بسم الله الرحمن الرحيم
بعض أشياء ..
الله .. اشتقت والله ..
اشتقت اعبر .. وأفصّل ..
كله من الهوت شوكولاطه!!
حبيت اشارككم اشياء انا احبها .. صغيرة و بسيطة ..
بس بقولكم ليه احبها .. بالتفاصيل ..
بداية من الهوت شوكليت اللي كان ملهم لي .. حسيت ليش ما اكتب عن الاشياء اللي احبها ..
صرت لما احتار وش اكتب عنه احط نفسي مكان من يقرآ .. وأسأل نفسي .. احب انا اقرا كذا .. و طبعاً احب :)
الهوت شوكليت اللي سويته هو من جالكسي ..
كنت احوس في الدانوب ومشتهية حليب بكاكاو ..
مجربة النسكويك ،، وماحب طعم الآوفالتين .. ومابي شي ينضاف له ماء بس أو سريع التحضير!
ابي شي دسم و مخمخة ..
لقيت نوعين من الجالكسي هذا .. واحد بس تضيفين له ماء ويجي بكيس والثاني اللي طحت عليه صدفة ولسه حتى ماصفوه عالرفوف ولا عليه تسعيرة .. غامرت واخذته .. قلت دامي احب كاكاوهم اكيد بحب ذا بعد خاصة انه مكتوب عليه ينضاف له حليب .. ونِعمَ الاختيار ..
ولبناتي لهم نوع غير استخدمه لهم من بيدياشور (كاكاو) .. اذكر جت فترة بناتي (على فترات) وحدة تبطل تاكل .. ولا تتعبني في اكلها .. واروح واشتري البديا شور .. مرة جربت الفانيلا والعسل وماحبوه .. بس الكاكاو اكيد ..
وفعاليته من جد يفتح الشهية .. خاصة بعد فترات المرض وكيف قِل الاكل .. بس هذا بعد الفطور .. ياسلام .. الحمدلله ..
فيه معلومة قريتها من فترة ولسه عالقة في راسي .. ان اعطاء الحليب اللي بنكهات (طويل الآجل) فراولة / موز / فانيلا ، يشبع الطفل لمدة ٦ ساعات!!! تخيلوو .. اذكرها صارت مع بنتي الكبيره وتعبتني وطلع كله من هالشي .. ووقفته عنها ورجعت لطبيعتها .. ومن يومها مايدخل البيت ابداً ..
صديقتي لهالآسبوع كانت هالزهور البيضاء الصغيرة ..
تعطي جمال وجو عجيب .. مريح للنفسية .. مهم عندي ارتب حولي واحاول اضيف اشياء تعطيني احساس ..
وتلهمني .. معاها كان إلهامي فيّاض ..
ــــــــــــــــ
لما اروح السوق .. فيه محلات هي اللي تخليني اروح عشانهم واتحمس ..
مثل زارا هوم و بوتري و دبنهامز ..
يعني ما آمِل ابداً .. ممكن ادخل واطلع وانا معي صحن .. ولا قطعة زينه ولا ديكور وانا في قمة السعادة!
عندي تقدير لهالاشياء مع ان اللي حولي مو فاهمين السر .. بس انا اعرف وافهم و اقدر هههه ..
مع اني والمطبخ مو صُحبة .. بس الصحون!! الآكواب!! احب اجمعهم ..
قطع فنية .. ماتستهويني الطقوم .. كذا شي ، حبة من كل نوع ويكون في عيني له معنى ..
يعني انا فاهمة على النساء الكبيرات كيف يحبون المواعين .. انا احبها كتحف انتيك وقطعة فنية اعطيها قصة!
قبل ما اشتري الشي اقعد اتخيله عندي وكيف استخدمه .. غالباً يعجبني من النظرة الآولى ..
ويكون حصولي عليه مسآلة وقت .. زين جت على صحن و كوب .. الحمدلله .. :)
كل التفاصيل السابقة شفتوها بصور ولسه بتشوفوها ..
ألقاكم في مواضيع قادمة :)
مع السلامة :*
Subscribe to our mailing list
يويو التدوينة جميلةةةة
ReplyDeleteاللي جلطني علب الحليب طويل الاجل :'(وانا اقول ليش ولدي متعبني
وابشرك لسئ جايبة كمية من الحليب دا‹\3
الله يعينك تشربيه ولا تعطيه احد كبير
Deleteيسلم لي مرورك
:*
يوووه التدوينه جمييلة جدا .. عحبتني الزهور البيضاء انتي انسانة جميلة وكل صورة اشوفها لها تفاصيل اجمل ومبهجة .. اخ ما اعرف اعبر بس من جد انتي اول مدونة اهتم لها كثير
ReplyDeleteيسلم لي عطرك
Delete:*
حبيتك اكثر وحبيت الأشياء اللي تحبيه دايم تعطي لصورك حياة نادر القى احد يسويها تحكي قصة جميلة عفويتك وطيبة قلبك من اجمل الأشياء فيك ربي يديم عليك السعادة وننتظر هاليوم كل أسبوع علشان مواضيعك الجميلة😍❤❤
ReplyDeleteيارب لا تحرمني منك
Deleteراقيه و اميره بمعنى الكلمة
زدتِ الصفحة جمال
:*
تدوينه بسيطه جميله رايقه و ذوق 👍
ReplyDeleteشكراً جزيلاً
Deleteمن ذوقك جميلتي
Those little details make all the difference ♥
ReplyDeleteأستمتع جداً بمتابعتك .. صورك وتدويناتك واختياراتك تعطي انطباع راقي ومريح وجميل ..
كل التوفيق ♥♥♥
Those little details make all the difference ♥
ReplyDeleteأستمتع جداً بمتابعتك .. صورك وتدويناتك واختياراتك تعطي انطباع راقي ومريح وجميل ..
كل التوفيق ♥♥♥
شكراً نهى
Deleteالرقي منك و فيك
وتشوفين كل شي بعين قلبك جميلتي
شكراً جزيلاً
شرفتيني بكلامك
اعجبك :)
ReplyDeleteكم انتي رائعه ، انسانه بمعنى الكلمه
ReplyDeleteاحب جووك الرايق
ربي يسعدك حنان
Deleteشكراً آلف شكر
:*
مره حلوو الموضوع بسيط ومفيد جداً
ReplyDeleteواهم شي الشولولاته :)
بروح الدانوب عشانه
:xx
عليك بالعافية مقدماً يا ألبي
Delete:*
دخلت جووو معك ❤️❤️
ReplyDeleteيسعدلي جوك :)
Deleteكثير احب ادخل مدونتك واتابعك
ReplyDeleteلك طابع خاص ولنا احساس جميل بقراءة ومتابعة تدويناتك
ما شاء الله الله يحفظك
بالتوفيق لكي
http://l-s-beauty.blogspot.com/
الله يسلمك كلك ذوق ولطف
Delete:)
الله يسعدك وش كثر تنحبين 💞 .. وفيها حاجه حابه أوضحها لك اذا كنتي مدمنة هوت شوكليت نفسي 🙊 اشتري من موقع آي هيرب تكون عضويه ومفيدة بنفس الوقت لذيذه ووبس استمري الله يرضى عليك 💞
ReplyDelete