بسم الله الرحمن الرحيم
الموضوع اليوم عن اقلام الملونة داخل العين وزدت عليه سواتشات للآيلاينر اللي عندي ..
مافيه سوالف واجد .. يعني الصورة تتكلم :)
الكحل اللي استخدمه لداخل العين من ماك .. اسمه Coffee .. لونه بني .. ماستخدم الا هو ..
يعطي شكل طبيعي للعين (الاسود يعطي حدة ماحبها)
قبل ما ابدا استخدم كُفي من ماك كنت استخدم من بورجوا ، لون بني بدون لمعه .. وكان حلو بعد ..
استخدم الكحل البني لداخل العين .. واحيان اثبته زيادة بشادو مطفي .. تفيد في حال كانت عينك رطبة بزيادة ومايثبت عليها اي نوع كحل ..او تبين شكل مطفي اكثر .. ثباته مو طول اليوم .. بس معقول ..
سعره ٨٩ ريال ..
MAC Coffee Eye Pencil Swatch |
الكحل لداخل العين بعد بس لون ابيض من ماك اسمه Fascenating .. لونه ابيض ..
لونه جاي على اوف وايت .. اوقات لما احطه كآنه يصير مثل الطبشور .. يعني يتفتت شوي .. لكن يعطي لون فاتح لداخل العين بس مو ابيض صريح .. اذا حسيت فيه حبيبات امسح القلم نفسه ويصير زين ..
ثباته زين .. مو لاكثر من ساعتين اذا ماكان اقل .. انا بالنسبة لي اعتبر عيني رطبة بزيادة فكل الاقلام ثباتها متقارب ..
سعره ٩٦ ريال
سواتش له في الصور القادمة ..
ــــــــــ
الآقلام الفاتحة والملونة لداخل العين ..
آول اثنين من فوق من ريڤلون Revlon Photoready Kajal
الاخضر غامق (بارد) مع اللون البيج 003 Emerald Empire
البنفسجي واللون البيج الفاتح 004 Purple Regin
شريتهم بس عشان اللون النيود الطبيعي لداخل العين .. ماكنت ابي شي ابيض .. كنت ابيه بيج بيج ..
بتكلم عنهم بالآرقام ..
رقم ٠٠٣ :
اللون البيج فيه متوسط ،، بالنسبة لي مايبين كثير .. كآني ماسحة داخل العين .. يعني لون ماله لون ..
حطيته داخل العين وبين خط مدمع العين .. حتى لاجيت احكم على ثباته ماعرفت لآنه بالضبط نفس لون داحل العين .. مدري هي مدح ولا ذم .. بس ثباته مو اكثر من ساعة .. اذا مو اقل .. وبنفس التجربة جربت اللون الاخضر لخارج العين (خط الرموش السفليه) .. ثباته ساعتين ..
رقم ٠٠٤ :
اللون البيج فيه افتح بدرجة من اللون البيج في القلم السابق .. يعطيني الدرجة اللي ابيها بالضبط .. وحلوة ..
مشكلتي في ثباته بس .. بس على سعره بتغاضى .. اللون البنفسجي استخدمته لخارج العين (خط الرموش السفلية) وثباته ساعه ..
الزين في هالقلمين مع عيني اللي صايرة حساسة شوي انهم ماسببو لي اي تهيج او تحسس ..
سعر الواحد ٤٠ ريال ..
قلم داخل العين من ماكس فاكتر MaxFactor 090 Natural Glaze
هذا القلم من ماكس فاكتور اول قلم اشتريه لداخل العين .. عندي من مده، ودرجته جميله (بيج على وردي) طبيعي ...
ثباته بعد نفس السابقين .. مو اكثر من ساعه .. احياناً احسه يصير مثل الطباشير ..
سعره اخذته من زمان وكان وقت عرض حول ٢٠ ريال
سواتش للأقلام ..
ــــــــــــ
الآيلاينرز Eyeliners
من ماك الجل آيلاينر هو اللي استخدمه جداً .. خاصة اللون البني دِبداون Dipdown ..
مناسبني يعطي شكل طبيعي .. واستخدم معه فرشة ماك رقمها ٢٦٣ ..
قوام الجل ايلاينر كريمي .. يتوزع بشكل جيد وثابت .. إزالته سهلة ..
الجل ايلاينر الثاني (الآسود) من ماك هو بلاكتراك Blacktrack ..
