مدونة هيا أدون ، اكتب و اُصور

مشتريات دبي و شويات *Dubai*

بسم الله الرحمن الرحيم 




وآخيراً موضوع المشتريات ،، احب هذي المواضيع كذا لما اشوفها عند غيري اعتبرها مُلهمة للتسوق :))
موضوع اليوم عن مشتريات دبي في رحلتي الاخيرة ، ولاني ماشريت مكياج كثير اضفت له مشتريات غير متنوعه وبعضها من اخر زيارة لي للبحرين و بعد هنااا :))

دبي ..


ابداها باالتجميل وكذا :)


Dolce & Gabbana Foundation Perfect Matte Liquid Foundation - 110 Caramel

فاونديشن دولتشي اند قابانا البيرفكت مات ، اخذت الدرجة ١١٠ كراميل | 110 Caramel .
جربته في المحل عالسريع ونفس لوني ،، كنت ابي اخذ شي اغمق مني بس مالقيت ، ولسا ماجربته :)

شريته من سيفورا دبي مول ، وسعره ٢٦٠ درهم تقريباً ..


NARS Sheer Glow Foundation - Punjab

فاونديشن نارس شير قلو (بُنجاب) ، هذا ماشريته من دبي ، قبل وصيت عليه اول مارجّعوا نارس لسيفورا دبي بس كان لسا مانزلوا الاساسات ، فجابته لي اختي من ايطاليا لما راحت .. واخر حبة بعد هههه ،، عاد اللي جابته كان من غير بمب (ضغّاط) بس في اخر مرة رحت فيها لدبي ، لقيتهم منزلين الاسااسات وبضغّاط بعد ، سألتهم لو يبيعون الضغاط لحال بس مالقيته ..



NARS Radiant Creamy Concealer - Ginger

كونسيلر كريمي من نارس درجته (جينجر) هالكونسيلر من الاشياء اللي كنت ابيها من نارس ،، كنت حريصة اني اخذ درجة تناسبني وتكون نفس الدرجة اللي عندي من ماك NW25 ،، لما رحت اول مرة قعدت اجرب ورسيت على جينجر و كسترد ، سآلت الموظف وقلت له وش يناسب درجة بنجاب لنارس شير قلو قالي كسترد ،، وهي فاتحة شوي واحترت زيادة ،، المرة الثانية جيت لسيفورا و كان معي كونسيلر ماك وجربته وطلع جينجر هو المطابق تقريباً له ..

من سيفورا دبي مول وسعره ١٥٠ درهم تقريباً




Huda Beauty Lashes - Giselle

من هدى بيوتي لاشز ، اخترت جيزيل رقم ١ ، اكثر وحدة طبيعية وتناسب المناسبات الصغيرة ، فيه غيرها للمناسبات الكبيرة بس مو جوي ، احب اللي تبان طبيعيه اكثر ،، والحلو ان وصف الرموش ورا العلبة يساعدك اذا هي اللي تبينها ولا لا ..

من سيفورا ، وسعرها ٦٩ درهم ..



Lierac Mesolift Serum

سيروم مِسولِفت من ليراك ، هالسيروم تكلمت عنه في الانستقرام هنا اول ماشريته :)
شريته من صيدلية سوبر كير في ميردف سيتي سنتر بـ ٣٩٩ درهم ..



KIEHL'S Ultra Facial Moisturizer SPF30

من كيلز ، كريم مرطب مع حماية من الشمس ٣٠ ، مع انه عاجبني اللي عندي من يوسيرين اللي ذكرته في اخ بوست بس كنت ابي شي فيه حماية اعلى واكثر من ١٥ ، فاخترت هذا وهومناسب لجميع البشرات ، كنت بشوف لو فيه نوع ثاني للبشرة الدهنية مع اني مختلطة بس عشان اضمن انه يكون خفيف ، بس لقيت الكريم المخصص للدهنية مافيه حماية من الشمس واخذته .. 

من كيلز دبي مول بـ ١٣٠ درهم ..

وعند المحاسبة اعطوني عينة لشامبو من عندهم اجربه :)




OPI - Alpina snow

مناكير او بي آى ، البينا سنو ، لونه ابيض صريح ، احلى درجة و جودة مرت على للان ، ثباته مثل غيره يومين ويتقشر بس توزيعه وفرشته وانه مايحتاج طبقاااات عشان يبان اللون يشفع له ..

من سيفورا الرد سي مول | جدة ، ب ٤٩ ريال




مراية انتيك ، حبيتها من اول نظرة ههه ، شريتها من بلومينقديلز هوم دبي مول بـ ٩٥ درهم
شفت مثلها تقريباً مرة تشابهاا في الدانوب :|



كعب وفلات وانتو بكرامة ، شريتهم من الآوتلت مول ، هالمول اول مر اروحله ، فيه محلات لماركات يبيعون بضاعتهم اللي را موسمها او عليها تخفيض ، الكعب من كلاركس حبييييت اللون وبعد ان الكعب كذا متصل ، وكان فيه عرض انه اخذ اثنين ويصير الارخص بنص السعر ، طبعاً قعدت ازن على زوجي ياخذ ، وطلعت حقتي هي الارخص ههه ..
احذية كلاركس لاني شاريه منه قبل كعب ومريح ، فعشان كذا ماترددت ادخله ولا ماعتقد اشتري :)

سعرها قبل الخصم ب ٣٧٠ درهم و اخذتها بـ ١٣٩ درهم :)))

الفلات عجبني لونه وكيف ناعم ، من محل ستيف مادن ، لقيت مقاسي عالعرض وكان سعره بـ ١٢٠ درهم ولما جيت احاسب طلع بـ ٧٠ درهم هههه هالشعور سعاده ههههههه ..

