مدونة هيا أدون ، اكتب و اُصور

أرواجي المُفضلة لـ شتاء ٢٠١٥/٢٠١٦

بسم الله الرحمن الرحيم




موضوع اليوم عن أرواج غالبيتها غامقه استخدمها هالفترة ..
الارواج الغامقة تعطي فخامة لمكياجك .. يعني حتى لو ماكنت حاطة شي وبس روج غامق خلاص انتهت المُهمة :))
يبين كني حاطة فُل مكياج و تعبانه عليه هههه ..

الارواج المطفية تحتاج منا عناية اكثر بالترطيب عشان تبان حلوة لما نحطها
في موضوع سابق سويته عن مرطبات الشفايف والعناية فيها في الرابط هِـــنا

نبدا ..


من ماك ..
أرواج بـ نهاية مطفية ولون غني ..


Mac Heroine
هيروين من ماك

لون بنفسجي فاقع ،، ينساب بعض درجات البشرة ،، نهايته مطفية و مع كل طبقة تزيد قوة اللون
من الآلوان الجريئة بصراحة ، تحتاج مكياج بتغطية مناسبة للبشرة..
حلو كتغيير :)


Mac Rebel
رِبل من ماك

احب هاللون جداً ،، بنفسجي غامق مرة بنهاية مخملية Satin لون فخم :)



Mac Diva
ديڤا من ماك

اشهر لون من الدرجات الغامقة عند ماك ، لون عنابي غامق ومطفي جداً
احبه مررة .. ومن المُفضلين عندي طول الوقت و يناسب اغلب البشرات ..


Mac Taupe
تَوب من ماك

هاللون يختلف عن اللي فاتوا ،، مو غامق ،، درجته بيجي تيود ،، بس مين قال مانقدر نحط هالالوان في الشتا هههه
لقيت نفسي استخدم الوان طبيعيه مايلة للمشمشي مع اني كنت مدمنة للاوان الوردية و الزهر ..
هاللون يناسب جميع البشرات ، نهايته مطفية و يتغيد معك حسب قلم التحديد اللي بتستخدمينه قبل
جميل جداً ..

 سواتشات للأرواج 
من اليمين لليسار ..
تَوُب Taupe
ديڤا Diva
رِبل Rebel
هيروين Heroine




Color pop Beeper
بيبر من كولوربوب

هاللون يجنن يجنن .. من مجموعة Ultra Matte Lip من كولور بوب
اللون بعد توزيعه على الشفايف ، وبعد ما يجف ، يصير لونه أغمق من لونه في العلبة
يعطي لون بيج غامق مايل للبنفسجي المرمد ..
يناسب جميع درجات البشرة ..
يستاهل :)


Kat Von Di Vampira
ڤامبيرا من كات ڤون دي 

اللون اللون !! ماتتخيلون كيف قوي حيل !
لونه احمر عنابي بدرجات بني ،، من مجموعة الارواج السائلة ذات النهاية المطفية
جميل جداً


MUFE Plexi Gloss 406
٤٠٦ بليكسي قلوس من ميك اب فوريفر

هالقلوس لونه غريب!!
اول مرة بصراحة استخدم قلوس بلون غامق ويبان فعلاً لما احطه!!
لونه مايل للفوشي اكثر من  لونه في العلبة
استخدم قبله محدد عنابي من ماك اسمه بيرقندي Burgundy
حلو حلو وثباته يدوم مو مثل باقي القلوسات العادية

 سواتشات 

من اليمين لليسار:
ڤامبيرا Vampira
بيبر Beeper
٤٠٦ 406



ايش اعجبكم اكثر شي ،، وايش هو لونكم المُفضل للدرجات الغامقة :))



ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





18 comments

  1. جربت هيروين مره جميل اللون و برضو dark side لونه اغمق من diva

    ReplyDelete
    Replies
    1. دارك سايد على كريمي عكس ديڤا وافتح شوي
      نورتيني :))

      Delete
  2. الله يعطيك العافيه على الموضوع
    الوِش لست حقتي فيها بيبر احسه يستاهل اننا نجربه
    بس امنيتي اجرب هيروين احسه جريء جدًا جدًا
    و المفضل للشتاء عندي كل سنه ربل بدون منازع
    جُزيتي خيرًا

    ReplyDelete
    Replies
    1. هيروين مرررة جرئ
      وبيبر يستاهل انا كنت ماخذه كولور بوب انه جودته مو لهناك بس هاللون عجيب
      :)

      Delete
  3. جميلةة اختياراتك للألوان
    جربت ريبيل وفعلا فخم
    روج كلربوب بيبر يحمس
    يعطيك العافيه ي قلبي

    ReplyDelete
  4. هروين وريبل هي الألوان إلي اميل لها خصوصاً مع لون بشرتي هذي الألوان موب شتويه عندي استخدمها على طول لأنها تحلى مع لون بشرتي ما تطلع شاذه عليها

    أرواج ماك غرامي لكن للأسف بسبب العطر أفضل استخدم ارواج من غير ماركات بنفس درجة الألوان
    وتصوريج جميل ما شاء الله

    ReplyDelete
    Replies
    1. ماشاء الله
      انا هيروين لازم فُل ميكب ههههه

      تسلميلي حبيبيتي من ذوقك
      شكراً نورتيني :*

      Delete
  5. ديفا وهيروين من الواني المفضله هالسنه .. بيبر مرره متحمسة اجربه

    ReplyDelete
  6. التدوينه جميله
    ربيل عندي ومن الدرجات الي اعشقها وفعلا لمااحطها كاني حاطه ميك اب كثير
    اما هروين من الدرجات الي كنت متحمسه لها ولما جربته ماتجرأت اخرج فيه الا اذا خففت حدت اللون بروج ثاني
    حبييييت روج كات فون دي نفسي اجرب درجات البنيات

    ReplyDelete
    Replies
    1. بالضبط
      حركة الميك اب الكثير ههههههه
      يسعدك ربي بتول

      Delete
  7. حبيت أرواج ماااااك فخاااامه صراحه وحلو للشتاااا ^^ يعطيج العافيه الغلا

    ReplyDelete
  8. حلوه جدا اختياراتك بالالوان ماشاء الله

    ReplyDelete
  9. رووووعه عبجبني ماك اول واحد ع اليمين وبييير من كلور

    ReplyDelete
  10. ي الله وين كنت عن مدونتك من زمان
    حبيت هيروين و فامبيرا

    ReplyDelete