مدونة هيا أدون ، اكتب و اُصور

آول المشتريات في الفين واربعطش

بسم الله الرحمن الرحيم






مشترياتي في الفترة الاخيرة والآولى في ٢٠١٤ .. :)

ــــــــــ

من نزيه ..
مريت في الفترة اللي راحت بإنتفاضة ، وقررت اهتم اكثر بشعري .. نجرب ..



شامبو من مجموعة المكاديميا .. سعره ٩٥ ريال ..
مكتوب انه يحافظ على ترطيب الشعر وبنفس الوقت ينظفه .. خالي من البرابين والسولفات .. يحافظ على لون الشعر المصبوغ .. كلام اكثر اكيد في موضوع خاص بس للمنتجات الشعر اللي بجربه هالفترة .. وهل كيف فادت او لا!!
منعم الشعر (بلسم) من مجموعة المكاديميا .. سعره ١١٥ ريال ..
زيت للشعر ، للتصفيف او لمسة نهائية ..
اخذت منه الحجم الصغير جداً .. عشان اجربه .. سعره ٢٤ ريال ..

ـــــــــــــــــ

من لش LUSH
شامبو بيق .. BIG | بلسم RETREAD




بيق!! رجعت اشتريه :) 
ببساطة اشتقت لرائحته و تأثيره و تنظيفه للشعر .. استخدامي له مرة بالكثير في الاسبوع .. 
سعره ١٣٨ ريال ..
رتريد حبيت ريحته وترطيبه واستخدمه مع بيق .. 
الآشياء اللي تعلق في راسي و اتذكر تآثيرها اعرف اني حبيتها ..
سعره ١١٢ ريال ..




فيه موضوع عن منتجات لش سويته قبل سنة .. (الرابط) .. فيه شرح اكثر عن المنتجات ..
فروع لش في الرياض : مركز المملكة / الفيصلية / شارع العليا ..
جدة : ستارز اڤنيو مول


ـــــــــــــــــ


من ماك ..

 ماك فكس بلس .. اللي عندي قرب يخلص .. ماستغني عنه .. سويت عنه ريڤيو بسيط في الانستقرام 
سعره ١٠٠ ريال ..

اي شادو تعبئة .. عشان اكمل الباليت اللي عندي من ماك ..
اخترت لون اسمه باتينا Patina .. سعر التعبئة حول ٧٠ ريال ..!!



فيه موضوع سويته قبل سنه (صرت اتكلم بالسنين مو الفترات ههه ) عن شدوات ماك الباقيه في (الرابط)
الآلوان الزيادة اضفتها مؤخراً و بسوي موضوع اكيد لما يكتمل الباليت ..



ـــــــــــــ





بخاخ للشعر .. it's a 10 ..
سعره الحجم الصغير (الصورة) ٨٥ ريال ..

البيتوتي بلندر Beauty Blender 
الاسفنجنة الوردية لتوزيع الفاونديشن .. نفسي اعرف الكلام اللي عليه صح ولا لا عشان كذا شريته ....
سعر العلبة (حبتين) ١٥٥ ريال ..

بخاخ تثبيت المكياج من اسكندينافيا .. 
اشهر بخاخ لتثبيت المكياج .. اللي عندي للبشرة المختلطة للعادية .. وفيه نوع ثاني مخصص للدهنية ..
سعره ١٣٠ ريال ..

قلم الايلاينر من ستيلا .. لون بني .. استخدمته مرة وحده و ... مممممم ... ماحبيته كثير .. احب الجل اكثر ..
بس بعطيه فرصة ثانيه .. سعره حول ١٠٠ ريال .. مو متآكدة ..




عطرين من لوكستيان ..

روايحهم ليمون متقاربه ،، منعشة حق الصيف .. والصيف جاي :)
سعرهم ٢٤٩ ريال ... بس اللي عاليمين كان عليه تخفيض واخذته ب ١٤٠ ريال ..
كان في موضوع عطوراتي ..





ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





35 comments

  1. جميلة ي هيون بانتظار التدوينة الجاية

    ReplyDelete
  2. حلوه مشترياتك تتهني فيها يارب

    ReplyDelete
    Replies
    1. الله يهنيك فاطمة و يحفظك :)

      Delete
  3. متحمسة اعرف رايك عن المكاديميا

    ReplyDelete
  4. تتهنين فيهم حبيبتي

    ReplyDelete
  5. تتهني ياهيا ... مبروكين اغراضك

    ReplyDelete
    Replies
    1. شكراً هاديه كل ذوق جميلتي
      :*

      Delete
  6. عليك بالعافيه حبيبتي

    ReplyDelete
  7. ماشاءالله , تدويناتك جميله ..
    ممكن طلب ؟
    عادي يعني مثلا .. تسوين مدونه كيف تعديلك للصور بالتفصيل ؟
    تكفين الله يخليك :( .

