مدونة هيا أدون ، اكتب و اُصور

كونسيلر ميبلين Maybelline age Rewind Concealer



كونسيلر ميبلين جربته لفترة كافية وبقولكم عنه ..
Maybeline Instant Anti-Age Rewind Eraser Dark Circle



هذا الكونسيلر اشتهر كثير وكان هذا الشي من الأسباب اللي خلتني اشتريه ..

اشتريته من - مدريد - ، فكانت الدرجات هناك مو كثير ، درجتين بس ..
درجة فاتحة مرة و درجة طبيعيه (نود Nude) وهي اللي اخترتها ، وناسبتني  ..

○ وصف المنتج 

عبارة عن خافي عيوب سائل بتركيبة مُركزة ولون واضح ..
يحتوي على مواد اخرى تساعد ف علاج انتفاخات ماحول العين (غير متأكدة من فعاليتها لأني ماعندي هذي المشكلة)

العلبة بلاستيكية بحجم صغير مُصممة بحيث تقدرين تحركين الرأس بشكل دائري (لف) لاستخراج المنتج وتوزيعه من خلال الكُرة الإسفنجية على البشرة ..

متوفر ٦ درجات وتقدرون تطلبونه من النت او متاجر خاصة ..


احب استخدم هالكونسيلر كمنتج يومي ، يعني ما استخدمه للمناسبات ،،
في الآيام اللي تكون فيها هالاتي خفيفة يعطيني تغطية و تنوير لمنطقة ماتحت العين ،
لكن في الاوقات اللي هالاتي تكون اكثر من متوسطة الى غامقة ، استخدم قبله كوركتر(مُصحح) برتقالي بشكل خفيف
لان الكونسيلر لحاله مايغطيها بالشكل المطلوب و تتحول لرمادي بشكل مزعج ..


هذا شكل الاسفنجة وهي جديدة قبل اول تطبيق ..
 استخدم الكرة الأسفنجية في توزيعه تحت العين ،، وأيضاً لماحول الأنف  والفم ..
وللدمج استخدم اكثر من أداة ،، فرش و اسفنجة البيوتي بلندر حسب الوقت ..

لاحظت انه لازم بعد توزيع الكونسيلر ماخليه وقت طويل عالبشرة ..
 لازم ادمجه بسرعه لانه ينشف ويصير صعب في التوزيع ..

○ الأدوات اللي استخدمها للدمج 

البيوتي بلندر (الاسفنجة الوردية) : وهي رطبة ، اوزع المنتج لتحت العين و للمناطق اللي وزعت عليها الكونسيلر ، استخدم الجهة المُستدِقة للآماكن الصغيرة ، النتيجة اللي تعطيني اياه جميله وطبيعية ، احبها ..

فرشة ماك ١٣٠ : اعترف اني اول ماشريت المنتج ماحبيته لاني استخدمت في توزيعه هذي الفرشة بس لان المنتج يحتاج سرعة بعد التوزيع للدمج عشان ماينشف و يبقع ،، مع الوقت ،، حبيته اكثر ،، واستخدم هذي الفرشة لما مايكون عندي وقت للاسفنجة وابللها ..
فرشة الكابوكي الصغيرة المائلة من سنسي : هذي اخر فرشة شريتها ، واستخدمتها اكثر من مرة ،، حلاتها انها تعطي تحديد للاماكن الصغيرة كتنظيف تحت الايلاينر في نهاية العين ..


في مناسبات خفيفة استخدم لتثبيته بودرة سائبة ،، تزيد من ثباته مع انه باستخدامه بدون البودرة مالاحظت عليه اي تخطيط ..


بعد دمج الكونسيلر ، اوقات لو احتجت لتثبيت و تنوير اكثر لما تحت العين او اي مكان وزعت عليه الكونسيلر ، اوزع بإستخدام بيوتي بلندر جافة ، من الجهة المُستدقة ، من اللوس باودر (البودرة السائبة) من لورا مارسييه او اي بودرة عندك ، واخليها وقت اخلص فيه بقية مكياجي ، وقبل انتهي ازيل الزايد من البودرة بفرشة شعراتها كبيرة و كثيفة ..
والنهاية جميلة وطبيعيه ولا أحلى ..

