مدونة هيا أدون ، اكتب و اُصور

Leno Shop | متجر لينو

بسم الله الرحمن الرحيم 








هو متجر متخصص بالمنتجات الكورية ذات الجودة .. هالمنتجات تشمل مستحضرات تجميلية و اكسسوارات وملابس للكبار وحتى الصغار .. اختياراتي منهم لآشياء اعجبتني .. منها قريت عنها من قبل وكنت حابة فعلاً اجربها .. راح تعرفونها من خلال الموضوع لليوم ..




حقيبة ظهر كافانس مقلمة - BeiBaoBao
هذي الشنطة لفتت انتباهي اول شي .. قماشها و حجمها خلاني افكر انها راح تناسب وقت التنقلات .. تشيل اللابتوب و الكاميرا و العدسات ،، مع انها مش مخصصه لهاشي بس حجمها مناسب جداً .. اللاب توب في البيت القماشي اللي له ما حطه بآي شنطة الافيه (مثل الحافظة ههه) واحطه داخل اي شنطة ،، وكفّت مع كاميرتي والعدسات (هن ٣ بس :))
الجيوب الخارجية تناسب للاشياء اللي مالها مكان .. القماش مثل الجينز يتحمل و اللون بعد ..

تفاصيل ...




المستحضرات التجميلية ..





البي بي كريم من ايتود هاوس - Etude House BB Cream
هذا البيبي كريم من ايتود هاوس سمعت كلام من قبل حلو عنه .. واحلى مافيه انه خالي من الزيوت .. يعني مناسب للبشرات الدهنية و المختلطة المائلة للدهنية ..
في المتجر مالقيت درجتي .. ماكان فيه الا الدرجة الغامقة .. اغمق شي .. سويت بحث عن ريڤيوهات للبيبي كريم عشان هالدرجة ابي اشوفها .. مع اني كنت مقررة باخذها عاساس تان وصيف كذا هههه .. شفت السواتشات وتوكلت على الله ..
وصل البيبي كريم وجربته .. جميل جداً .. حطيته و ماترك اي اثر دهني .. خفيف مرة و اللون فيه مو مايل للبرتقالي ابداً .. اغمق من درجتي بس مو مثل ماتوقعت .. يعني اغمق مني بدرجة .. حبيت فيه اكثر الضغاط اللي فيه .. عملي ..
طبعاً فيه حماية من الشمس ٣٠ .. تغطيته مش عالية ، من خفيفة الى متوسطة .. مناسب جداً للاستخدام اليومي .. الحمدلله على الفترة البسيطة اللي جربته فيها ما سبب لبشرتي اي مشاكل او حساسية ..
وهنا صور عن المنتج وسواتش ..



الدرجة هي W15 البيج الغامق ..



ــــــــــــــ



علبة ظلال العيون من ايتود هاوس (سوشيك) - Etude House Play color eye Shadow
باليت الشدو من ايتود هاوس فيه ١٠ الوان .. كان فيه نوعين اخترت هذا لان الالوان فيه على ذوقي ..
الوان ترابيه هادية و طبيعية .. ومنها بعد الوان فيها لمعة ..







روج القلب من هوليكا هوليكا - Heartful Moisture Lipstick from Holika Holika
حمرة شفايف على شكل قلب .. اخترت اللون اللي اكيد بختاره وهو الوردي .. قوامه كريمي مررة ماينشف الشفايف ويعطي شكل مائي للشفاة .. وعشان خفيف مايعطي تغطية كبيرة او ثبات عالي مثل الحمرات المطفية ..
الدرجة اللي اخذتها هي BG401 البيبي بيج اساسه مايل للأزرق .. 




جل ايلاينر ضد الماء من هوليكا هوليكا - Holika Holika Jewel-Light Waterproof Gel Eyeliner
اللي في الصورة هو اللون الكحلي .. الجل للاينر مو مطفي .. فيه لمعة لؤلؤلية مو ذرات واضحة ، يعني ماتبان اللمعة على الجفن .. جربته مرة و ثابت لانه ضد الماي .. 



