مدونة هيا أدون ، اكتب و اُصور

طلباتي من موقع ايهرب iHerb

بسم الله الرحمن الرحيم


موضوع اليوم عن طلباتي من موقع ايهرب | iHerb ..
هالموقع يوفر منتجات عضوية من زيوت و أطعمة ومنتجات تجميلية بأسعار مناسبة ، والحلو فيه بعد يوصل مباشر للسعودية .. بس لازم يكون عندك بطاقة فيزا لعملية الدفع ..
هذي أول مرة اطلب منهم ، والطلب اخذ للوصول تقريباً خمس أيام ، من خلال شركة الدي اتش ال DHL ، بعد اتمام الطلب راح تلقين طلبك في حسابك اللي سجلتي فيه في الموقع ومعاه رقم التتبع للشحنة من موقع الدي اتش ال ..
وبالتفصيل حتكلم عن كل منتج و رابطه في ايهرب | iHerb وفيه كود تخفيض لوحبيتي تطلبين راح يعطيك خصم بقيمة 10 دولار لو مشترياتك تعدت 40-50 دولار ..
الكود هو : QFL558
راح اكتب اسماء المنتجات تحت كل صورة (بالانجليزي) 
وبالضغط عليها راح يوديكم لرابط المنتج في موقع ايهرب | iHerb
نبدا ..


الزيوت شي صار لازم في روتيني لاي شي احبهم هههه ،، 
طلبت بعض الانواع من قبل من موقع امازون | Amazon كتبت عنهم موضوعين تلقونهم هنـــــا





من اليمين ..
زيت الجليسرين النباتي النقي ،، حبيت يكون عندي لترطيبه واستفيد منه بخلطه مع زيوت ثانية للجسم و كذا ..
زيت الخوخ ، قريت عنه كثير كيف مفيد للشعر ،، ان شاء الله اجربه و اعلمكم النتيجة :)


من اليمين ..
زيت بذور العنب ، قريت عنه انه مفيد للبشرة اللي تطلعلها حبوب والدهنية ، انا مو مصدقة هالشي فقلت ابي اجرب :)
زيت الخروع ، معروفه فوايده للشعر و البشرة ..





زيت جوز الهند ،، هذي العلبة رقم ٣ عندي ،، احس ماقدر استغني عنه و استخداماته حلوة ونتايجه للشعر والبشرة
ذكرته في مشتريات سابقة من موقع امازون Amazon بس هنا حجمه اصغر


زيوت الوفيرا من شركتين .. من اليمين :


زيت الالوفيرا بحجم ٢٣٦ مل ،، عجبتني شكل العلبة ، الالوفيرا لقيته داخل في اكثر الاشياء اللي ممكن تسويها لتوفير الترطيب للبشرة ، وبعد لحبي لتجربة منتجات جديد :)


وهذا بعد الوفيرا مع ان حجمه اقل وسعره اغلى من السابق بس الريفيوهات عنه عاليه ،،


حبيب ألبي زيت فيتامين إي E .. خلص اللي عندي وشريت نفسه .. فواير هالفيتامين حلوة وترطيبه بعد واستهدمه للاظافر واوقات للمناطق الجافة جداً في البشرة عشان قوامه الثقيل وبعد للحواجب يعني كعنايه ..


زيت اللافندر من الزيوت العطرية و كاستفتاحية في تجربتهم اول منتج لي من هالفئة ..





دور الشامبوهات والبلسمات للشعر :)


اليسار الشامبو .. 
اليمين البلسم ..

من نيتشرز قيت Nature's Gate ..
منتجاتها خاليه من الفوسفات ،، شريت اثنين من شامبو الجوجوبا ، و مثله بلسم .. 
شامبو الجوجوبا هذا جربته قبل من متجر ارسلولي منتجاتهم لتصويرها و كانت فرصة لي اجربه وحبيته مرررة ،، ناسب شعري مع ان شعري مصبوغ وجاااف ،، بس هذا حلو مانشف شعري بزيادة بس عطاني شعور النظافة لاني استخدم شامبو بنفسجي ووقت احط زيوت ومنتجات فهالشامبو ينظف ..
واخترت البلسم معه من حبي للشامبو :)


من نفس الشركة اخترت شامبو البيوتين ، قريت كثير عن البيوتين و فوايده ففرصة اجربه..
الرابط للمنتج مختلف عن اللي شريته ،، الي شريته فيه بيوتين بس ،، بس ماعرف اذا استبدلوه بثاني اللي هو بيوتين و بامبو .. فتآكدو قبل الطلب ..