هالموديل لقيت انهم راجعين له بقوة ، شفت نفسه في اخر مرة عند مانقو ومحلات ثانية بعد ..





فلات من شانيل  | Chanel، من ليڤلز في دبي مول | Levels ، هو مكان مخصص في المول للآحذية من الماركات العالمية ، اغلب الماركات فاتحين لهم كورنرز هناك ، رحت وجيت رحت وجيت على هالفلات ، اخترته لانه من الكلاسيك ، حبيت :)

سعره ٣٢٢٠ درهم ..





من كريستيان لوبوتان  | Christian Louboutin ، كعب اسود لامع ، اخترت اقل طول ههه عارفة نفسي ، بس الحمدلله مريح ولا احلى .. شريته من البحرين سيتي سنتر | ساكس فيفث اڤينيو بـ ٢٥٠ دينار ، تقريباً ٢٥٠٠ ريال ..




حجابات قطن و ايشاربات .. من دبي و جدة ،،


حجابات قطن دبل سترتش ، نفس حجابات خواتي الكويتيات ، اخذتها من الركن الكويتي في القرية العالمية ..
كان فيه نوع ثاني واقل قطن مو زي هذا سترتش يثبت ، بس اخترت هذا ..

الواحد بـ ٧٠ درهم بس اخذت اثنين بـ ١٠٠ درهم ..



حجابات او ايشاربات حسب الاستخدام ، اللي فوق حرير ابيض والباقي عادي ملون ،،
الابيض من محل عادي للعبي في حراء الدولي بـ ٦٠ ريال ، والملون من محل اعجوبة في نفس المول كان فيه عرض ٣ بـ ١٠٠ ريال ..



ونجي للمواعين :)))))
عجبتني هالصحون والوانها من محل في دبي الديرة اسمه Day to Day ، هالمحل يبيع خرابيط وفيه كل شي ، لازم امره في كل مره اروح لدبي ،، في اشياء كثيرة انبسط على المحلات اللي كذا ..

اسعار الصحن الواحد من ٧ - ١٥ درهم ..


الصحون بالتفصيل ..





تكملة لأغراض المطبخ ..


هذي سلتين للخبز من محل اغراضه حلوة اسمه تيشوب او تيشو ، فروعه في مردف سيتي سنتر و الاوتلت مول | دبي ..
شفت فرع له في الرياض | غرناطة مول :)




صحون بلون ابيض و بنفسجي ، الكرتونه الوحده فيها ٤ صحون .. بـ ٤٥ درهم للمجموعة ..


قوالب سيليكون للكب كيك ..



قالب للكيك ، بغطا ::)) حبيت الفكرة مرة حسيتها اختراع عشان ماتنشف الكيكة ولا ناخذها التيك اواي هههه .. 
سعره كان حول ٣٩ درهم ..



صندوق لأكياس الشاي ،، مقسم لو عندك كذا نوع ..



من تافولا البحرين سيتي سنتر ، كنت ابي بايركس ابيض ولقيته .. والحين توهم الدانوب ينزلون بايركسات بيضاء اشكال انواع وبغطا بعد :( .. يلا عن خاطري :) . شريته ب ١١٨ - ١٣٠ ريال تقريباً ..



ومن نفس المحل داي تو داي في دبي اللي قلتلكم ، اغراض للاعمال الفنية شريتها عشان تالا مع انها بصف اول بس تِلزم في المشاركات والاعمال حقت المواد ،، يعني اتوقع اني شريت حق المرحلة الابتدائية كلها ههههه .. 


....


وبس هذي كانت مشترياتي في دبي والبحرين وشوي من جدة .. 
المواضيع المتعلقة بالمشتريات من دبي وغير دبي تلقونها في مشتريات | Hauls

ألقاكم في مواضيع قادمة ..
مع السلامة :*


ـــــــــــــــ

  Haya's Blog on Twitter  Haya's Blog on IG 

18 comments

  1. ماشاء الله كل شي هنا يقطر جمال ويجيب السعادة، ربي يباركلك فيهم
    أحس جتني طاقة شراء بعد ماقريت البوست ههههههههههه
    فاونديشن دولتشي اند قبانا رحت وجيت عليه مليون مره وبحثت عن سواتشات ولكن ماحصلت درجتي بالتمام
    يبيلي أرجع أشوف الدرجة اللي اخذتيها ويمكن أخذ اغمق منها بشوي ..
    الكعب البني وفلات شانيل جداً جميلين ماشاء الله وكل شي بشكل عام جمميل مدامه من ذوقك وأختيارك
    سبحان الله، حتى لو كان فيه شغله مادخلت مزاجي بس أشوفها عندك تحلى بعيني مليون مره

    إذا كنتي تحبين أداوت المطبخ والأشياء الغريبة فيه محل بحياة مول جمب الدانوب بالضبط جداً جميل
    ثلاث ترباع مشترياتي منه ..

