مدونة هيا أدون ، اكتب و اُصور

بعض أشياء - ٣٨ درجة | Few Things - 38 degrees

بسم الله الرحمن الرحيم





عُدنا ..
مع تغيير الفصول و انتهاء فصل الشتاء .. اعتبر شهر مارس فصل الآمراض! شهر طويل سبحان الله ..
في كل سنة اللي اذكر فيها هذا الشهر تجي معها ذكريات مرض احدى بناتي من تآثير الجو ..
وهالسنة ما ختلف كثير .. 
كل طفل يختلف حتى في طريقة مرضه ..
ومقاومته .. والدلع .. 

بعد ماخلصت الإجازة افتتحت الروتين بسهرة مع حرارة تالا .. 

يبدا المرض بخمول .. عطسة .. عين محمرة .. وجيت اقيس درجة حرارتها بالمقياس العادي ومرتفعة ..
المقياس العادي هو اللي نقيس فيه درجة الحرارة عن طريق (تحت اللسان - تحت الابط)
قريت كثير انه مو دقيق .. خاصة لو بغيت اقيس درجة حرارتها وهي نايمة ماقدر اصحيها من النوم وانا ماصدقت تنام واخليها تحط المقياس تحت لسانها ، وتحت الابط مو دقيق ابداً خاصة لما عطاني درجة مو معقولة مقارنة مع اللي حسيته بيدي على جبهتها .. 
هالحرارة هالمرة جت مو كالعادة .. حرارة تخف وترجع .. تخف و ترجع ..
يعني لما اقول انها تلعب هالحرارة حممتها مرتين .. عشان بس تخف .. الكمادات كانت ماتآثر بتخفيف الحرارة ..
وعرفت انه فيه التهاب راح يصير وراح احتاج مضاد .. اخلي المضاد اخر الحلول ..
والدواء حق الحرارة بعد تآثيره بسيط في هالحالة ..
(طبعاً انا مو دكتورة  ولا تاخذون كلامي كوصفات طبية هي تجربة وفضفضة)

قررت في حينها اني احتاج شي أدق .. واشتريت مقياس الحرارة عن طريق الأذن ..
جربته عند اختي .. مريح مرة و سريع .. ويستخدمونه المستشفيات .. 
في جميع الاحوال ، في حال الحمى والحرارة المرتفعة الام قلبها دليلها ولا غنى عن مراجعة الطبيب ..


راح اتكلم عن كل مقياس على حدة ..



استخدام اليد لقياس درجة الحرارة هو اول شي ممكن يعطي تنبيه لارتفاع درجة حرارة الطفل ..
و اكيد في هاللحظة راح تكونين في حاجة لمقياس يعطي درجة الحرارة بشكل دقيق ..
فيه عدة انوع ، منها مقياس درجة الحرارة الرقمي العادي الموجود في اغلب البيوت واللي تستخدم عن طريق (تحت الذراع اوتحت اللسان او في المقعدة) اخر خيار للاطفال الصغار في عمر الاشهر واحسه بالنسبة لي صعب وماعمري جربته اصلاً ..
بالنسبة لتحت الابط مو دقيق ايضاً وتحت اللسان يناسب الاطفال اكبر من ٣ سنوات ..
وفيه نوع اخر من المقاييس تستخدم الموجات .. منها المقياس اللي يقيس الحرارة من خلال طبلة الاذن .. او الجبهة ..
تجربتي مع المقياس الرقمي العادي .. و المقياس خلال الاذن ..


