بسم الله الرحمن الرحيم
اليوم موضوع لأول مرة اسويه وهو طريقة لوصفة اكل .. تغيير عن المعتاد :)
في البداية المقادير والطريقة و اخر الموضوع ملاحظات و صور للمنتجات ..
وصفة اليوم للبرِد بودينق Bread Pudding
هي أكلة قديمة مرة ،، يعني لما اكلتها وانا بهالعمر هههه آصابني حنين مابعرف لمين :)))
يعني الطعم اللي فيه ذكرني بطفولة ما .. شي قديم اصلي :)
دورت الوصفة في قوقل واليوتيوب ،، واللي جربتها هي من اليوتيوب مع تغيرات بسيطة ..
اخذتها من قناة جوي اوف بيكينق والوصفة هنا - ومقاديرها بالتفصيل على صفحتهم تلقونه تحت وصف الڤيديو ..
جربت الوصفة مرتين وكل مرة غيرت شي او شي ماكان عندي وكذا ..
راح اكتب المقادير والطريقة مثل ماسويتها ..
المقادير :
البرِد بودينق :
من ٥ - ٨ شرايح خبز توست مقطع مكعبات صغيرة ، ممكن بالسكين او عشوائي بيدك انا خليت الحواف تعطي طعم ،
وممكن تستبدلين الخبز الشرايح بالكرواسون او اي نوع خبز بس مو عربي لانه ماينتفش او يشرب الكسترد ..
الكسترد:
- ٤ بيضات
- كوب سكر
- ١ ونص ملعقة صغيرة ڤانيلا سايل
- ١ ملعقة صغيرة قرفة مطحونة
- ٥٠ غرام زبدة غير مملحة (نص الحبة الصغيرة ام ١٠٠ غرام) ذايبة وبدرجة حرارة الغرفة
- ٣ أكواب حليب شرب عادي
الطريقة :
البرِد بودينق :
سخني الفرن لدرجة ٣٠٠ فهرنهايت (١٥٠ درجة مئوية) وخلي الشبك في الفرن في الوسط لا تحت و لا فوق
في صحن بايركس مربع (انا استخدم قياسه ٩ في ٨ انش يعني تقريباً ٢٠ في ٢١ سم) رشي من بخاخ زيتي خيف في قاعته ، استخدمت بخاخ زيتي خفيف وفيه شوي طحين هو مخصص للخَبز والكيك وكذا بس استخدمته في هالوصفة وتمام.
وفي صينية كبيرة تيفال مربعه ، تكفي صحن البايركس ، نجهزها على جنب ونحط في قاعتها قطعة قماش عشان لا جينا نسوي الحمام المائي للوصفة لما ندخله الفرن .
نوزع الخبز المقطع في صحن البايركس ونخليه على جنب ..
الكسترد:
في زبدية عميقة ، نحط البيض و السكر و نخفقهم بالخفاقة الكهرباا او بالعادية الين يصير لون المزيج اصفر فاتح ويكون قوامه كثيف ، يعني حوالي ٣-٥ دقائق .. بعدها نضيف الڤانيلا السايل و القرفة ، ونخلط ، وبعدها نضيف الزبدة الذايبة و الحليب وبعد نخلطهم ..
نضيف الكسترد لقطع شرايح الخبز في صحن البايركس الين يتغطى بالكامل و نتأكد انه تشربه بالضغط بملعقة بشويش على سطح الخبز .
نجهز الحمام المائي ، فصينية تيفال كبيرة تكفي صحن البايركس نحط في قاعتها قطعة قماش ونحط صحن البايركس عليها و نضيف ماي حار الين يغطي نص صحن البايركس من الخارج ، الحكمة من قطعة القماش انه مايخليه يزلق منك وانتي تدخلينه الفرن او تطلعينه ، في المرة الاولى استهنت وماحطيت القماش و بغا الماي الحار ينكب علي بس جت سليمة .. :)
الحكمة من الحمام المائي انه يحافظ على البيض الموجود في الكسترد انه يحافظ على الاكل الموجود في البايركس من انه يحترق او يجف ، وفي حالة الكسترد و اللي فيه بيض و حليب ما تنفصل هالاشياء وتضل بنفس حالتها ..
ندخلهم الفرن ، لمدة ساعة ،، انا لما خلصت الساعة زودت عليها ثلث ساعة ورفعت درجة حرارة الفرن لـ ٣٣٠ لاني حبيته يتحمر من فوق ..
لما ينتهي الوقت ، تطلعينه بانتباه ، وتخلينه على جنب ،، ممكن تاكلينه حار - دافي - بارد على تفضيلك ، انا افضله دافي واخليه بعد لثاني يوم اكله، الطعم ما يتغير ابد ..
طريقة للتأكد انه استوى ، تدخلين عود خشبي في الوسط ، اذا طلع نظيف معناته خالص ، وبعد ممكن تضغطين على السطح اذا طلع سايل معناته لسا يحتاج وقت ..
