بسم الله الرحمن الرحيم
موضوع اليوم عن عطوراتي ... وعطورات بناتي الصغيرات ..
لو بتكلم عن ذوقي .. اكيد راح يعتمد على العمر .. و مااذا كنت اشتغل و اطلع كل يوم او لا ..
بس طبعاً في هذه المرحلة من الحياة ، الذوق يستقر على شي معين لفترة طويلة .. طويلة طويلة .. :)
ابتدي بـ صغيراتي ..
عطورهم من محل جاكادي للآطفال ..
الآخضر عطر تالا بنتي الكبيرة من قبل ما تنولد وانا شاريته لها .. ماتخيل احد يحط منه الا هي .. ههههه ..
سبحان الله كيف رائحة العطر تليق على ناس و ناس ..
الوردي عطر دان بنتي الصغيرة ونفس القصة شريته له من ولادتها ..
التفرقة في العطور وتخصيص كل شخص بعطر يهواه و يحبه يولد استقلال للنفس ..
حاجات بسيطة ،، حتى لو للآطفال :)
نجي لعطوري ..
قبل فترة من الزمن (حوالي ٥ سنوات) كنت اتعطر بعطور مثل كلوي و كارتير (ديون من ديور توحمت عليه خخ) و شوبارد بس الحين ماحسهم انا ابداً .. مع ان كلوي يجنن لو حابه شي كذا جميل وراقي .. بس خلصته و شبعت منه :)
عطور شانيل الجميلة تجي على عدة تراكيز منها :
Eau de parfum : وهي اللي تجي بتركيز عالي ،، اساسها زيتي وهو السبب اللي يخلي ثباتها اكثر ويدوم فترة آطول وبالتالي سعر آغلى.
Eau de toilette : وهي تجي بتركيز آخف من العطر نفسه من البيرفيوم. يعني العطر يكون مخفف بـ ماء. ثباتها اقل من البيرفيوم ويحتاج عدد بخات كل فترة وفترة لان الرائحة ثباتها غير طويل .. ومنها سعرها اقل من البيرفيوم.
Eau de toilette : وهي تجي بتركيز آخف من العطر نفسه من البيرفيوم. يعني العطر يكون مخفف بـ ماء. ثباتها اقل من البيرفيوم ويحتاج عدد بخات كل فترة وفترة لان الرائحة ثباتها غير طويل .. ومنها سعرها اقل من البيرفيوم.
ALLURE
EAU DE TOILETTE SPRAY
&
CHANCE EAU FRAÎCHE
EAU DE TOILETTE SPRAY
عطر آلور التوالت
احب آلور في جميع حالاته .. سواء المخففه او البرفيوم .. عطري من ايام الصبا ..
جت فترة كان عندي كل منتجات الور من شامبو ومقشر وكريمات وعطر شعر .. شي جميل ..
عطر شانس الفرايش - توالت
عطر شانس منزلته شانيل مخفف بس بشكل منعش .. فيه نسختين اساسيه ثانيه اللي هي البرفيوم و التوالِت.
عطر صيفي وحق كل يوم. مو مثل نسخة شانس البيرفيوم الناعمة، بس هذا جاي بانتعاش و حِدة بنفس الوقت.
احب آلور في جميع حالاته .. سواء المخففه او البرفيوم .. عطري من ايام الصبا ..
جت فترة كان عندي كل منتجات الور من شامبو ومقشر وكريمات وعطر شعر .. شي جميل ..
عطر شانس الفرايش - توالت
عطر شانس منزلته شانيل مخفف بس بشكل منعش .. فيه نسختين اساسيه ثانيه اللي هي البرفيوم و التوالِت.
عطر صيفي وحق كل يوم. مو مثل نسخة شانس البيرفيوم الناعمة، بس هذا جاي بانتعاش و حِدة بنفس الوقت.
N°5
EAU DE PARFUM SPRAY
شانيل نمبر فايف البيرفيوم ..
كبرت وانا اعرف هالعطر .. ويريحته متعلقة بذكريات طفولة و مراهقة وكبر .. هو عطر امي الله يطول بعمرها، شريته عشانها .. لاني اغلب الاوقات بعيدة ومو حولها في الشرقية .. يعني محاولة للقرب ..
الرائحة هي اقرب شي يقرب شخص بعيد او يشعرك بوجوده ..
شريت الكبير منه .. حلو عالتسريحة ..
N°19 POUDRÉ
شانيل نمبرناينتين 19 .. البودري ..
عطري المُفضل .. اللي هو آنا ،، آنا في زجاجة ..
ما آبالغ لو قلت لكم انه عطري من ايام الثانوي !! صدق صدق .. سنين سنين ..
كنت اتعطر من النسخة الآساسية البرفيوم .. جميل .. كبرت وكبر معي حبي له ..
ونزلت شانيل نسخة منعشة برائحة بودرة .. من نفس العطر .. وهو اللي بالصورة ..
احسني حلوة لما احط هالعطر وذكية بعد .. يعطي ثقة بالنفس وله حضور ..
شريت منه الحجم الصغير عشان الشنطة .. وحتى الور وشانس ..
