مدونة هيا أدون ، اكتب و اُصور

مراجعة : غسول من كلارنس ببذور القطن


ريڤيو عن منتج صار لي استخدمه فترة وحبيت اعرّفكم اكثر بمعلومات عنه :)


Clarins Gentle Foaming Cleanser
with Cottonseed

غسول من كلارنس ، رغوي ، ببذور القطن للبشرات العادية و المختلطة ، وفيه نوع اخر من نفس الخط للبشرات الجافة بالشيا.
سبب شرائي للغسول اني احب اغير المنتجات لبشرتي في روتين العناية ، لان بشرتي من النوع اللي يتعود على منتج و يبطل يعطي نتايج حلوة ، وهذا الغسول اخترته بالذات عشان استخدمه مع الكلاريسونيك في تنظيف الوجه.
موضوع سابق عن الكلاريسونيك ميا تو
الغسول نفسه حليبي بدون حبيبات ، ورائحته نظافة ، مو قوية ابداً ..
بشرتي ، مختلطة ، التي زون (الجبهة و الأنف و الذقن) دهني ، الحبوب غالباً تجي على فترات متباعدة من هرمونات او لو اهملت تنظيف بشرتي بشكل جيد ..



الغسول يجي في علبة بكمية ١٢٥ مل ، تحتاجين كمية صغيرة على فرشة الكلاريسونيك لوجهك كامل ونفس الشي لو تستخدمينه من غيرها ، يعطي رغوة جيدة جداً ، واحساس نظافة  من غير مايشد مررة البشرة.
في روتين عنايتي، استخدم الغسول هذا و الكلاريسونيك قبل النوم ، لو حاطة مكياج ، اشيل المكياج اول بالمزيل المناسب وبعدها اغسله بالغسول ..
بعد الغسول اكمل في روتيني قبل النوم ، من سيروم و كريمات ،، يعني في الايام اللي تكون فيها بشرتي مايلة للجفاف في الجو البارد ، الترطيب يكفي ..

غسول كلارنس هذا من افضل الغسولات اللي جربتها في الفترة الاخيرة ، معتدل ، مايسبب جفاف او حبوب لبشرتي 
وناعم عالبشرة بحيث لو بغيت اغسل وجهي اكثر من مرة في اليوم اروح اغسلها من غير ما اخاف انه يجففها ..
المنتج صارلي ٤ شهور استخدمه ولسا ماخلص .. 
اتوقع قريب يخلص بس عشان العلبة بيضاء فمايبين لازم اقص طرفه هههه ..
سعره ١٣٠ ريال في ستاندات كلارنس ..
من الغسولات اللي انصح انك تجربينها لو حبيتي شي مناسب لبشرتك المختلطة او العادية.

 المنتج في سطور  :

  • حجمه ١٢٥ مل
  • رائحته لطيفة ومنعشة
  • مناسب للبشرات المختلطة والعادية و حتى الدهنية
  • ما استخدمه في ازالة المكياج
  • كمية بسيطة تكفيك
  • ناعم على البشرة ولا يسبب جفافها
  • لا يسبب تهييج للبشرة او تكون حبوب
  • سعره مناسب للكمية ولفترة استخدامك للمنتج
  • عيبه مثل اي غسول ، علبته اللي مايبين فيها المتبقي من المنتج بس على اي حال مايأثر في اني راح اشتريه مرة ثانية ..


جربتي هذا الغسول ؟ وايش النوع المُفضل عندك هالفترة ؟ شاركوني :)


ألقاكم في مواضيع قادمة ..
مع السلامة :*




اشترك معنــا ليصلك كل جديد
Subscribe to our mailing list


27 comments

  1. ما جربت الغسول ولا اي منتج من كلارنس حبيت الرفيو عنه الغسول الحالي اللي استخدمه من فيس شوب ماحبيته حابه اغيره وشكرا

    ReplyDelete
    Replies
    1. أنا بعد .. هذا اول منتج اجربه من كلارينس
      شكرًا نورا
      :*

      Delete
  2. حمستيني عليه مع اني ماجربت شي من كلارنس وبشرتي جافة وحساسة شوي فيمكن اجرب النوع الثاني منه
    يعطيك العافية هيووون

