بسم الله الرحمن الرحيم
موضوع اليوم كذا خفيف ،، وبصراحة تآخرت في اني اسويه ،، فراح تلقون المنتجات مستخدمة بس لازم التوثيق لها في المدونة ، ومنها ريڤيو مبدئي تقريباً لكل منتج :)
نبدا ..
MAC : PRO Conceal and Correct Palette/Medium Deep
الكونسيلر باليت من ماك / درجة ميديم ديب
اخذت هالدرجة عشان استخدم اللون الغامق للكونتور .. لونه حلو وثباته احلى ،، هو نفسه في القوام لستوديو فينيش كونسيلر ، استخدم بعده لتثبيته بلشر شريته معه وحذكره كمان شوي ..
شريته من وافي مول في دبي .. لانه تقريباً مو موجود في كل فروع ماك ..
سعره : ١٥٠ درهم تقريباً
MAC Taupe Shape Blush
بلشر تِوب شيب من ماك ..
هذا البلشر لقيته بالصدفة ، كانت الموظفة رايقة وماعندها الا انا ، وطلعت لي من الدولاب لانه كان اخر حبة عندهم ،،
قعدت اسولف معها اني ابي بلشر بني بس جاي على رمادي ولا ابي بلشر هارموني لانه عندي اصلاً ، قالتلي هذا هو بس فيه لمعة الساتين ، لمعة خفيفة ، يبان مصقول/حريري .. قلت ماعندي مشكلة .. حلو اللون مررة و اللمعة مو مزعجة ابداً بالعكس حبيتها ..
سعره ١١٥ درهم تقريباً وشريته من وافي مول في دبي ..
MAC : Mineralize Concealer
مينيراليز كونسيلر من ماك ..
كنت ابي كونسيلر خفيف في قوامه لتحت العين بدل الستوديو فينيش كونسيلر حق الاستخدام اليومي ..
فيه نفسه بس مو مينيراليز ، عادي ، بس اخترت هذا على اساس انه طبيعي اكثر مدري ههه .. يعني هو حسب تفضيلك ..
اخذت الدرجة نفسها اللي تناسبني في ستوديو فينيش كونسيلر وهي NW25 .. حبيته مررة ..
سعره ١٣٢ ريال .. والثاني العادي اللي ماهو مينيراليز ب ١٢٠ ريال تقريباً ..
شريته من دارين مول في الدمام ، ترا الفرع هذا فيه بضاعة ، لان فرعهم في الراشد والظهران كلش خالص :|
MAC Brow Gels
جل الحواجب من ماك ، نوعين ..
النوع القديم اللي هو البرو ست | Brow Set وفرشته تكون اكبر و على اطول ومش مضاد للماء
النوع الجديد هو البرو لونق وير ووتر بروف برو ست | Pro Longwear Waterproof Brow Set وفرشته اصغر تناسب عرض الحواجب وتتميز انها مضادة للماء
كل اللونين اخترتهم لان شعري فاتح (اشقر رمادي) .. فيعني اختيارك يكون حسب لون شعرك :)
الاول :
MAC Brow Set - Beguile
مسكارا الحواجب بيقل .. سمعت عنه وحفظته .. اغلب اليوتيوبات و البلوقرز وكل العالم يتكلمون عنه ..
شريته اخيراً .. في الوقت اللي شريته فيه ماكان موجود في السعودية ، فلما رحت لدبي ولقيته حسيت الفرحة مش سَيعاني هههه ،، واخذته وبغيت اخذ ثاني بس ماكان فيه الا حبة وحده ..
لونه فاتح اشقراني و بلمعة ،، اللون ماراح يكون حاد او قوي مرة ،، حتى اللمعة ترا مو واضحة مرة الا تحت كشافات او شمس او اي اضاءة قويه ، بس برضو مش مزعجة .. حبيته .. وحبيت الثبات ..
سعره على ما اذكر كان ٩٥ درهم
MAC : Pro Longwear Waterproof Brow Set in Emphatically Blonde
مسكارا الحواجب امفاتيكلي بلوند ، لونها فاتح وتناسب الشقراوات وبعد لانها مافيها لمعة لو حبيتي تفتيح للون شعر حواجبك.. بس لو حطيتي منها خليها بخفة لان لو كثرتي صعب تشيلين و يمكن تبان الحواجب مغبرة ..