مقياس الحرارة الرقمي 
Digital thermometer




- يقرأ درجة الحرارة عند وضع الحساس في أماكن قياس الحرارة (تحت اللسان و الذراع)
- يستخدم للاطفال من عمر الولادة
- اقل دقة لكن يعطي درجة حرارة عامة اذا كان هناك شك في ارتفاعها
- متوفر في عدة شركات ، المقياس في الصورة من شيكو وسعره ٤٠ ريال وله عندي ٥ سنوات 




المقياس من خلال طبلة الاذن من براون 
Braun Thermoscan Ear Thermometer




- يقرأ موجات حرارة الأشعة تحت الحمراء الصادرة عن طبلة الأذن
- يتم ادخال الجزء البارز من الجهاز داخل الاذن (يجب ان يتم ذلك بشكل صحيح والا لن تكون القراءة دقيقة)
- يستخدم لعمر اكبر من ٦ شهور 
- اذا كان الشمع في داخل الاذن كثيف ممكن انه يعطي قراءة غير دقيقة
- يأتي بمجموعة من الآغطية البلاستيكية تحمي مصدر الاشعة من الاتساخ (وتباع بشكل منفصل عند انتهاء الكمية الموجودة)
- القراءات ممكن ان تختلف بين كل اذن و هنا نأخذ معدل القراءة
- متوفر في الصيدليات بسعر ٣٠٠ ريال وممكن تلقونه في محلات التجهيزات الطبية بسعر اقل ب ٢٠ -٣٠ ريال ..





نصائح عامة :

- عند ارتفاع درجة الحرارة، اخذ حمام للطفل لازم يبدا بماء فاتر غير دافى وتبريدها بالتدريج 
- الحرارة اللي تجي وتروح وتجي وتروح في نفس الوقت يدل على ان الجسم يحاول منع التهاب ولازم مراجعة الطبيب لاخذ العلاج اللازم
- عمل شوربة الدجاج مفيد جداً في تقوية المناعة واعطاء تغذية مناسبة في حال المرض
- نفسية الطفل بحاجة لعناية مضاعفة و الام بحاجة لدعم و قوة للسهر والمحاتاة وتحمل الدلع

و جا الصباح واصطبحنا عال العال ..
الحمدلله على كل حال والله يخلي كل الامهات اللي تعبو وسهروا ،، ويخلي قلوبنا اللي تمشي عالآرض ويرزق كل مسلم ..

-----------------------


ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





19 comments

  1. حبيبتتتتتتي اسم الله عليهاا
    فزززز قلبي الله يحفظهم من كل شر يااارب

    ReplyDelete
    Replies
    1. بعد عمري اسم الله على قلبك حبيييبتي انتي
      :*

      Delete
  2. نسيت اقول ان التصوويرر ألييييييييييم

    :D

    ReplyDelete
  3. الحمدلله على سلامتها .. وناطرينج بالبوست الجديد

    ReplyDelete
  4. ياعممممري هي الحمدلله على سلامتها
    والله فقدتك قلت اكيد اشغلتها الاجازه
    حبيبتي انتي الله لا يحرمك الاجر

    ReplyDelete
    Replies
    1. حبيبتي والله
      ربي يسلمك من كل شر

      Delete
  5. الحمدلله على سلامتها و ماتشوف شر يارب <3

    ReplyDelete
  6. الحمد لله على سلامة القمر تالا ما تشوف شر
    ❤❤❤

    ReplyDelete
  7. ربي يحمها ويخليها لك مرا مرا استفدت ابني يطلع اسنان ومن انولد والحرارة اهم مضاعفات التطليع

    ReplyDelete
  8. ياناسو ربي يحفظها ويخليها لك ماتشوف شر يارب <3
    أفتكر جهاز بروان أمي كانت تستخدمه لنا من وقت وأنا بالابتدائي مدري المتوسط <3 ولين ألحين شغال زي الحلاوة يستحق كل فلس فيه
    موضوع جميل وتصوير أجمل *فيس بقلوب*بوسات

    ReplyDelete
    Replies
    1. شكراً حبيبتي رنا
      ربي يسعدك و يخليلك احبابك
      :*

      Delete
  9. ماشاء الله عليها ربي يحفظها .. مواااضيعك روعة وتصوريك احلى

    ReplyDelete
    Replies
    1. ربي يحفظك لغالينك شكراً

      Delete
  10. التصوير جميل , والموضوع اعتبره تفليسسه

    ReplyDelete