بسم الله الرحمن الرحيم
اليوم موضوع خفيف وبسيط ، موضوع مطبخي :)
طريقة عمل الديناميت شريمب بطريقة سهلة و بسيطة ، عجيبه هالديناميت كيف انتشرت و لها متذوقين وطرق مختلفة طبعاً ..
في طريقة اليوم ، اعتمدت اسهل شي في الحياة ، ولأني ما احب تغليف الربيان نفسها بالطحين او تغميس قبل القلي و بعد ماحتجت اني انقع الربيان في تتبيلة مسبقة ،، جربت طريقة اليوم و طريقة من قبل في نقع الربيان و مافرق معاي صراحة ،
السر في الخلطة الاخيرة ..
المقادير :
- ربيان مثلج الكبير حجم كبير (قلتلكم اسهل شي ههه)
- صوصات متعددة مثل :
- صلصلة تتبيلة الدجاج
- مايونيز
- صلصة التتبيلة الفرنسية
- شطة حارة
- صلصلة السويت اند سور (حامض حلو)
الطريقة :
- نطلع الربيان من الفريزر ، واخليه في زبدية بلاستيك و امَشي عليه الماي الين يفك الثلج شوي واتخلص من الماء
- نحضر قلاية تيفال وابخ من سبراي الزيت لو توفر عندك بشكل خفيف ،، او مسحة خفيفة جداً من الزيت ، و احطها على نار متوسطة
- اضيف الربيان الى القلاية واقلبه شوي الين يبدا يصير من برا لونه ابيض
- لعمل الصوص :
- في زبدية اضيف (عملتها بشكل عشوائي) مايونيز مقدار ملعقتين كبار - مقدار من صلصة تتبيلة الدجاج و اتوقع هي السر لان حرارتها معطية طعم لذيذ ومقدارها يكون اكثر من المايونيز شوي ، واضيف بعد شوي من التتبيلة الفرنسية مقدار ملعقتين الى ثلاث ملاعق كبار ، وشوي من السويت اند سور ملعقه و نصف ، والشطة في الاخير حسب الرغبة ، انا حطيت منها كمية بسيطة ، نص ملعقه صغيرة ..
- نخلط الصوص مع بعض الين يتجانسون ، وممكن تتذوقين وتضيفين لو حابة
- نضيف الصوص الى الربيان حتى لو فيه ماء الربيان ، ونقلبهم ، ونوطي النار اقل من الوسط لان الربيان يستوي بسرعة بس نحتاج الطعم و الصلصة تتسبك اكثر
- نرفع الربيان عن النار ، ونوزعه في طبق التقديم ، انا اخترت من كاسات اللي بعمود مدري شسمها ههه و زينتها ببصل اخضر الجزء الاخضر مثل الصورة
- دايم اقدم الديناميت شريمب كطبق جانبي ، وبس انتهت الوصفة :)
بما اني مو من هواة الطبخ (بس أحاول ترا) فآسهل وصفة ألقاها ، اعتمدها على طول ، والطعم لذيذ ، جربوه و علموني :*
صور للمنتجات اللي استخدمتها :-
الصوصات ..
ربيان مثلج حجم كبير من (الكبير)
الزيت البخاخ اللي استخدمه ، من الكانولا ، احلى شي مافيه دهون :))
ألقاكم في مواضيع قادمة ..
مع السلامة :*
Subscribe to our mailing list
وصفة بسيطة وجميلة ماشاء الله أهنيك عليها
ReplyDeleteفيه نوع ربيان اسمه سبيلا اتوقع .. حباته كبيرة وتوسع الصدر شفته قبل كم يوم بالدانوب ٤٠٠ غرام بـ ٤٤ ريال
هههههههههه تدرين وش ذكرتيني فيه! لما أشتهيت الربيان قبل كم يوم مافيه شي ماسويته تبلته أول وبعدها حطيته بطحين وقليته وحاله أخذ مني وقت طويل للأمانه
ولكن بالنسبة لكونها أول مره أسويها أقول عادي أجيب العيد هههههههههههههه
بأعتمد هالوصفه عندي وشكراً ثاني مره على الموضوع اللذيذ
بسيطة جداً الوصفة وتحمس بس البلى باللي ماياكل الأصناف البحرية :(
ReplyDeleteاحس الناس تستلذ فيه واقول بسويه بدجاج بس عارفة مابذوق الي هم مستمتعين فيه هههه
الي بقوله انه بعيد عن كل شيء بالمدونة اكثر شيء اتحمس معاك فيه الامور الي بالمطبخ عندي امل اني اخذ منك اكلات مستقبلا 😍❤️❤️
ماشاء الله
ReplyDeleteالشكل مشهي مرررة وواضح لذيذة
تسلم ايديك
يعطيك العافية هيون ..
ReplyDeleteانا بس بسأل عن طعم الروبيان المثلج كيف !
لأن انا صراحة من عشاق الروبيان وأحبه طارج وتعرفي كيف متعب في التنظيف :/
كالعادة مبدعة
الله يسعدك 💙💙💙
ReplyDeleteمره افرح بتدوينات الطبخ كثري لنا منها لاهنتِ 😻
👌ربي يسعدك
ReplyDeleteربي يسعدك
ReplyDeleteالوصفة لذيذة... وانصح بقليها بتصير اخلى
ReplyDeleteالوصفه القادمه إن شاء الله اذا جت الصوصات
ReplyDelete