احمر الشفايف المائي بلون الكرز من بيريبرا - Lips Tint from Peripera
انا اول مرة اجرب التنت للشفايف .. لونه طبيعي كني ماكلة اسكريم مال أول ههه .. شويه منه عالشفايف ويعطيها تورد محومر ويبان كنه طبيعي شفايفك لونها مو طبقة روج .. عجبني .. القوام مائي ،، واللون مركز ..




حزمة العناية بالآظافر من ايتود هاوس - Etude House Help my Finger Pack
كسرت خاطري اصابعيي هالوقت  من الكرف وما آلقى وقت اهتم .. عجبني وصف المنتج بآنه يحوي زبدة الشيا و مستخلصات مفيدة للعناية بالاظافر .. كل حزمة فيها ٥ اغطية لكل اصبع .. عاد اخذت حزمتين :)








ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





23 comments

  1. مرررررررررره حلووووين الأشياء خاصتن الاي شادووز وحق الاظافر

    ReplyDelete
  2. ما شاء الله ربي يهنيكي.. الي عجبني اكثر شي اشكالهم الكيووووت.. دمتي متألقة كعادتك..
    رمضان مبارك
    ودي

    ReplyDelete
  3. يازين الكوريين وزين اشياءهم تتهنين حبيبتي
    وعطينا رايك بالظل وماسك الاظافر لما تجربينهم

    ReplyDelete
  4. ماشالله تتهنين انشالله فيهم
    حبيت المتجر وباخذ لفه عليه

    ReplyDelete
  5. جمالك هيا تتهني فيهم ❤❤❤

    ReplyDelete
    Replies
    1. الله يهنيك حبيبتي فاطمة :*

      Delete
  6. جمييييله مشتريات تتهني ❤

    ReplyDelete
  7. حبيت حبيت حبيت تتهنين فيهم هيونتي وعليك بالعافيه

    ReplyDelete
  8. مبروكه عليك كلها تخلصينها بالعافيه 💜
    ودي وبخاطري اجرب بيبي كريم ويناسبني
    بشرتي مختلطه الي دهنيه في منطقه التي زون
    سبحان الله جربت اول شي حق ذا بودي شوب الدرجة الثالثه كان لونه غامق علي بكم درجه
    خلصته وجبت الافتح بدرجه كان مناسب نوعا ما بس يحتاج باودر بعده عشان يبان طبيعي اكثر بس لاحظت انه يضايق عالبشره .
    جربت غارنيه حسيته سيئ ماحبيته يحبب على البشره ويحك 😑 من بعدهم حسيت ان ولا واحد بيفيدني
    شريت نمبر ٧ كريم للوجه مع اضافه بيبي كريم حبييه على يدي بس شريته لامي لاني خفت اندم وهو كثير مو بحجم صغير 😂.

    ReplyDelete
    Replies
    1. انا البيبي كريم اللي ناسبني وخالي من الزيوت كان من توفيسد كتبت عنه ريڤيو هنا
      http://www.hayasblog.com/2013/01/review-too-faced-tinted-beauty-balm.html
      :)

      Delete
  9. بالعافيه هيون .. تتهني ـ()+

    ReplyDelete
  10. بالعافية هيون
    تتهني
    ❤❤

    ReplyDelete
  11. تتهني في مشترياتك خيتو
    يا ريتك اضفتي الاسعار ..

    ReplyDelete
  12. ماشاء الله جميلة جداً المشتريات تتهني فيهم
    البي بي كريم نفس درجتي
    ناوية اشتريه -إنشاء الله-

    ReplyDelete
  13. Allah yhaneech feehom! They're all pretty!

    -Nariman.
    www.narimanspage.blogspot.com

    ReplyDelete
  14. الي للاظافر كويسة ؟

    ReplyDelete