شاريته قبل البني .. مقتصره استخدامه في المناسبات بس خاصة مع الشدو لو حطيت ..
الجمعات العائلية اليومية مكتفية باللون البني ..
صار لهم فترة طويلة عندي .. حول سنة .. ماشفت ايهم نشف او تغير علي ..
في استخدامي لهم لما احط ايلاينر اخذ من الفرشة والعلبه نفسها لماحطها عالطاولة اقلبها ..
علمتني هالحركة موظفة ماك .. وللحين اتذكرها .. شي جديد كان هههه ..
فيه سالفة تذكرتها .. كنت دايم لما اروح ادور في ماك شي للحواجب كانو يعطوني بلاتراك لتحديد الحواجب واذا حبيت شي افتح عطوني ديبداون .. ترا ماينفع .. الاسود خصوصا يطلع كآنه صبغ! وغير كذا قوامه مايناسب ، يسيح ..
كذا ولا كذا هو ايلاينر مو حق حواجب :(
القلم الايلانر من ستيلا .. اللون البني ..
هذا القلم اول ماجربته ماحبيته .. بالاصح ماعرفتله .. كانت اول تجربه لي بالاقلام من هذا النوع ..
عطيته فرصة وزين ماسويت .. جميل وحبيت ثباته .. مع انه ووتربروف (مقاوم للماء) بس ثابت طول اليوم ..
وراح يكون مناسب جداً في الفترة القادمة ، الصيف :)
ماتغير لونه ولا ساح (جفني دهني شوي) و سبب ترددي فيه خفت انه من النوع اللي صعب ازالته ..
جربت و قمت بإزالته بمزيل مكياج العيون من شانيل وراح مثله مثل اي مكياج ..
بس ماراح من مناديل إزالة المكياج الرطبة يوم حطيته على يدي ..
قبل الاستخدام اخض القلم ، وافتح الغطا القى اللون في رآس القلم المُستدق في بدايته، يعني لو حبيتي خط نحيف تمسكين القلم بشكل عمودي مايل شوي .. واذا بغيتي تعرّضين الخط تستخدمينه بشكل مائل ..
في باية التوزيع يكون رطب لكن ينشف في اقل من دقيقة ويتحول لونه للون بني مطفي (غامق) ..
ثابت ثابت .. مو اقل من ١٢ساعة ..
سواتش للجل ايلانر من ماك وستيلا ..
التالي ،، جل ايلاينرات من ماك بس ملونة .. كانت في موضوع الشادوهات من ماك بس ماكان لهم سواتشات ..
حلوين كتغيير ،، فيهم لمعة يعني ماتناسب كثير للنهار او استخدام يومي مثلاً ،، يعني لوحبيتي تغيرين عن الاسود والبني ..
وهذي سواتشات لهم ..
ألقاكم في مواضيع قادمة :)
مع السلامة :*
Subscribe to our mailing list
Love it <3
ReplyDeleteThanks hun :*
Deleteشكرررا موضوعك مرة جننن
ReplyDeleteمن زمان ادور القلم البيج من ماكس فاكتر ولا القاه
من وين اخذتيه بليززز
ربى
شكراً ربى
Deleteاخذته من سنة وشي من ستاند ماكس فاكتور في سنتر بوينت
:*
<3
ReplyDeletetetahany fehm
شكراً :*
Deleteموضوع جميل والألوان اللي تستخدميها عمرها ما خطرت ع بالي خصوصا البيجيات لاني احب الأسود بس بعد موضوعك مايمنع نجرب ونشوف النتيجة مشكورة ياعسل 😍💕
ReplyDeleteتغيير جميل ويعطي جو للمكياج
Delete:*
يا جمالك يا هيا ، شكرا شكرا :)
ReplyDeleteجل الايلاينر تبع ميبلين وش رايك فيه ؟
حلو و جميل جربته فترة الين جبت بلاكتراك من ماك
Delete:*
كل اسبوع تطول لستتي من مواضيعك شغلات جميلة ههههههههههه شكرا ههيا ... هديل
ReplyDeleteكم سعر قلم الكحل ستيلا ؟
ReplyDeleteااذا عرفتي علميني
Deleteروعه....عن جد مونة رائعة و مفيده بالذات لمبتدئه مثلي
ReplyDeleteشكرا لك
مفيدة جدا شغل رائع
ReplyDeletewww.gamalek.com