    ReplyDelete
    Replies
    1. شكراً ..
      شوفي التعديل باالصور اسهل شي كلها قص وحفظ
      بس الآهم هو اخذ الصورة .. لازم الإضاءة كافية و مناسسبة .. مو لمبة اباجورة مثلاً .. اسهل شي طالوة جمب الشباك ووجهي المنتج للشباك عشان النور يجي عليه .. مايكون النور وراه والمنتج ملامحه تصير ظل غامث ومايبين ..

      هي اشياء صغيره .. خذي اي صورة عاجبتك وشوفي ليش عاجبتك بتلقين الاضاءة الوضوح التكوين
      وطبقيها ..

      الفوتوشوب تعلمه مرة يساعد بس مو كل شي ..
      .. يعني لو صورة اصلاً رديئة ومافيها اضاءة كافية الفوتوشوب ماراح يسوي شي ..
      ماراح يضيف للصورة شي مو موجود

      :)

      Delete
  8. يعني انت مر ع تدويناتك سنة واكثر !

    ReplyDelete
    Replies
    1. لا مو اكثر من سنة هههه كان تعبير بلاغي .. اول موضووع كان في ٢٠١٢

      Delete
  9. الي اعرفه ان مجموعة المكاديميا خربت شعور البنات !!! في البداية تتحسن يعدين تنتكس وصعب تستمرين ع منتج واحد طول العمر

    ReplyDelete
    Replies
    1. صحيح التغيير مطلوب لأن الشعر وحتى البشرة والجسم يوقف ويتعود عالمنتج فمايتفاعل معاه

      Delete
  10. المدونة الوحيدة الي اثق بذوقها , قريبة انا من عمرك ومن ذوقك احب كل شيء ترابي وناعم , الباليت حقك ماشاءالله يجنن واحتفظت بالصورة , شعري نفسك امس اسوي جدول له اكثر شي مهممل ومنسي , شكراا هيا الله يبارك لك ...........هديل

    ReplyDelete
    Replies
    1. ربي يحفظك هديل ويسعد قلبك
      شكراً على كلامك الجميل
      :*

      Delete
  11. تتهني يارب بالمشتريات وانا كمان متحمسه لرأيك عن المكاديميا
    وصدقيني ماراح تندمين ابداً ابداً على البيوتي بلندر هالأسفنجه الورديه الصغيره سحر بالذات في توزيع الكونسيلر :D
    بإنتظار جديدك اكيد

    ReplyDelete
    Replies
    1. واحشتني نوره :$
      مدونتك تجنن تدرين !!!!

      Delete
    2. عندك تويتر انستقرام شي مالقيت لك عنوان عالمدونة :(

      Delete
    3. حبيبتي الله يسعدك :") شهاده اعتز فيها والله من بلوقر مثلك !
      عندي حساب بإنستقرام انزل فيه بس رسماتي المتواضعه XD

      Delete
    4. ربي يحفظك نوره :*

      Delete
  12. تدوينة جميلة
    تصويرك للاشياء جميل ورااايق أحب أجلس اناظر بصورك :$
    ماشاء الله أنتي من البلوقرز اللي اثق برايهم

    ReplyDelete
    Replies
    1. الله يرفع قدرك شكراً لكلامك اعتز بثقتك جداً
      :*

      Delete
  13. هلا هيا
    مساؤك وصباحك نفحات من الرضى والطمئنية
    كنت باحذرك من مجموعة المكاديميا ولقيت من سبقني
    عموما تتهني بمشتريات
    وربي يسعدك
    شكرا لعطائك

    ReplyDelete
    Replies
    1. ياهلا ب حصه :)
      والله المكاديميا اكثر المنتجات اللي محد اتفق عليها
      بعطيها تجربة .. مع ان النتايج للحين عادية ومافرق معي كثير
      شكراً حبيبتي لحرصك
      :*

      Delete
  14. ، تبارك الله ، اتقا ا ا ا ن ، الله يزيدك من فضله
    اشتهيت اجرب بيق بالرغم ان اللي تكلموا عنه ما مدحوه كلهم:D
    و عطور لوكستيان حابتهم من موضوع العطوات : )
    الله يجزاك الجنة ويسعدك

    ReplyDelete
    Replies
    1. ربي يسعدك و يزيدك
      شامبو بيق حلو للدهنية ومرة في الاسبوع او اسبوعين ماتضر
      شكراً على مرورك العطر
      :*

      Delete
  15. تتهني بمشترياتك يا جميله
    .. it's a 10 ياريت تسويلنا ريفيو عن
    http://l-s-beauty.blogspot.com/

    ReplyDelete
    Replies
    1. ان شاء الله
      شكراً لمرورك :*

      Delete
  16. رائعه ومتميزة دائما ..
    أحب اقرأ تدويناتك بوقت الرواق الي أخصصه لنفسي تعطيني راحة نفسية ..
    دمتي متألقة ..
    ودي
    <3

    ReplyDelete
  17. دخلت بقرأ تدوينة وصرت افتح وحده وراء الثانيه وتعمقت بمدونتك ماشاء الله عليك
    هيا اسلوبك لطيف وقريب للنفس يعطيك العافيه

    ReplyDelete