ليش هذا توالت وليش هذا بيرفيوم : نمبر 19 ماشتري غير نفس النسخة اللي هو البيرفيوم بس البقية ابدل يعني لو عندي واحد بيرفيوم الثاني توالت ولما يخلص اجيب النسخة البيرفيوم وهكذا ..
عطور شانيل كثير معروفة ، الور - شانس - فايف - مدموزيل - كوكو مدموزيل - نُوار ..
نوار حلو بس مليته من كثر ماروح المحل واتردد اشتريه واطلع .. كوكومدموزيل مو ذوقي ابداً ..
عطوراتي من غير شانيل ..
العطر اللي عاليسار هذي ثاني مرة اشتريه بعد ماخلص .. ولما اشتري شي مرتين معناته احبه مرة.
رائحته صيفية مُنعشة جداً .. ليمون .. نظافة .. نظافة ..
اللي عاليمين رائحته شبيهة له بس بنسخة تابعة للطقم الشاور جل و الكريم اللي توفره لوكستيان من نفس المجموعة ..
كثير يشبه بس هو اقل انتعاش و اخف بس برضو على ليمون .. شريته عشان كان عليه تخفيض ١٤٩ ريال وماآمل انا من الانتعاش ..
فيه عطر حلو بعد بس خلص من عندي من فترة من مجموعة لوكستيان الشرقية فوياج ،، ثقيل و رزين ..
واسعار عطوراتهم كلها ٢٧٠ ريال.
Laura Mercier - creme de pistache
عطر لورا ميرسيه كريم دي بيستاشو ..
ماقدرت احبه .. ثقيل .. ماعرفت له .. وصارلي سنة شاريته وماوصل للنص!
شريته لاني كنت ابي شي من لورا ميرسيه ولتتغيير ،، الروايح على المزاج .. بس اغلب مزاجي ما جازله ..
وهذي هي عطوري .. طبعاً ما انسى دهن العود .. اشتريه من آجمل .. حلو وقت المناسبات الكبيرة مع رشة من شانيل ..
ايه الهنا والجمال ده .. :)
Subscribe to our mailing list
وصلت الروايح الجميله من الرياض للخبر امممممممم
ReplyDeleteجمال مابعده جمااااااال.. تتهنين فيهم ياقلبي
بجرب عطر لوكستيان اللي ع نظافه لاني احبها
شكرا يازين كله هيونتي الحبيبه <3
ربي يسعدك قد ماتفرحيني بكلامك
Deleteالله يحفظك هيووووووووووووون
:*
مشكووورة على الموضوع اللي يفتح النفس .. بشتري عطر جديد و بجرب عطوراتك بس ايش رايك بعطر قوتشي قلتي لأني أحبه ..يعني في تقارب بالاذواق والا لا :)
Deleteجمالك روان
Deleteماعرفه عطر قوتشي بس اذا زرت اقرب محل عطور بسأل عنه
يسعدلي هالطلة
:*
مضوع روائحة جمييييلة .. لفت انتباهي عطور بناتك ربي يحفظهم وعطر لوكستيان وشكرا لك يا جميلة
ReplyDeleteالشكر لك جميلتي على وقتك و قرائتك
Delete:*
يا رقه هالبوست و جماله .. كميه ذوق و ترتيب و ريحة جميله
ReplyDeleteفعلاً مثل ماقلتي وصلت لمرحله من العمر خلاص ابي عطر اكبر معاه .. حبيت شانس و حسيته بيكبر معي والله أعلم
نوير مثلك اروح واجي عليه بس شكلي بشتريه قريب
حمستيني على شانيل نمبر ١٩ يا هيا شكلي بجربه *قلوب*
شانيل نمبر فايف يذكرني بوحده قريبه لقلبي بس بعيده عني
شميته قريب و ضاق صدري اشتقت لها
شكرا لك ياهيا على الجمال اللي تصبحت فيه *ورده*
شكراً على كذا كلام ولطف وذوق
Deleteمانحرم يارب
شكراً قد السما
:*
دائما مميزه يا هيا .. و ذوقك راقي
ReplyDeleteيعطيك العافيه
الله يعافيك هادية
Deleteتسلمين من ذوقك شكراً
:*
This comment has been removed by the author.
ReplyDeleteتدوينه جميله عطور بناتك من فين؟!
ReplyDeleteيااااااه انااااقة في هالبوست ما بعدها اناقة ورقي
ReplyDeleteاحب مدونتك هياء .. تحسسني بروقان وهدوووء وجمال
الله على العطور ودي اغرق فيه , وزيك شانيل العشق من سبع سنننين , كلاسيكية ياهيا انت وخياراتك جميلة .... هديل
ReplyDeleteففف احب روقانك هيون وحكيك واسلوبك ولطافتك
ReplyDeleteوالله انتي الانسانه الوحيده اللي لما اقرالك واشوف صورك وتدويناتك وكلامك عن نفسك احسك تحكين عني انا
تقولين اللي بنفسي بالطريقه اللي ماعرف احكيها ولا اوصفها
انتي شي جميل وجالسه تنشرين جمالك علينا
شكرا هيون لانك انتي <3
التصوير حلوووووووووووووووووا ،، ياريت تعلمينا كيف تسوين هالتئثيرات ع الصورة وشو تراعين فتصورج
ReplyDeleteعطور ممتازه وجميله
ReplyDelete