصيف هالسنة ..
هالصندل عجبني شريته في تخفيضات نهاية السنة من كلاركس ، احب اللون هذا مررة ، وماصدقت يخلص البرد عشان اقدر البسه :)
لاحظت في اغلب محلات الأحذية صنادل كثير اللي تجي مرتفعة لكن بنفس الارتفاع للككعب و المقدمة فهمتوا علي!
ويجي جزء منها بلون ابيض ،، ذكرتني بموضة الدباب زمااااان هههه بس هذي أهون ،،
اشهرهم اللي نزلتها ستيلا مكارتني ،، حلوة للناس الجريئة في طلااتها :)

هنا بعض القطع اخترتها وتناسب موسم الربيع




وبس هذي بعض الترندات هالفترة ،، ان شاء الله ألهمتكم في رحلتكم التسوّقية الجاية :)


ألقاكم في مواضيع قادمة :)
مع السلامة :*





ليصلكِ الجديد ؛ اشتركِ معنـا
Subscribe to our mailing list


27 comments

  1. اهلا اهلا😍
    اخيرا خلص الشتاء وجاء الربيع.. الربيع فصل جميل احبه جدا بس شكله ما يحبنا هههه يادوب يقعد كم يوم ويودع💔..
    ألوان هالفصل جمييله كلها من مفضلاتي😍👍
    بالذات الفاتحة الباستيل والطبيعية😍
    حبيت فكرة السلاسل على بلوزة شيفون بيضاء ساده💖
    الطابع الفيكتوري عشق عشق نصف دولابي منه😁😍
    يعطي انووثه ودلع😍
    الفساتين الجينز والصنادل الويدج ماني صحبه معاهم😅 ذوقي غالبا كلاسيكي رسمي نادر اطلع عنه

    حبيت التدوينه جدا يعطيك العافيه😘🌷

    ReplyDelete
    Replies
    1. اسعدني تواجدك جداً ..
      ومثلك كل الڤيكتوري ستايل احبه .. واحلى مافي هالمرسم ان كل ترنداته موجودة ومتوفرة مو صرعات و صعب وجودها وكل وحده تقدر تاخذ اللي يناسبها و ستايلها

      شكراً جزيلاً لك ربي يعافيك ❤️

      Delete
  2. آهلين بالجميله هيا آول مرة اكتب رد
    لاحظت مثلك انتشار الفساتين الجينر وريفا منزل قطع ��
    والجينز الابيض منتشر بس ماحبيت لانه مو اي جسم يلبسه

    تدرين وش نفسي

    نفسي يكون كل محل يحط قياس محدد عند كل قطعه عشان تكون تشجيعيه لوزن مثالي والمحافظه على الجسم الرشيق

    ReplyDelete
    Replies
    1. مثلك شفت فساتين اشكال ألوان

      حلوة فكرتك
      نورتيني ❤️

      Delete
  3. احس اكثر شي لازم يكون في دولاب كل وحده هالفتره القطع اللي نمطها فيكتوري والقطع اللي فيها هدب لانها راح تكمل معانا حتى في موسم خريف شتاء ٢٠١٦ ، شكرا عالموضوع الحلو هيا وعالاختيارات الجميله 😘❤️

    ReplyDelete
    Replies
    1. الڤيكتوري ستايل احبه مررة
      شكراً لك 😍❤️

      Delete
  4. Thank you jameeeelty haya 💋💋💋❤️💕✨✨✨

    ReplyDelete
  5. موظة هذي السنة منسابة للكل مع اني مو من متابعين الموظة أحب ألبس على ستاي جمسي
    سبحان الله أغلب ترند هذي السنه عندي منه قطعة حتى الجينز الأبيض عشقي هو
    فستان الجينز بعد عندي خذته من جراج شوب
    واتفق معاج لبس الملابس الدخليه المفروض محد يلبسه يخلي لوكج رخيص
    التوب إلي يظهر الكتف هذا ترا ستايل ياباني
    وموجود من زمان تجننت يوم شفته موجود بالسوق حتى القمصات إلي تكون أوف شولدرز
    الاكسسوارات يبيلي أكثر منها أنا من الناس إلي ما تلبس اكسسوار وعطيتيني فكره شو ممكن ابدا فيه

    ReplyDelete
    Replies
    1. الملابس اللي يشبه تصميمها كنها قمصان نوم ماعتقد لها سوق عندنا هههه

      نورتيني ❤️

      Delete
  6. حبيت الموضوع وصحيح البوي فرند جينز حبيته غير انه مريح شكله انيق ، يعطيج العافيه هيون♥️

    ReplyDelete
  7. مافي آجمل من جينزآت البويفريند :3
    كفيتي ووفيتي ف البوست شرح مرتب وجميل <3

    ReplyDelete
    Replies
    1. جداً مريحة وعملية

      شكراً نورتيني ❤️

      Delete
  8. أنا من فتره لاحظت الويدج صندل وحبيته صراحه
    تومي عندهم تشكيله من هالنوع

    شكراً هيا ����

    ReplyDelete
  9. البوست جميييل كعادتك
    وصراحه انا مو من متابعين الموضه بس احب الصيف والوانه
    بس حبيت اختياراتك بالذات الطابع الفكتوري مررره احبه
    يعطيك العافيه يارب

    ReplyDelete
  10. بوست جميل
    الوان الربيع ذي السنة رائعة واختياراتك في محلها وتجنن
    يعطيك الف عافيه

    ReplyDelete
  11. أفدتيني بالألوان الدارجه و الموديلات خاصه اني متابعه غير جيّده للموضه
    شكراً لج يا جميله

    ReplyDelete
    Replies
    1. اهم شي الألوان

      شكراً لك 😘❤️

      Delete
  12. ما شاءالله حبيت البوست مرة ! واختباراتك ذوق
    اكثر شي حبيته موضة الكعب العريض لأنه مريح وسهل بالمشي

    يعطيك العافية ياجميلة
    كالعادة الصور فوق الجمال

    ReplyDelete
  13. حبييييت الكعب العريض من شانيل فتنننه
    انا لي شهر معتمده الاشياء كلها اصفر مدري اش فيني حبيت البوست اجمل مدونه احبها ، متابعينك من الطايف كمية قلوب ❤️❤️❤️❤️.

    ReplyDelete
  14. ما شاء الله "".
    أول مره أدخل المدونه لكن انبهرت ب الترتيب و تعبك على شكل و تصميم المدونه
    بغض النظر عن المواضيع الجميله "".
    الله يوفقك وييسر أمرك

    ReplyDelete
  15. ماشاءالله موضوع نظيف ومرتب😻كذا فيه نظافة في الصور،

    ReplyDelete
  16. روعه ياهيا ، دايم متميزه بتصويرك وبساطتك ، ياحبي لمدونتك الراقيه

    ReplyDelete