بسم الله الرحمن الرحيم
موضوع اليوم خفيف .. عن عطوراتي اللي عندي حالياً ..
سويت موضوع عن عطوراتي قبل فترة ،، وعشاني كلاسيكية في اختياراتي لازم تشوفونه لانها على طول استخدمهم ..
Chanel N°19 POUDRÉ
عطري المُفضل ،،
ذكرته صحيح في موضوع عطوراتي بس هالمرة شريت الحجم الكبير منه ..
احبه هالعطر .. يعني كل ماخلص ارجع اشتريه ..
Christian Dior - Ambre Nuit
الحب الحب ..
حبيته من اول مرة شميته فيها ..
كنت في هارڤي نيكلز الرياض .. ومريت عند ستاند كريستيان ديور و قلت ابي اشوف هالعطور اللي مو متوفرة في السعودية الا عندهم و كنت قبل اشوفها في دبي في فروع محدودة ..
حبيته من اول مرة .. يعني انا بالعادة اشم شي واستناه يبرد و اخلي الموضوع واروح البيت بس اذا علق العطر في بالي وريحة سيطرت علي مخي اقول مابدهاش .. واروح اشتريه ..
ريحته من مكوناتها العنبر .. العنبر الحلو الجميل الرايق .. مايغث مثل عطورات العنبر من ماركات ثانيه !!
شريت الحجم الكبير ٢٥٠ مل ..
سعره ١٣٧ ٠ ريال ..
وفيه الحجم الاصغر ١٠٠ مل سعره على ما اذكر ٩٧٠ ريال ..
فيه من نفس الخط هذا عطر عود .. هو اللي بغيت اشتريه معه بس قلت خله شوي .. كنت باخذه قبل امشي من الرياض بس مامداني .. حلو بعد للي تحب العود :)
Jo Malone - Oud & Bergamot
جو مالون :)))
دايم ادخله واطلع ،، احتار وش يعجبني واصفى على ولا شي ..
المهم ذيك اليوم دخلته ورايئة و فايئة وعارفة انا وش احب .. روايح العنبر والعود .. ماحب الورد كثير ..
عجبني اكثر شي هذا (العود و برجموت) و واحد ثاني بالعنبر بعد .. بس لان عندي عطر بالعنبر اخترت العود .. جمييل ..
يجي حجم واحد ١٠٠ مل و سعره ٧٤٥ ريال ..
جو مالون فتحو لهم فروع في مولات كثير مثل الظهران مول وانا شريته من فرعهم في الردسي مول في جدة ..
Diptyque - Eau Duelle
ديبتيك ..
ماركة جديدة عندنا .. كنت اشوف لها صور دايم لشموعهم في مواقع وانستقرامات وتمبلرات وكذا ..
يوم دريت انهم موجودين عندنا في السعودية ( في رباعيات ديبارتمنت ستور - جدة ) قلت لازم امرهم..
في البداية كان الهدف اني اشتري شموعهم .. بس ماكان عندهم شموع بس عطور و معطرات جو واثاث وحق الفواحات ..
بسطت عند العطور لفتني واحد اكثر شي .. اغلبية عطورهم بصراحة مو انا ..
هذا العطر الوحيد اللي قلت كنه عجبني .. و للحين مش متآكدة لان ريحته مرة تعتمد على مزاجي في الفترة اللي احطها ..
ريحته ڤانيلا على شي لطيف كذا وثقيل بنفس الوقت .. مو ثقيل مرة لا حلوو ..
يعني احطه مثلاً لابغيت شي خفيف و وزهورات على ڤانيلا خفيفة دم مو ذيك اللي تعور البطن هههههه ..
ماكان فيه الا الحجم الكبير ١٠٠ مل وسعره ٥٥٥ ريال
هذي هي عطوراتي اللي استخدمها هالفترة ..
مجمعتهم و حاطتهم على صينية كذا انتيك .. مرايتها معتقة ، اللي ماتجي صافية ، تجي كذا بخرابيش .. :)))
كنت ادورها و لقيته في زارا هوم .. و تلقون نفس الفكرة بمرايات عادية بآشكال في هوم سنتر ومحلات الاثاث و الادوات المنزليه :)
وش حبيتو اكثر شي ،، وعطركم المفضل ايش :)))) شاركوني :*
Subscribe to our mailing list
ذوووق ياااذوق كل واحد يقول انا احلى بس الأخير يبي لي اشمه
ReplyDeleteوفيه عطر توم فورد البنفسجي جربيه جمييييييل
ReplyDeleteماشاء الله بوست جداً جممميل ربي يسسعدك
ReplyDeleteأحب مودك و ذوقك وأختياراتك وكيف كل شي منظم عندك ..
