مدونة هيا أدون ، اكتب و اُصور

وجبة خفيفة Light Meal

بسم الله الرحمن الرحيم 


Light meal - eggs with salami meat
وجبة خفيفة | Light Meal


موضوع اليوم عن خطوات لعمل وجبة خفيفة تناسب فطور او عشاء او شي خلال اليوم ..
الوصفة تقدرين تغيرين و تضيفين لها اشياء تحبينها وعلى اللي يناسبك :)

المقادير :
  • خبز لوزين المربع 
  • بيض مسلوق
  • شرايح لحم سلامي
  • جبن موزيريلا و امنتال
  • شرايح طماطم
  • زيت زيتون عادي او بنكهه
صور للمنتجات في نهاية الموضوع ..*

الطريقة :
تصفين شرايح الخبز في صينية تيفال تكفي للعدد اللي تحتاجينه


  توزعين من جبنة الموزوريلا و الامنتال فوق الشرايح ، ممكن بس موزوريلا وممكن اي نوع جبن تفضلينه وو بعضهم دهنته بجبن كرفت .. جبنة الموزوريلا ومعاها الامنتال كنت خايفة يطلع طعمها حاد او فيه مرارة بس طلع لذيذ وما غطى على طعم باقي المكونات ..

Mozzarella & Emmental on top
kraft
و دخلي الصينية للفرن (اللي فيها الموزوريلا و الامنتال) شوي عشان تذوب الجبنة قبل اضافة باقي المكونات ..
والحين دور السلامي ،، انا احبه اكثر من البيبروني ، طعمه لذيذ مع البيض بأي شكل سواء مقلي او مسلوق ، مرة احبه .. 
اخذت السلامي من قسم الاجبان في اي سوبرماركت مع المورتديلا و البيبروني و هالاشياء ،، بالعادة تكون الشرايح أررق من كذا بس تنفع .. اشوحها خفيف بزيت زيتون وهالمرة جربت زيت زيتون جديد شفت معاه روزماري (اكليل الجبل) ،، طعمه ماكان قوي وحلو كتغيير ..

Salami Meat
ويجي دور البيض ، سلقتها من قبل وقشرتها ،، وجبت القطاعة حقت البيض عشان تخليها شرايح ..

Boiled Eggs
Sliced
نرجع للصينية اللي فيها شرايح الخبز المربعه و الذايبة فوقها الجبنة ، ونحط شريحة سلامي ، بعدها بيض كم شريحة كذا ..
وبعد نضيف شرايح الطماطم واخر شي شوي من جبنة الموزوريلا والامنتال ..

وادخلها للفرن شوي من فوق عشان تذوب الجبنة :)

ready to eat 
وبس خلصنا :) وعليكم بالعافية .. 

صور للمنتجات اللي ذكرت سابقاً ..

 مربعات خبز لوزين | Lusine Squares

 بريزدنت امنتال و موزوريلا | Président Emmental & Mozzarella

زيت زيتون مع الروسماري (اكليل الجبل) | Olive Oil with Rosemary

ألقاكم في مواضيع قادمة ..
مع السلامة :*
ليصلكِ الجديد ؛ اشتركِ معنـا
Subscribe to our mailing list

7 comments

  1. لأني صايمه كنت افكر بوجبه خفيفه وفيها بيض
    حبيت المكونات ويمكن اضيف لها شرايح زيتون وفلفل اسود
    لأني احب الاكل لاذع وحار..
    شكراً هيونه ع الوجبه الذيذه💟

    ReplyDelete
    Replies
    1. العفو حبيبتي شكراً لك انتي
      والله يتقبل منك
      :*

      Delete
  2. الله يحرم ايدينك على النار ما شاء الله
    احب الوجبات الخفيفة
    وتصويرك حكاية ثانية حتى الجبنة طالعة حلوة هههه


    ساره

    ReplyDelete
  3. تسلم ايدج هيا على الوجبات اللذيذه💙

    ReplyDelete
  4. تسلمي على الطبق اللذيذ والسريع من جد فكرة جبت الخبز وكان ودى بفكرة حلوة للتقديم
    يعطيك العافية.

    ReplyDelete
  5. عاشت ايدج , احب كل شي منج

    ReplyDelete
  6. تسلم ايدك ياجميلة
    مرة حبيت الوجبة للافطار خفيفة ومشبعة
    اكثر شيء حمسني زيت الزيتون المنكه
    صح مببببروك التنسيق الجديد للمدونة جمييل ومريح :*
    ربي يعطيك العافية ..

    ReplyDelete