مدونة هيا أدون ، اكتب و اُصور

بعض أشياء ، احبها | Few Things

بسم الله الرحمن الرحيم






بعض أشياء ..
الله .. اشتقت والله ..
اشتقت اعبر .. وأفصّل ..

كله من الهوت شوكولاطه!!
حبيت اشارككم اشياء انا احبها .. صغيرة و بسيطة ..
بس بقولكم ليه احبها .. بالتفاصيل ..

بداية من الهوت شوكليت اللي كان ملهم لي .. حسيت ليش ما اكتب عن الاشياء اللي احبها .. 
صرت لما احتار وش اكتب عنه احط نفسي مكان من يقرآ .. وأسأل نفسي .. احب انا اقرا كذا .. و طبعاً احب :)





الهوت شوكليت اللي سويته هو من جالكسي ..
كنت احوس في الدانوب ومشتهية حليب بكاكاو .. 
مجربة النسكويك ،، وماحب طعم الآوفالتين .. ومابي شي ينضاف له ماء بس أو سريع التحضير!
ابي شي دسم و مخمخة ..
لقيت نوعين من الجالكسي هذا .. واحد بس تضيفين له ماء ويجي بكيس والثاني اللي طحت عليه صدفة ولسه حتى ماصفوه عالرفوف ولا عليه تسعيرة .. غامرت واخذته .. قلت دامي احب كاكاوهم اكيد بحب ذا بعد خاصة انه مكتوب عليه ينضاف له حليب .. ونِعمَ الاختيار .. 






ولبناتي لهم نوع غير استخدمه لهم من بيدياشور (كاكاو) .. اذكر جت فترة بناتي (على فترات) وحدة تبطل تاكل .. ولا تتعبني في اكلها .. واروح واشتري البديا شور .. مرة جربت الفانيلا والعسل وماحبوه .. بس الكاكاو اكيد ..
وفعاليته من جد يفتح الشهية .. خاصة بعد فترات المرض وكيف قِل الاكل .. بس هذا بعد الفطور .. ياسلام .. الحمدلله ..
فيه معلومة قريتها من فترة ولسه عالقة في راسي .. ان اعطاء الحليب اللي بنكهات (طويل الآجل) فراولة / موز / فانيلا ، يشبع الطفل لمدة ٦ ساعات!!! تخيلوو .. اذكرها صارت مع بنتي الكبيره وتعبتني وطلع كله من هالشي .. ووقفته عنها ورجعت لطبيعتها .. ومن يومها مايدخل البيت ابداً ..




صديقتي لهالآسبوع كانت هالزهور البيضاء الصغيرة ..
مرافقتني في كل صورة ،، هنا و هنا :)

تعطي جمال وجو عجيب .. مريح للنفسية .. مهم عندي ارتب حولي واحاول اضيف اشياء تعطيني احساس ..
وتلهمني .. معاها كان إلهامي فيّاض .. 



ــــــــــــــــ

لما اروح السوق .. فيه محلات هي اللي تخليني اروح عشانهم واتحمس ..
مثل زارا هوم و بوتري و دبنهامز ..
يعني ما آمِل ابداً .. ممكن ادخل واطلع وانا معي صحن .. ولا قطعة زينه ولا ديكور وانا في قمة السعادة!
عندي تقدير لهالاشياء مع ان اللي حولي مو فاهمين السر .. بس انا اعرف وافهم و اقدر هههه ..




مع اني والمطبخ مو صُحبة .. بس الصحون!! الآكواب!! احب اجمعهم ..
قطع فنية .. ماتستهويني الطقوم .. كذا شي ، حبة من كل نوع ويكون في عيني له معنى .. 
يعني انا فاهمة على النساء الكبيرات كيف يحبون المواعين .. انا احبها كتحف انتيك وقطعة فنية اعطيها قصة!
قبل ما اشتري الشي اقعد اتخيله عندي وكيف استخدمه .. غالباً يعجبني من النظرة الآولى ..
ويكون حصولي عليه مسآلة وقت .. زين جت على صحن و كوب .. الحمدلله .. :)




كل التفاصيل السابقة شفتوها بصور ولسه بتشوفوها ..





ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





22 comments

  1. يويو التدوينة جميلةةةة
    اللي جلطني علب الحليب طويل الاجل :'(وانا اقول ليش ولدي متعبني
    وابشرك لسئ جايبة كمية من الحليب دا‹\3

    ReplyDelete
    Replies
    1. الله يعينك تشربيه ولا تعطيه احد كبير
      يسلم لي مرورك
      :*

      Delete
  2. يوووه التدوينه جمييلة جدا .. عحبتني الزهور البيضاء انتي انسانة جميلة وكل صورة اشوفها لها تفاصيل اجمل ومبهجة .. اخ ما اعرف اعبر بس من جد انتي اول مدونة اهتم لها كثير

    ReplyDelete
  3. حبيتك اكثر وحبيت الأشياء اللي تحبيه دايم تعطي لصورك حياة نادر القى احد يسويها تحكي قصة جميلة عفويتك وطيبة قلبك من اجمل الأشياء فيك ربي يديم عليك السعادة وننتظر هاليوم كل أسبوع علشان مواضيعك الجميلة😍❤❤

    ReplyDelete
    Replies
    1. يارب لا تحرمني منك
      راقيه و اميره بمعنى الكلمة
      زدتِ الصفحة جمال
      :*

      Delete
  4. تدوينه بسيطه جميله رايقه و ذوق 👍

    ReplyDelete
    Replies
    1. شكراً جزيلاً
      من ذوقك جميلتي

      Delete
  5. انتي فتاه ذيبه وسنعه

    ReplyDelete
  6. Those little details make all the difference ♥
    أستمتع جداً بمتابعتك .. صورك وتدويناتك واختياراتك تعطي انطباع راقي ومريح وجميل ..
    كل التوفيق ♥♥♥

    ReplyDelete
  7. Those little details make all the difference ♥
    أستمتع جداً بمتابعتك .. صورك وتدويناتك واختياراتك تعطي انطباع راقي ومريح وجميل ..
    كل التوفيق ♥♥♥

    ReplyDelete
    Replies
    1. شكراً نهى
      الرقي منك و فيك
      وتشوفين كل شي بعين قلبك جميلتي
      شكراً جزيلاً
      شرفتيني بكلامك

      Delete
  8. كم انتي رائعه ، انسانه بمعنى الكلمه
    احب جووك الرايق

    ReplyDelete
    Replies
    1. ربي يسعدك حنان
      شكراً آلف شكر
      :*

      Delete
  9. مره حلوو الموضوع بسيط ومفيد جداً
    واهم شي الشولولاته :)
    بروح الدانوب عشانه
    :xx

    ReplyDelete
    Replies
    1. عليك بالعافية مقدماً يا ألبي
      :*

      Delete
  10. دخلت جووو معك ❤️❤️

    ReplyDelete
  11. كثير احب ادخل مدونتك واتابعك
    لك طابع خاص ولنا احساس جميل بقراءة ومتابعة تدويناتك
    ما شاء الله الله يحفظك
    بالتوفيق لكي
    http://l-s-beauty.blogspot.com/

    ReplyDelete
    Replies
    1. الله يسلمك كلك ذوق ولطف
      :)

      Delete
  12. الله يسعدك وش كثر تنحبين 💞 .. وفيها حاجه حابه أوضحها لك اذا كنتي مدمنة هوت شوكليت نفسي 🙊 اشتري من موقع آي هيرب تكون عضويه ومفيدة بنفس الوقت لذيذه ووبس استمري الله يرضى عليك 💞

    ReplyDelete