كريم لليدين من أوكيفز ،، قريت عنه مدح وقلت ابي اشوف هالمدح .. هههه ... جربته مرتين بس ابي اجربه زيادة عشان اشوف .. 


حبوب فيتامينات للشعر والبشرة والاظافر ، مدح مو طبيعي عنها ، شريتها مع اني متخوفة من البيوتين اللي فيها لاني شريت شي مشابه ويحتوي اقل نسبة بيوتين من هذي من شركة ثانيه ذكرتها في انستقرام  وماناسبتني ،،

فبجرب هذي و ان شاء الله تناسبني ..

ألقاكم في مواضيع قادمة ..
مع السلامة :*
ليصلكِ الجديد ؛ اشتركِ معنـا
Subscribe to our mailing list





24 comments

  1. هلا بالزين كله ،
    صراحه ماجربت ولامره اطلب من هالموقع الجميل مع اني دايما اتصفحة والاقي اشياء جميلة وودي اقتنيها

    اللي جربته زيت فيتامين E وجدا حلو ،

    والشي اللي ممتاااااز وانصحك فيه هو الفيتامين رائع رائع رائع ، وهالنوع بالذات ، تقريبا ٦ او ٧ علب خلصتها وجدا مرتاحة عليه

    جربيه وباذن الله بتعجبك

    ReplyDelete
    Replies
    1. نورتيني حنان ❤️❤️

      زيت فيتامين اي من الاساسيات احسه ضروري


      الله يعطيك العافية :*

      Delete
  2. اي هيرب دايم اطلب منه ونزلت كذا مره تدوينة عن مشترياتي منه
    مره احبه وفيه اشياء كثيره
    المرة الجاية جربي تطلبين منهم عسل

    يعطيك العافية على البوست الجميل ..

    ReplyDelete
    Replies
    1. شفت موضوعك رائع جداً ❤️❤️
      حبيته مرررة و ان شاء الله المرة الجاية باخذ بتوصينك

      نورتيني ❤️

      Delete
  3. ماشاء الله مشتريات روعة
    تتهني فيها يا رب

    ReplyDelete
  4. انتظر الريفيو عن المنتجات ، قبل كم يوم طلبت منه ، وانتظر طلبياي بس ماطلبت شيء كثير ، لاني ابغى احرب روتين يفيدني ويرطب اكثر من انه بس اجرب و اخرن في المنتجات 😁

    ربي يعطيك العافيه 😍😍، وكثير يعجبني جو الصور 🌹

    ReplyDelete
    Replies
    1. الله يعافيك يارب
      نورتيني حبيبتي ❤️

      Delete
  5. البوست جاي بوقته كنت انتظره من يوم اختياراتك من الموقع ❤️
    حاطه كم شغله براسي بس احتاج اتثقف عن منتجات غير
    عصفورين بحجر يعني ..
    انتظر رايك فيهم واستعمالاتك لهم
    استخدام العافية حبيبتي ❤️

    ReplyDelete
  6. مبارك عليك الشهر هيونه
    من زمان عن مدونتك الجميله
    مرقع اي هيرب تجرآت وطلبت منهم
    مافي اسهل من هالموقع بالطلب والتوصيل
    طلباتي كانت الجلسرين ولسه ماستخدمته لاني كانت حابه اعرف
    استخدمه لحاله او مع زيوت ثانيه؟؟
    وحلو قلتي انك تخلطينه مع زيوت ثانيه
    وزيت جوز الهند من المدح عليه شريته وان شاءالله يجيب نتيجه حلوه معي
    وكنت بطلب فيتامين اي غلطت وجبت اللوشن بس جيد الى الان لليد
    اما كريم اليد الاخضر اممممم يدبق بتليد وانا مااحب التدبق
    يعني يبقى باليد بس بكمل واشوف..
    ان شاءالله اجرب شمبوهاتهم وزيت الصبار
    اما الفيتامينات جايه مدح كثيررررررر من البلوقرات العرب ومشاهير الانستقرام
    مع ان حاطه بخطتي اني اجرب كبسولات برايورين
    .
    .
    مششششكوره هيونه ع الريڤيو الجميل والمفيدوبأنتظار جديد الجميل
    .
    .
    ولاتقطعين عن سناب تراه احلى من انستقرام😁❤️👍