حبيت فيها الفرشة اللي معها ، صغيرة وعلى قد شعر الحواجب .. شريت منها ثنتين واتوقع ماراح اشتري قبل فترة طويلة اي شي للحواجب لان ماعندي نية ارجع اخلي شعري اسود ههههه ..
سعره ٩٥ درهم تقريباً ..
MAC Lipstick : Diva & Meher
روجين من ماك ..
اليمين ميهير | Meher :
نهايته مطفية ، ولونه وردي اساسه ازرق / بارد مو دافي يعني مو اساسه اصفر او مشمشي
احب هذي الالوان ، يناسب الاستخدام اليومي ..
اليسار ديڤا | Diva :
نهايته مطفية ، لونه عنابي قوي ، يجنن بصراحة كثبات و درجة ..
اسعار ارواج ماك الحين اتوقع حول ١٠٥ ريال ..
ــــــــــــــــــ
وبس هذا كان الموضوع لليوم ..
ألقاكم في مواضيع قادمة ..
مع السلامة :*
جداً جمممميلة مشترياتك ماشاء الله ❤❤
ReplyDeleteباليت الكونسيلر عششششق صراحة وعملي عندي نفس درجتك للكونتور وتوني شارية باليت ثاني نفس درجتي
بلاشر توب جاني فضضضول أشوف سواتشات له ان شاء الله بأبحث عنه اليوم ...
تدرين قبل لا ادخل الموضوع لما شفت الصورة من برا ع بالي ان البلاشر مارجين هههههههههه طبعاً شتان بين الدرجتين
مسكرة الحواجب أحتااااجها جداً بحيااتي وان شاء الله قريب بأجربها
وبالنسبة للأرواج ماله داعي أعلق كل درجة أجمل من الثانية ماشاء الله
تسلم يدك ياجممميلة على الموضوع الجميل ❤❤❤
ياحبي لك بس
Deleteرهيب هالباليت ككنتور
وميهر الروج اخذته من مدحك كان تذكرين :**
تسلمين شكراً رناا
عطرتي صفحتي مثل دايم
:**
موضوع خفيف وجميل يَ جميلةة
ReplyDeleteشكراً امجاد من ذوقك :)
Deleteاختياراتك هيا مميزه كالعاده ماشاء الله عليك..
ReplyDeleteالبلشر لونه غريب مره احسه جميل بشوف لها سواتشات
تحسينه مع اي درجات الارواج تمشي
اتوقع مع درجات المشمشي لو بتستخدمينه كبلشر بيطلع حلوو
Deleteتسلمين والله كلك ذوق
:*
توب و سكالبت يمدحونهم للكونتور، سكالبت حسيت لونه خفيف بالنسبة لي شكلي بجرب توب
ReplyDeleteروعه التقرير أحب منتجات ماك <3 <3 ربي يعطيج العافية عزيزتي ^ ^
الله يعافيك يارب شكراً
Delete:*
ReplyDeleteمنتجات ماك على قد جمالها واننا مانستغني عنها مستغلين هالشيء فينا هههه
الروج صار 108 اتوقع على اخر السنة 150 ريال ونضحك واحنا دافعينها
بالنسبة للبلاشر وخصوصا انه تعزيز او تثبيت للكونتور مابلعت سالفه انه فيه لمعه خفيفة
احس المفروض يكونمات لأقصى درجة بس اتوقع اجرب سواتش منه عشان اغير رايي فيه ههه
مينيرالز كونسيلر شيء جميل انه ينفع يُستخدم يومي ماعرفت الشيء الا منك
ريفيو لطيف مثلك ❤️
ههههههه صادقة
Deleteحلو الهالبلشر لعمل الكونتور كتغيير يمكن وصحيح انا من اكبر المعارضين لعمل الكونتور ببودرة فيها لمعة
بس لمعة هالبلشر مسامحته فيها هههه
شكراً شكراً جميلتي
:*
مشترياتك روعة تتهنين فيها يا رب
ReplyDeleteعجبني كثير باليت الكونسيلر ومينيرالز كونسيلر