تتوقعون لو خلص راح أرجع اشتريه ؟؟ نعم :)

الخلاصة ..

● إيجابيات 

 سعر مناسب
 قوامه خفيف
 تغطيته متوسطة
 ينور ماتحت العين وممكن استخدامه للتنوير (هايلايتر)
 ماسبب لي حبوب


● سلبيات 

 الكرة الأسفنجية غير مناسبة للي تهتم بالتعقيم والنظافة ، عني انا ماعندي مشكله :)
 الدرجات غير متنوعة كثير
 غير مناسب للهالات الغامقة والغامقة جداً
 غير مناسب للبشرات الجافة والجافة جداً (خاصةً تحت العين) 
 غير اقتصادي ، ممكن يخلص بسرعة لو استخدمتيه بصورة يوميه

وانتهى الريڤيو ..

جربتوا الكونسيلر ! شرايكم فيه، شاركوني ؟؟

ألقاكم في مواضيع قادمة ..
مع السلامة :*







ليصلكِ الجديد ؛ اشتركِ معنـا
Subscribe to our mailing list


11 comments

  1. This comment has been removed by the author.

    ReplyDelete
  2. اسعد الله مساك يا حَبيبة ❤️

    انا للامانه عقدتي الكونسيلر و كل ما اتهور ابغى اشتري اتراجع مو عارفه السبب بالزبط
    بس حبيت هذا من شكله يمكن لأن البيبي كريم الوحيد اللي زبط معاي تمامًا من كل النواحي من ميبلين احس هذا بيكون الـ lifesaver ��
    ان شاء الله اتجرأ و اخذه

    جُزيتي خيرًا

    ReplyDelete
  3. يسعد مسااك ..

    مرره جميل الكونسيلر ،،و
    اتفق معاك بخصوص الهالات
    اختي بشرتها جافه ناسبها ومعتمده عليه كثير ����

    يعطيك العافيه ..

    ReplyDelete
  4. يعطيك العافية حبيبتي .. انا بصراحة مو عندي لان دايم يقولون عنة خفيف وانا عاطلة ف تقريباً اغلب طلعاتي احتاج لها من متوسط الى فل كفر :)

    وشكراً

    ReplyDelete
  5. يعطيك العافية حبيبتي .. انا بصراحة مو عندي لان دايم يقولون عنة خفيف وانا عاطلة ف تقريباً اغلب طلعاتي احتاج لها من متوسط الى فل كفر :)

    وشكراً

    ReplyDelete
  6. شريته من مدح الناس وان تغطيته من متوسطه لعالية
    لكن للاسف نتيجته مره ماحبيتها بالنسبة لي مايغطي مره سواء بكوركتر او بدون 👎

    ReplyDelete
  7. اشتريته لاكن ماعرفت استخدمه اقعد الف والف مايطلع شي قهرني ورميته في الدولاب ولا عد استخدمه

    ReplyDelete
  8. من سنتين كنت متحمسه له واشتريت درجة لكن كانت فاتحه عليا واعطيته امي
    قبل كم يوم لقيتها جايبته ليا درجة اغمق اتوقع إن شاء الله تكون مناسبه
    من ناحية التعقيم كنت ابخ كحول على الاسفنجة اخليه شويا بعدين امسحه بوايبس
    او اطلع المنتج واخذه بفرشة زيادة حرص يعني ♥

    ReplyDelete
  9. البوست جميييل صراحه ماقد جربت كونسيلر لان ماكااااان عندي هالات ولا مشكلات بس الحين 🤓👵🏼
    مع ابني الله يحميه صار لازم نشتري 👍🏽
    مشكوره عالبوست ❤️

    ReplyDelete
  10. شريته وجميل :)
    شسموو حأبه اسالك بودورة لورأ مارسييه تستخدم في الطلعات العادية او تحسيها أوفر ؟! وشكرأ

    ReplyDelete
  11. يعطيك العافية هيونة ،، مدونتك ما استغني عنها أبداً حاطتها بالمفضلة ودايماً أطل عليها ،، أحس كأني أتفرج على مجلة على الاتقان والابداع ربي يحميك
    وبسألك بعيد عن موضوع التدوينة ايش نوع عدسة الكام اللي تستخدمينها اللي تسوي عزل جميل ،، وشكراً

    ReplyDelete