اشياء طلبتها من موقع نوردستورم | Nordstorm
في طريقة الطلب قريت ان فيه بنات يطلبون ويوصلهم مباشرة على السعودية بس انا اخترت انه يشحنه لبريدي الامريكي عن طريق خدمة الشوب اند شيب ، لانه اول مرة اطلب منهم ..
فيه منتجات ماتنشحن لبرا امريكا حتى لو على البريد الامريكي ..
فكانت الاغراض اقل من المفروض هههه ..
كل منتج راح ارفق اسمه بالرابط له على النوردستورم ..
نبدا ..
باليت الإضاءة من آورقلاس | Hourglass Ambient Lighting Palette
هالباليت من اورقلاس هو السبب الرئيسي لطلبي من نورستورم ..
كان في بالي اشتري الباليت اللي فيه هذي المجموعة و معها بلشرات ..
بس الريڤيوهات اللي قريتها وشفتها عنه ماكانت مُشجعه بسبب حجم البلشر الواحد ..
فغيرت رأيي واكتفيت بهالباليت للإضاءة ..
الإضاءة فيها جاية على درجات البرتقالي (المشمشي) والوردي و البرونزي التوبي الفاتح ..
جربتهم كذا مرة بس ماعرفت لسا رأيي فيهم !!
سعره ٢٣٣ ريال
مرطب ملون مطفي من جوير | Jouer matte moisture tint
المنتج من جوير اول مرة اشوفه واسمع عن هالماركة .. حبيت اجرب شي جديد مرة تحمست له
اخترته لانه مطفي (فيه نوع ثاني للبشرات الجافة وغير مطفي)
بالنسبة للدرجات اخترت (كاموميل Chamomile) بحثت في السواتشات وقريت الريڤيوهات اللي كانت قليلة جداً عنه، بس اخترت درجة اغمق شوي وطلعت مرررة مناسبة ..
هذا وانا كنت مختارة من اول درجة افتح بس زين غيرت في اخر لحظة واشوا صابت هالمرة :))
ريفيو قريب ان شاء الله عنه :)
سعره ١٦١ ريال
غسول الوجه بيورتي من فيلوسفي | Philosophy Purity facial Cleanser
هالغسول من بيورتي من زمااان وانا ودي اجربه .. اخذ جوائز و سمعته حلوة ..
واللي خلاني زيادة اطلبه انه في حجم صغير للسفر ..
للأن ما جربته ..
سعره ٦٠.٥٠ ريال
زبدة عضوية للجسم | Organic belly balm
في اخر لحظة شفت الزبدة لمنطقة البطن ، حبيت كيف تخصيصها لهالمنطقة
الشركة اغلب منتجاتها عضوية وكان عليها تخفيض في ذيك الفترة ..
فاخذتها حبيت اجرب شي جديد بس للاسف ماستفدت من الخصم لانها جتني لحالها و دفعت الخصم وزيادة قيمة الشحن هههههه ..
جربته مرة وحبيت القوام .. ان شاء الله بالتفصيل راح اتكلم عنه ..
سعره حول ٦٠ ريال
وبس هذي كانت طلباتي من موقع نوردستورم ..
وش عجبكم و اخر طلباتكم منه .. :)
ألقاكم في مواضيع قادمة :)
مع السلامة :*
Subscribe to our mailing list
الباليت فضيع تتهني فيهم <3
ReplyDeleteشكراً ايمان ❤️
Deleteماشاء الله , حبيت الغسول والباليت ألوانه رايقه
ReplyDeleteتمنيت تكتبين شوي عن مميزات الغسول بس بجرب أبحث بنفسي وأقيم : )
تتهني فيهم يارب ..
ان شاء الله بكتب بالتفصيل عن الغسول في موضوع منفصل
Deleteشكراً حبيبتي ❤️
رررروعة الزيوت والفيتامينات روعة عن تجربة
ReplyDeleteماشاءالله ,تتهني فيهم , حتى أنا متخوفة إني أطلب من نورد ستورم دايركت مدري لي :P
ReplyDeleteمثلي ... :|
Deleteربي يسعدك كم شحن .؟
ReplyDeleteلا سمحت شحن مره غالي
وشكرا
الشحن كان من خلال خدمة الشوب اند شيب
Deleteفنفس اسعارهم لو حبيتي تشوفينها في موقعهم
تقريباً كلفني الشحن 100 ريال و شي
ولان فيه شحنه جتني لحالها فدفعت زيادة 60 ريال للشحن
تتهني فيهم يارب. والغسول مره ممتاز :)
ReplyDeleteشكراً :)))
Deleteالسلام عليكم ..
ReplyDeleteكيفك هيا ، انا من متابعاتك الصامتين 😁
بالنسبة للباليت حق آور قلاس من اروع الإضاءات انا مرررة عجبتني عندي مثلها ولي فترة طويلة استخدمها بالنسبة للشحن كنت مثلك استخدم شوب اند شيب وكنت أعاني من ان المنتجات دايم تجيني مفرقة والتكلفة تطلع فوق فأشتركت في ws1 جدا رائع ويوصل عن طريق أرامكس ودي اتش ال وفيديكس وقبل ما تسحرني طلبك انت ترتبينها مثل ما تبي تقدري تجمعي كذا شحنة في شحنة وحدة واسعارهم حلوة جدة وخدمتهم ممتازة حبيت اقولك في حال كنت ما قد سمعتي بهذه الخدمة ..
وانا بصراحة من عشاق التسوق الالكتروني وموقع نوردستوم دايم اشتري منه وحتى يوم كنت بامريكا كنت اقضي منه كثير احب خدماتهم وقد جربت خدمة التوصيل دايركت للسعودية بس أغلى شوي مقارنه بالبريد الامريكي وفضلت اني استمر مثل ما انا عليه 😁😁😁 سوري قرقرت كثير اليوم بس حبيت مدونتك كثير استمري 👍🏽
حبيبتي دالياااا
Deleteمرررة شكراً والله ماقصرتي عالتوضيح و الشرح
يختي دايم كثري كلام يازينك بسسس
ربي يحفظك
:**
أنا كمان أفكر أشتري منتجات Purity
ReplyDeleteوننتظر رأيك فيها ><
تتهني يا رب :$
شكراً هناااء
Delete:*
من زمان نفسي اجرب منتجات فيلوسفي من كثر المدح عليها وعلى روائحها
ReplyDeletewaiting for you'r review
تسلميلي حبيبتي
Deleteان شاء الله قريب :))
شكل باليت الاضاءة T.T
ReplyDeleteبالنسبة لغسول بيورتي مارح تندمي اببببداً
أقدر اقول عنه أجمل غسول وجه جربته
نوردستورم قد طلبت منهم دايركت للسعودية وكلفني الشحن مره
اتوقع خيار اني اطلب من بريدي الامريكي اقتصادي اكثر
تتهني بمشترياتك ياعسل ..
شكراً عالإفادة
Deleteاجل زين اني خليتها عالامريكي
تسلمين لي :**
جويه كل اشيائهم جميله
ReplyDeleteمرره حبيت تتهني يارب :)
شركه Viabox من افضل الشركات التى تقدم خدمه الشحن والتى تمتاز بامتيازات كثيره جدا عن غيرها مثل الاسعار المنخفضه مقارنتا بالاسعار للشركات الاخرى سرعه تنفيذ الطلب والذى لا يستغرق سوى يوم واحد الشركه الوحيده التى تقبل الدفع بال bitcoins
ReplyDelete