    بالأخير ربي يسسعدلي قلبك قد ما كل موضوع أو صورة منك تسعدني وترسم الأبتسامة ع وجهي

    ReplyDelete
  2. ماشاء الله جميل وروعة دائما انتظر بوستات بفارغ الصبر عندي نفس الجزمة البني روعة جدا
    مع الجينز والفستاين حبيته وعجبني الجزمة من لوبوتان وحبيت اقولك أخذت كريم الوجة روعة وخفيف يوسيرين

    ReplyDelete
  3. جمال جمال ياهيا جمال ❤️❤️❤️
    حابه فونديشن دولتشي بس ننتظر ريفيو منك إن شاء الله ❤️
    الكعب والفلات ماشاء الله ماتتخيلين قد ايش لفتني بالانستا من قبل تنزلين البوست هنا 😭❤️ تتهنين فيهم حبيبتي ❤️
    كعب لوبوتان صايره اعشق هالطول المتوسط مااشتري غيره هههه اهم شيء راحتي ويخدمني أكثر من الطويل الي بس بالمناسبات الكبيره ، بس حكاية اللمعة تعجبني لما اشوفها اما انا ماقد تجرأت وأخذت كذا ;(
    المطبخ اهه من أشياؤه تجذب الوانها وكل شيء اهم شيء تحببك بالمطبخ ههههه ❤️
    ياربي يسعدك ياهيا ويوفقك بكل مابقلبك تسوينه انبسطت بين صور البوست كثير ❤️❤️

    ReplyDelete
  4. احب هالنوع من البوستات وتقريبا نفس لستته مشترياتي من دبي من شايله هم الفاونديشنات ويطابق ولا م يطابق تتهني ي هيون ومررررا مررررا خاطري بسيروم لوراك متحمسسسستله مرررا ❤️❤️

    ReplyDelete
  5. مشترياتج روعه تتهنين فيهم يا رب خصوصاً فاونديشن نارز أحبه

    ReplyDelete
  6. مشترياتك أنيقة ، تتهني فيهم يارب
    بوست جميله ، يعطيك العافية ياعسل

    ReplyDelete
  7. حبيت البوست كالعادة ..
    فاونديشن نارس مافي احلى منه وجربي البمب تبع ماك يركب عليه ^_*
    وش بعد !! حبيييييت المواعين ^_^ لسبب ما صايرة أحب المواعين هالأيام <<< فجأة صارت حرمة
    المراية تجنن تجننننن .. وفلات شانيل بعد راقي ^_^ لبس العافية

    ReplyDelete
  8. تهني بمشترياتي ومناكير لون عندي حلو وينفع لكل بشرات احس حبيت مراية اتوقه بشوفها بصورك الجاية وشوزات حبيت شانيل مشاءالله ..

    ReplyDelete
  9. مآشاء الله تتهنييين
    فونديشن دولسي غابانا يهبببل
    الجززززم عششق لاينتهي لوبوتان مرة حابته لكن الكعب حسيته عالي ومترددة في القصير
    لكن ريحتيني وحمستيني على الكعب هذا
    والمواعييين جميلة
    كل مشترياتك حلوة وتتهنين فيها

    ReplyDelete
  10. مشترياتج روعة وتتهنين فيهم يارب :)

    ReplyDelete
  11. ما شاء الله كثير حبيت المشتريات خصوصا الفلات تبع شانيل يقطر جمال ، تتهني فيهم
    http://iamruaa.blogspot.com/

    ReplyDelete
  12. ماشاءالله كل أشيائك جميلة تتهني فيها يارب

    ReplyDelete
  13. ماشاء الله , تتهنين فيهم يارب < -- من متابعينج قديما !!

    ReplyDelete
  14. الله عليك يَ هيا
    أسلوبك ، تدويناتك ، تصويرك كل شي عشق عشق ��
    ي ليت تكتبي لنا في بعض أشياء اشتقت لسوالفك والله
    أتحمس وأحب الحياة بعدها ����
    والله يسعدك يارب ��

    ReplyDelete
  15. حبيت كل مشترياتك بالنسبة للهيلز البنكي
    ومحل كلاركس هل متوفر بالرياض ؟

    ReplyDelete
  16. ما شاء الله، تبارك الله
    الله يهنيك فيهم :$

    ReplyDelete
  17. السلام عليكم اختي في الاسلام انتي سعودية ام اماراتية? ممكن تضيفي موقعي على صفحتك المدونات ؟ الله يوفقك ان شاء الله

    :)

    ReplyDelete
  18. ماشاء الله تبارك الله ، بالعافية عليك

    ReplyDelete