فصل الشتاء هو الفصل اللي اعشقه عشان مود الملابس والدفا
احب الطبقات المتناسقة (من غير ماتكون مثل اهل الاسكيمو هههه)
تعطي شكل جميل وتدفي بنفس الوقت
وبعد لو زاد البرد او نقص في نفس الوقت اقدر اشيل قطعة و اضيف ... احب هالمرونة :)))
اليوم كم تنسيق لقطع مو كثيرة ، اغلبها اساسيه عند الكثيرين ..
التنسيق كاجوال (عملي) كلاسيكي ..
كـ عادتي ..
القميص : مانقو | Mango
البلوزة : مانقو | Mango
الجينز : ديزل | Disel
الشنطة : ام سي ام | MCM
الفلات : كارولينا هيريرا | Carolina Herrara
فكرة القميص و عليه البلوزة الشتوية احبها ، تعطي اناقة مررة و على جينز تكسر حدة الرسمية وتخليه مناسب لجمعة أهل ومناسبة لأي وقت ..
الجينز بويفرند Boyfriend Jeans ، موديله واسع من فوق وعلى امتدااده ، وقريت ان موضته مستمرة لهالسنة بعد :)
ممكن نفس التنسيق بإضافات بسيطة يصير ينفع لمناسبة عشاء ،،
اضفت له عقد لولو طويل لكن خليته يلف لفتين تحت كولار القميص
وبدل الفلات ، لبست كعب اسود لامع ..
ولكل فصل مو بس الشتاا ،، التنسيق اللي يناسب كل وقت ، جينز و قميص أبيض :)
الكعب من لوبوتان مو طويل فيُعتبر مُريح ، ولانه لامع فيعطي قصة ..
على قولة الموظفة اللي كانت هناك ، تقول ان اللامع هو الموضة في كل وقت خاصة مع لوبوتان ،،
ولان المطفي منه يتكسر ويبان عليه مثل ماشفته عند خواتي ،،
وبعد مقدمة الكعب نفسه بيضاوية وتناسب شكل القدم عندي (الله يكرمكم) لان مشط القدم عريض ..
فـ كله مناسب :))
هذي الشنطة جت في وقت مثل ماابيها ..
كنت احتاج شنطة عمليه ، احط فيها كل شي وامشي ..
تشيل كل شي ..
ولونها وقعت بغرامه من اول نظرة :)))
* * *
الهاي نك : مانقو | Mango
الجينز : توب شوب | Top Shop
القطعة العلوية (الوردية) : موجي (دبي مول) | Muji
السنيكرز : نايكي | Nike
الشنطة الميني : لوي ڤيتون | Louis Viton
هاللبس مريح بشكل ..
احس اني خفيفة و دفيانة بنفس الوقت ..
القطعة العلوية (الوردية) ماعرف اسمها
شفتها في محل موچي في دبي مول وكانت معروضة بألوان وأشكال مختلفة ..
حبيت ..
وطبعاً يناسب جداً قميص بنفس الفكرة ..
هالجينز من توب شوب موديله سكيني ..
احب جينزاتهم لانها تجي بمقاسات تناسبك
يعني تلقين طول مختلف لنفس عرض الخصر ..
تفاصيل آخرى ..
احبه احبه ،، مريح جداً ..
احبها عشان تكفي حجم ايفوني (٦بلس) هههههه ..
وهذا التنسيق نفس الأول ولكن من دون القميص ..
وإضافة سكارف ، وكعب نود ..
من كلاركس | Clarks
السكارف من محل في دبي مول (غير موجود حالياً)
السكارف من فوريفر 21
* * *
ماقدرت اكتب عن تنسيقات الشتاء من غير هالبلوفر الصوفي من بينتون
هالبلوفر البسه على قميص . كحال اغلب البلوڤرات الصوفية ..
احبه مررة .. له ذكريات جميله ..
عندي من عام ١٩٩٣ ..