في التقديم ممكن تضيفين سايل الكراميل :)
ملاحظات :
- استخدمت الاكواب والمقاييس المعيارية
- اذا ماتحبين طعم - رائحة القرفة في الاكل ممكن ترشين بس رشة خفيفة قرفة
- في المرة الاولى استخدمت سيرب البان كيك كان طعمه حلو وحاد وهالمرة استخدمت سيرب الكراميل من هيرشي
- في المرة الاولى ماكان عندي ڤانيلا سايلة واستخدمت رشة ڤانيلا بودرة وتمام
- سايل الڤانيلا صاير صعب ينلقى وين ووين لقيته واخذت كم حبة حق العازة
- بخاخ الزيت والخَبز شي مريح مرة مره وهذا حبيته
ــــــــــــــــ
وهذي كانت طبختنا لليوم :))
عليكم بالعافية :*
Subscribe to our mailing list
ما شاء الله هيووووون
ReplyDeleteالوصفة و التصوير فتنة
الله يحفظك يختي
اموون
حبيبتي تسلمين من ذوقك
Delete:)
جمييلة،شفتها قبل كم يوم بالتي في واشتهيتها
ReplyDeleteثانكيوووو
ولكم
Delete:*
ماشاء الله تبارك الرحمن تشهي 😢
ReplyDeleteمع اني بالغالب لو اشوفها بالمينيو مااطلب ولا حتى أذوق بس اشتهيتها أو بالاصح حببتيني فيها ❤️
عارفة اكثر شيء شدني بالموضوع ! إنك مو صديقة المطبخ لكن عرفتي تدخلين وممكن تتعمقين فيه لأنك جيتي له من الجانب الي تحبينه لدرجة دخّلتيه حتى بالتدوين وحبيت هالشيء منك عشان نفسك قبل عشان احنا نستفيد ونجرب ..
حبيتيه وحببتينا فيه تسلم اياديك وبالهنا لك ولي لما تسويلي ياه هههه ❤️
دخلتي في اعماق اعماق قلبي
Deleteالله يسعدك ايمان كثر ماتفرحيني
الله يحفظك
:*
عوافي هيونة وصفية جداً رائعة راح اخليها لليوم المفتوح لاني انسانه عندي رهبة من الكااوري العالي ههه سلمت يدينك يارب
ReplyDeleteالله يسلمك كلك ذوق :)
Deleteماشاء الله عليك تسلم الايادي راح اسويها شكله لذيذ كنت اتوقع انه صعبه لكن طريقتك سهلة يعطيك العافية
ReplyDeleteالله يعافيك :*
Deleteموضوع يقطر سكر، ما شاء الله عليكي هيو ست بيت شاطرة 💕✨🌸
ReplyDeleteمن ذوقك جميلتي
Delete:*
الوصفة وتصويرك بيجنننن ماشاء الله .. الله يسعدك ويوفقك
ReplyDeleteكلك ذوق والله
Deleteو اياك يااارب
:*
يمي مغريه بحربها اول ماااعطل
ReplyDeleteان شاء الله :))
Deleteمشهيه ، راح اجربها في يوم من الأيام باذن الله ، شكرا هيا ��
ReplyDeleteالعفو :*
Delete😋 ماشاء الله يسلم ربي هاليدين ، ياليت إذا فيه صورة تبين شكلها من الداخل تحطينها 🌹
ReplyDeleteفيه من الصورد تبين ،، هو مش محشية عشان كذا ماراح تلاظين فرق ك طبقات
Delete:)
كتير حبيت شرحك واسلوبك وتصويرك الرائع وحابة انى اعرف كل شئ منك انتى .........يا ريت لو تعملى ريفيو عن بلاشرات ماك بدرجاتها والمناسبة لكل بشرة مثل ما عملتى لارواج ماك وشكرا:) :*
ReplyDeleteحبيبتي ريهام
Deleteان شاء الله ابشري
ماشاء الله 💜
ReplyDeleteحسيتها لذيييذة😋💗
راح أطبقها هاليومين بإذن الله 🙊💜💜
شكراً على مرورك وبالعافية مقدماً
Delete:)
مره تحمست اسويها بس ماضبطت ;(
ReplyDeleteبالحرف طبقت مثل ماقلتي بس ماعرف كيف ماتشربته
من تحت كانه تكتل او صار ثقيل الكاستر ;(
غريبة والله
Deleteان شاء الله المرة الجاية تضبط
مساء الخير
ReplyDeleteجيت من قوقل :d
.. لي شهر اجرب البودنق من وصفه لوصفه ماضبط معي إلا مره الباقي مايتماااسك من تحت )= من تحت ينتفش
اليوم جلست ادور وصفه جديده ولقيتك اولا يسعد مساك هيون
ويسعد هالإسم يارب وصاحبته احب اسم هياء كثير لأنه اسم أمي الله يرحمها يارب
بجرب وصفتك يارب يضبط ويتماسك من تحت :D
مساء الانوار ،، الله يرحمها يارب ويسعدك ربي
Deleteويحفظك ..
ان شاء الله تضبط معك
:*
اهلين
ReplyDeleteانا اليوم سويت الطبق وكان مره لذيذ تسلم ايدينك لكن عندي ملاحظات بسيطه :
اول شي كان الطبق حالي جدا ما كان يحتاج اي سيرب فوقه
اما بالنسبه لي حسيت البيض طعمه طالع فمره ثانيه لو سويت بحط ٣ بيضات بدال اربع
اهلين
ReplyDeleteانا اليوم سويت الطبق وكان مره لذيذ تسلم ايدينك لكن عندي ملاحظات بسيطه :
اول شي كان الطبق حالي جدا ما كان يحتاج اي سيرب فوقه
اما بالنسبه لي حسيت البيض طعمه طالع فمره ثانيه لو سويت بحط ٣ بيضات بدال اربع