    ReplyDelete
  7. ليتك جربتي من عندهم زيت الافوكادو بس بصراحة ريفيو ممتع مافيه مثله عاد متعودة ان الريفيوهات نادرة عن منتجاتهم وقليلة المعلومات من بلوقراو عربيّات بس مجهود تشكري عليه

    ReplyDelete
  8. واو 😳♥️♥️♥️♥️♥️
    أحسنت الاختيار بصراحة 😁 مره تحمس المنتجات والاسعار يا ويل قلبي 💘💘 والتاجرات مره مبالغين بالسعر وش ذا 😶💔 ابي اطلب منهم وجبت 💅🏻 شكرًا فرحت بالتدوينة 😚

    ReplyDelete
  9. آي هيرب من المواقع الأساسية عندي
    مرة يجانن :(
    خصوصًا المكملات الغذائية بالذات بودرات البروتين

    بالنسبة لمشترياتك حبيتها :$
    وفعلًا فيتامين هـ وجوز الهند أشياء أساسية

    نفسي أجرب الحبوب الأخيرة للشعر :$

    تتهني فيهم يا رب :$

    ReplyDelete
  10. تدويناتك حلوةة كثير وبدي اسالك باي كاميرا بتصوري

    ReplyDelete
  11. شكراً لك

    كاميرتي كانون
    7D

    ReplyDelete
  12. اموت في اي هيرب وانتي شكلك تعشقيه زيي

    تصويرك ماشاء الله احترافي عجبني

    انا كمان احاول انزل تجاربي بمدونتي ياليت تشرفيني

    استمري keep up it up :)

    موقع اي هيرب بالعربي

    ReplyDelete
  13. !تصويرك جميل جدا و مدونتك حلوة اشكرك عليها

    معظم الزيوت اللي اتكلمتي عنها انا مجربتها و احبها و انصح فيها فعلا جميلة

    عندي مدونة اكتب فيها تجاربي مع منتجات الموقع اتمنى تزوريني و تشرفيني فيها

    متابعة لك و اتمنى اشوف جديدك في اقرب وقت! موفقة ياجميلة :)

    مدونة اي هيرب بالعربية

    ReplyDelete
  14. تدوينهم جميله .. من كثر ماتصفحت الموقع ماانتبهت للاوليفرا،، تتهنين بمشترياتك .. والفيتمينات جربت اللي نسبة البيوتين ٥٠٠٠ حلوه للبشره والاظافر لكن بعد شهرين انعدم وجهي حبووووب وللان اعالجها ،، فأنتبهي منها لان كثير اشتكوا من الحبوب والام بالمعده

    ReplyDelete
  15. ليت تكتبون تجربتكم مع الجلوثاتيون وفيتامين سي

    ReplyDelete
  16. الله يعطيك العافيه ❤️❤️ حابه اسالك عن الفيتامينات ، اشتريتها قبل كم يوم ووحده قالت لي ان ٣٠٠٠ تحتوي جيلاتين خنزير ، الله يسعدك ابي اعرف اللي فيها جيلاتين بقري او خنزير ؟ ومشكوورة ❤️❤️

    ReplyDelete
    Replies
    1. هلا امجاد ،، بصراحة ماعندي اي معلومة عن هالشي .. بس غالباً ماستخدمون منتجات خنزير خاصة لو انها ببتوزع عالمياً وموجودة في اكثر من بلد عربي مسلم
      بس اكيد ببحث واتآكد ان شاء الله
      شكراً للتنبيه :*

      Delete
  17. من زمان ودي اجرب الزيوت ان شاءالله حمستيني (:وحبوب الفيتاميناا

    ت روووعة انا جربتها توقف تساقط الشعر رووعة

    ReplyDelete
  18. في ايش استخدمتي ماء الالفيرا

    ReplyDelete
  19. ماقدرت اركز في موضوعك الجميل لأن الصور اخذت لي عقلي! مره حلوه وتجنن ماشاء الله
    ؟حبيبتي ايش نوع العدسة اللي بتستخدميها

    ReplyDelete