مدونة هيا أدون ، اكتب و اُصور

تنسيق بسيط كلاسيكي Classic OOTD

بسم الله الرحمن الرحيم




اليوم موضوع مختلف :)
عن تنسيق لـ لبسي في جمعة عائلية ، بصراحة هالجَمعة كانت في العيد :))
بس مناسب لأي مناسبة حابتها ..

ستايلي عادة كلاسيكي .. احب الابيض والاسود ،، واوقات اتعمد التباين الحاد ..
في الموضة مزاجي غير متطرف ابداً ، اعتمد على تجديد اللوك بقطعة عالموضة تبرزه ..

 التفاصيل  

البلوزة | من محل في وافي مول | دبي
التنورة | محل عادي تلقينها انواع في السوق :)
الشنطة | شانيل
الفلات | شانيل
العقد والحلق | شانيل



التنورة هذي من اول ماشفتها حبيتها ، لونها على حليبي بيج فاااتح  وقَصَّتها دائرية ومن فوق مزمومة بشكل بتلات ، والقماش السبب الرئيسي لحبي لها وهوالكريب الصوف ، مو متأكدة اذا كاذ المسمى لطبيعة القماش بس لأن كل أحد يقوله بإسم ، واعتمدت تسميته عالغالبية :)
شريته من محل ملابس عادي ، في مجمع في الطائف ، هالمحل يفصل هالقطع وبألوان ثانية وفيه موديل من نفس القماش يجي قصير من الجنب والباقي طويل ،، حبيت هذي اكثر ، طولها لمنتصف الساق (تحت الركبة) ..
اول ما طرالي اركب عليها بلوزة على الجسم ماتكون فضفاضة لان قماش التنورة واقف فيعطي حجم للجسم من الخصر وتحت ، لكن  لان مقاسها واسع شوي علي (هذا اللي لقيته ههه) فغيرت الفكرة .. حلو لو تنسقين عليها توب ماسك ومزموم من الخصر وتطلع كذا منفوشة من تحت ، تعطي امتلاء خاصة لو منطقة الاجناب عندك صغيرة ، والتفاصيل للبلوزة جاية ..



البلوزة سادة ، حبيت كلاسيكيتها ،، وقَصَّتها من فوق واسعه من لكن ماتكشف من عند منطقة الصدر ، عرضها مابين عظام الترقوة (اعلى الكتف) قماشها كرريب خشن شوي وخفيف وطايح ، بس من عند الاكمام (٣ارباع) قماش ستان ،، ومن نهاية الكم و نهاية البلوزة من الاسفل مزمومة كنها مغاط بس فضفاض شوي مو ماسك ..

الاكسسوار ..



احب اللولو ،، يعطي اناقة وبساطة ..


من التنسيقات للبس العقد ، ويناسب فتحة التوب اللي عندك ، يكون العقد طويل ، يتناسب مع عرض فتحة البلوزة من فوق ..
وطوله يوصل منتصف الصدر ، شكله حلوو ..





وهذا كل شي لتنسيق اليوم .. ان شاء الله عجبكم الموضوع ..

وألقاكم في مواضيع وتنسيقات جاية :)
مع السلامة :*




اشترك معنــا ليصلك كل جديد
Subscribe to our mailing list


23 comments

  1. جميل التنسيق ماشاء الله

    ReplyDelete
  2. جممااااال ❤️❤️يعطيك العافيه

    ReplyDelete
  3. جمال و تنسيق مريح للعين ❤️

    ReplyDelete
  4. حبيت كل قطعة لحالة تحكي جمال تبارك الله لكن كـ"تنسيق موحد ماحبيت
    ابدا"احس توحيد الالوان يصلح للاطفال او للكبار بشرط مايتعدي قطعة وحدة
    ويكون الهيلز والكلتش اوالباق بلون مختلف
    مرة مع انو التنورة موديل العام وقبلة
    دآئما مبدعة هيونة ومروري مجرد رأي ننتظرجديدك ياملهمة

    ReplyDelete
    Replies
    1. شكراً والله .. وحلو سوالف الفاشن
      هالمرة كان المود كلاسيك بحت ماكنت احاول اغير او اضيف الوان لان لون شعري فاتح مرة فاللبس كان هادي على هالاساس :﴾

      نورتيني ❤️❤️❤️

      Delete
  5. اول صورة شفت البلوزة فيلفت وحبيت مرره
    الؤلؤ مع التنسيق فخم ♥♥♥
    ياليت بس لو لبستيه الجميلة يبين أكثر قصة البلوزة
    :*

    ReplyDelete
    Replies
    1. يسعدلي مرورك ❤️❤️ هالجميلة زعلتني مارضا يضبط عليها ،، ماخذه مقاسها صغير هههههه

      تسلمين لي ايما حبيبتي

      Delete
  6. classic is always a good idea ♥♥

    ReplyDelete
  7. تنسيق فاتن .. وملفت للنظر
    أهنيك على ذوقك الكلاسيك

    ReplyDelete
  8. حبيت التنوره مره
    احب هالموديل يجمل الجسم
    اللي محلي البوست تصويرك للمجوهرات مره جميل
    :)

    ReplyDelete
  9. حبيت اللوك خصوصا عشان الالوان
    مبدعه دايم ربي يحرسك

    ReplyDelete
  10. تنسيقك رايق وجميييل والابيض والاسود جدد فخامه وتناسب كل الاوقات
    ويعطيك العافيه عالبوست

    ReplyDelete
  11. التنورة بيرفكت
    مليون تنسيق يطلع منها

    شكرا لك

    ReplyDelete
  12. سوو كلاسيك حبييييت بصراحه ^^

    ReplyDelete
  13. جميل جميل مره مره ما شاء الله واتمنى تنزلي مثل كذا كثير 💜💜

    ReplyDelete
  14. الشوز معطي التنسيق جمال ♥♥
    والتنورة بعد كيوت مره يمدي تنسيقينها بأكثر من تنسيق♥
    احس التنسيق ريحته نظاااافة♥=)

    ReplyDelete
  15. دائما ما اتابع جديدك
    ويعجبني ذوقك واختياراتك المميزة
    اتمني ان اجد رايك في كتاباتي الجديدة ايضاَ

    ReplyDelete