بالنسبة لي فيه عطر واحد مستحيل أغيره اللي هو عطر شانيل تشانس الأخضر
أحسه "أنا" وأعوذ بالله من كلمة أنا حاطيني جوات علبة ..
يذكرني هالعطر بأشياء كثيرة حلوة ومستحيل أتعطر فيه كل يوم أخاف تمر ذكرى مو حلوة وأنا حاطته وتخرب كل الذكريات الجميلة المتعلقة بهالعطر ..
أدري شي غريب بس ماجاب راسي غير هالعطر .. عندي عطرين جداد منه لسى ما لمستهم .. ومع كذا ما أتعطر فيه دايماً ..
العطر الثاني اللي حسيته دخل مزاجي هو عطر ديور مس بوكيه .. أقدر أقول أنه اول عطر بعد شانيل يروق لي
بالفترة الأخيرة ذوقي جداً سيء بإختيار العطور عشان كذا أكتفيت باللي عندي وإذا ابي اجرب عطر جديد كأنه كأنه داخل مزاجي أشتري حجم صغير من النت
تقريباً يصير سعره بـ ٧٥ ريال النتفة ذاك
جاني فضول أشم ريحة عطر ديور الكبير، إن شاء الله بأقرب فرصة بأجربه بالمحل لأني أثق بذوقك بشكل ماتصصورينه
إمممم وبس كأن هذرتي كثرت ههههههههههه
ديور العنبر جميييل والاصفهان اجمل بكثيير منه وخاطري اشم شانيل وتتهني ياجميله
ReplyDeleteانا زيك دايم اشوف ديبيتك بس ما عمري لقيتهم بأسواقنا نفسي اجربهم والله ، كمان جو مالون جربته ريحته جد مره راقية وتحسينها العود المرتب لوول
ReplyDeleteكل شي ذوق ماشاءالله تتهني فيهم $__$
بوست جميل ورايق زيك احس ريحه العطور وصلني ومن ناحيه جو مالون انا زيك ادخل اشمشم ادوخ واطلع هههههه تتهني جميلتي ودمتي
ReplyDeleteاتعب وانا اقول الذوق هيونه وربي
ReplyDeleteاختيارتك للعطور جدا جميله
بس انا مني صحبه مع العود والعنبر لاشميته صدعت يالعيب فيني او اللي اسمه نوعيته قويه ولااعرف افرق اصلا هههه
يمكن القي روحي بعطور الورد والفواكه والسويت انا هنا ادوخ.. شريت عطر شانيل كوكو مودمزيل ولازال مركون صدعت منه حبيت منه سبراي الجسم مره جميل
اعشق عطر مس ديور القديم العشق الابدي ذكرياتي معه جدا جميله احبه واحبك ياهيونه❤️وبس
عطر الله ايامك بالسعادة
ReplyDeleteانا من محبين شانيل N5 عطر جميل
ماشاء الله بوست جمييييل ومن مايعششق العطور جو مالون شريت منه عطر
ReplyDeleteاول مافتح في دبي بالصدفة اخذته كان بارد مررره وحلو ولي فترة ادخل محلهم وينقلب راسي واطلع لكنك حمستيني على هذا خصوصا مودي
مايل للعود والعنبر مااحب روائح الورد والفواكهه
وعطر كريستيان ديور بالعود حلوووو مرة وماكنت ادري انه موجود بالرياض
ربي يسعدك ي جميلة
مشاءالله ذوقج عجبني كلاسك
ReplyDelete- انا احب شانيل n5
اصفهان من ديور
بشكل عام الروايح القويه ( العنبر و المسك
ديبتيك اللي بريحة الياسمين شيء صايرة ما استغنى عنه 💔
ReplyDeleteجربي عطر لانكوم peut-etre
ReplyDeleteجربي عطر لانكوم peut-etre
ReplyDelete