عشان كذا ابداً ما استخسر ريال في ملابس الشتا الصوفية .. سعرها فيها :))
هذي كانت بعض التنسيقات اللي لبستها في شتوية هالسنة ..
شاركوني بالقطع الاساسية اللي لازم تكون عندكم في دولابكم وماتستغنون عنها في الشتاء :))
ألقاكم في مواضيع قادمة ..
مع السلامة :*
Subscribe to our mailing list
ما شاء الله
ReplyDeleteتنسيقات رايقه جدًا جدًا
بس حبيت الشيء الوردي اللي لاهو جاكيت ولاهو سكارف
شكل غريب و مرن له عدّة استعملات
قد مره تكلمتي عن بلوفرك القديم و حبيته صراحة
مدري ليه حسيت اني حتى انا حاسه بدفاه ��
عاد دوبي اعرف سرّ حبي له على طول طلع اشتريتيه بسنه ميلادي ��
انا عندي زيه بلوفر احمر من سبلاش له فوق الـ ٨ سنين
تحسين الاشياء ذي القديمة من تلبسينها قلوب تلف حوالينك
الله يعطيك العافيه هياء ��
ياحبي لك بسسس
Deleteنورتيني و اسعدتيني بكلامك
شكراً جميلتي
:*
تنسيقات عميله بسيطه وانيقه وكلها متوفره للكل 💜 تسلم الايادي
ReplyDeleteتسلملي طلتك :))
Deleteمررره حبيت التنسيقات خصوصا طريقة عرضها.. مشالله عليك!
ReplyDeleteمرا حبيت ذوقك و طريقة تنسيقك جداً عملية و مريحة ���� و أكثر شي عجبني البلوفر الصوف اكبر مني ����❤️
ReplyDeleteحبيت تنسيقاتج جدا احب انج كيف دايما تعطيني الإلهام والايجابية الله يسعدج♥️
ReplyDeleteتسلمين على هالتنسيقات الحلوه
ReplyDeleteبسيطه وناعمه
منك نستمد الإلهام 👍🏻👍🏻
حبيت البوست تنسيقاتك جميله ومريحه مرررا حبيت القطعه الورديه احسها تفك ازمه وشوز نايكي جميللللل تتهني فيه وعالعموم احب هالبوست بعد بعض اشياء دمتي ❤️
ReplyDeleteعجبتني مرة وخصوصا الاسكارفات علي كنزات سادة هالحركات احبها
ReplyDeleteشي اساسي عندي بالشتاء بنطلون وجكيت الجلد الاسود
وسكارفات بختلاف التشكيل
This comment has been removed by the author.
ReplyDeleteداخله من حساب أختي ورديت منه بالغلط ههههههه وحذفته إذا بان عندك أحذفيه إنتي بعد :$ ههههههه *
ReplyDeleteرغم إني عكسك ماأحب فصل الشتاء لكثرة الملابس اللي نلبسه فيه ,,إلاإني مقتنعه بكلامك إن ملابس الشتاء مانستخسر الريال به ..
خصوصآ إنه تظل جديده حتى مع كثرة اللبس وفيها حنين للأيام اللي لبسناها به ..
حبيت التنسيق الأول وخاصة الشنطه ماشاء الله أحب هالنوعيه ..
اميل لذوقج بالألوان احبه حيل
ReplyDeleteتنسيقات جميله ,, حبيت البلوفر اللي محتفظه فيه حلو يكون لبعض اشيائنا ذكرى
ماشاء الله التنسيقات حلوة و عملية و مريحة
ReplyDeleteحبيت اختياراتك كثير <3
حبيت جينز ديزل
ReplyDeleteوتنسيق القميص الابيض والجينز وكعب لوبوتان
كلاسي ومريح وجميل
تدوينة ممتعة
عاد في جدة نلبس الشتوي أسبوع :D
اول مرة اعلق في اي مدونة .. بداية جيدة :) !
ReplyDeleteالموضوع مرة جميل , واكثر شيْ اعجبني الشيء الوردي , مره جميل ويناسب لأكثر من لوك .
حبيت
ReplyDelete