عندي تبع بوبي بروان جممميل لكن مايمنع نجرب
والارواااااااج قابل للتقليد :)
ويعطيك العافيه علي الريفيو
الله يعافيك يارب نورتيني :*
Deleteما فهمت عليك شلون الروج وردي و و اساسه ازرق ؟
ReplyDeleteيعني بارد مافيه اي درجة دافية او مشمشي او بني
Deleteصراحه بس شريت من ماك فاونديشن عشان بشرتي حساسه وناسبني كثير بس اخترت الدرجه الخطأ
ReplyDeleteولااذكر جربت شيء ثاني من ماك واتمنى اطلع اشتري منه بس الاسعار مبالغ فيها الارواج صارت بالميه
وافكر اشتريت اون لاين نفس اختياراتك اللي بالموضوع لان باليت الكونسلير الكنتور الي فيه واضح انه مايميل للاورانج او الاحمر
البلاشر غريب مرررررا واستغربت لما قريت انه بلاشر على طول سويت سريش عنه
حلو بس ماكتبتي اسم البش او رقمه
كونسلير الله يرزقني كثر ماسمعت عنه مرررا اعجبني رايك فيه
احب بوستات اللي تكتبين فيها عن الميك اب
هلابك حبيبتي مرام
Deleteاسم البلشر مكتوب بالنجليزي تحت الصورة على طول
نورتيتي :*
يسلمواعلى البوستات الاتكتبيها انتظرها بفارغ الصبر
ReplyDeleteانا اشتريت منتجات على مدحك وكانت جدا رائعة مثل منظف شانيل والتونك حبيتها مرة وناسبت بشرتي لاني بشرتي مختلطة ومافيها حبوب واخذت المرطب من كلينك . بس راح اجرب الكريم الا حطيتها في اخر بوست
يعطيك الف عافية.
افكر اسوي مدونة عن مشترياتي من المواقع
ReplyDeleteايش تنصحيني
اهلا هيون .. اخيراً عرفت كيف اعلق في صفحتك المميزة 💜 اليوم مشيت على مواضيعك الي تشمل مشتريات ماك لاني بزورة هاليومين بجدد ارواجي وبلشراتي .. وجذبني هنا المسكرة ولا مره جربت مسكرا للحواجب .. شرايك ابي نوع واحد استخدمة دايماً وشعري بني اي نوع اختار
ReplyDeleteفيه مسكارا شفافة للحواجب بدون لون .. وممكن تحتارين لو حابة لون بس ترا ماراح يبين كثير فيه انواع تجي على لون بني .. جربيها عندهم
Deleteاهلا هيون .. اخيراً عرفت كيف اعلق في صفحتك المميزة 💜 اليوم مشيت على مواضيعك الي تشمل مشتريات ماك لاني بزورة هاليومين بجدد ارواجي وبلشراتي .. وجذبني هنا المسكرة ولا مره جربت مسكرا للحواجب .. شرايك ابي نوع واحد استخدمة دايماً وشعري بني اي نوع اختار
ReplyDeleteاهلا هيون .. اخيراً عرفت كيف اعلق في صفحتك المميزة 💜 اليوم مشيت على مواضيعك الي تشمل مشتريات ماك لاني بزورة هاليومين بجدد ارواجي وبلشراتي .. وجذبني هنا المسكرة ولا مره جربت مسكرا للحواجب .. شرايك ابي نوع واحد استخدمة دايماً وشعري بني اي نوع اختار
ReplyDeleteاهلا هيون .. اخيراً عرفت كيف اعلق في صفحتك المميزة 💜 اليوم مشيت على مواضيعك الي تشمل مشتريات ماك لاني بزورة هاليومين بجدد ارواجي وبلشراتي .. وجذبني هنا المسكرة ولا مره جربت مسكرا للحواجب .. شرايك ابي نوع واحد استخدمة دايماً وشعري بني اي نوع اختار
ReplyDeleteماشاء الله عليك يا الشقرا........
ReplyDelete