    ReplyDelete
  3. يعطيك العافية
    احب ريفيوهاتك تعطينا المختصر المفيد

    ReplyDelete
  4. الغسول دا راااائع فعلا استخدمت عينه جات مع مشترياتي من دبنهامز و افكر فعليا اشتريه

    ReplyDelete
  5. حمستيني اشتريه فعلا
    شكرا هيا

    ReplyDelete
  6. ماجربته بس تحمست له نفس نوع بشرتي
    حاليا قارنييه و حابته مررره

    ReplyDelete
  7. ماعرف ليش مااخذ الغسول الا يكون فيه حبيبات ناعمه او فيه رائحة انتعاش
    لو ناقص شي مااتحمس له احس ماينظف ههههه
    نفس ردي بالانستا غارنييه المحبب لي هذي الفتره
    ههههه احسه اختصر لي منتجات خصوصا للناس الي تسافر كثير

    صباحك كل خير هيا :*

    ReplyDelete
    Replies
    1. بالعكس انا مليت من الغسولات اللي بحبيبات و حرصت اني انووع و اشتري شي للكلاريسونيك
      :))

      نورتيني ايمي حبيبتي :*

      Delete
  8. صار ودي اجرب منهم اللي للبشره الجافه
    حالياً استخدم غسول من كلينك

    مشكوره

    ReplyDelete
    Replies
    1. يستحق التجربة و ان شاء الله يناسبك
      :)

      Delete
  9. هيا نسيتي تذكرين السعر ؟ ❤️ القاه في امازون ؟

    ReplyDelete
    Replies
    1. الا ذكرته اسما حبيبتي
      ١٣٠ ريال ومتوفر هنا في سيفورا ووجوه وكل محلات الميك اب اللي تبيع كلارينس

      Delete
  10. ممتاز جدا هذا الغسول. جربته اول مره كان عينه صغيره ٢٠ مل جات مع الدبل سيروم من كلارينس. كانت كافيه للتجربة مدة شهرين بعدين صار الغسول المعتمد عندي بالاضافة الى غسول نيتروجينا البرتقالي.
    انصحك اذا ماسبق جربتي ماسكات كلارينس تجربين ماسك الطين علبته اخضر فاتح، جدددا ممتاز ويشيل كل رواسب البشره.

    شكرا لجمالك وجمال مدونتك عزيزتي هيا ()

    ReplyDelete
    Replies
    1. شكراً جزيلاً على التوصيات :)
      راح اجربها في المرة القادمة ان شاء الله

      اسعدني تواجدك
      :*

      Delete
  11. عزيزتي هيا

    يعطيج العافيه على هذا الموضوع الجميل، انا من فتره حابه استخدم منتجات كلارنس
    واستفدت من الرفيو لانه بشتري تقريبا مثلج مختلطه
    وان شاء الله رح اجربه

    وشكرا

    ReplyDelete
  12. يسعدك على هالريفيو ، كلارينس أكثر براند أحبه ولا مره خيب ظني اكثر شي قد جربته منهم و حبيته كريم الليل الازرق فظيييع مريح للبشرة بشكل ، والغسول ممدوح كثيررر و انتي عززتي المدح عليه حالياً غسولي من لوريال و على وشك يخلص و طالبه غسول أون لاين متحمسه اجربه بعد بشرتي مثلك مختلطه على فكره من كذا استفد ت فعلا من تقييمك له راح اجربه بالمستقبل :) يعطيك ألف ألف عافيه ،

    ReplyDelete
  13. انا كمان بشرتتي مختلطة...لكن هل يجفف المناطق الدهنية ويحافظ علي رطوبة المناطق الجافة

    ReplyDelete
  14. عجبتني حركة المنتج في سطور

    شكرا هيا انتي درة

    ReplyDelete
  15. الغسول مره جميل تحسفت ع فلوسي الي ضاعت ع كلينك .. جربي التنونر من نفس الماركه شي جيمل

    ReplyDelete
  16. اليوم شريته..بجربه ان شاء الله يعطي نتايج حلوه😀،، شكراً هيا💚

    ReplyDelete