مدونة هيا أدون ، اكتب و اُصور

آساس دبل وير من ايستي لودر

بسم الله الرحمن الرحيم







و آخيراً .. ريفيو عن اساس دبل وير من ايستي لودر .. نبدأ .. 


وصف المنتج : من موقع ايستي لودر*
ثبات لمدة ١٥ ساعة ، تغطية كاملة طوال اليوم بشكل طبيعي و نَضر حتى خلال الآجواء الحارة و الرطوبة وانتي في نشاط مستمر ..
لن يتغير لون الآساس على البشرة او يتلطخ / يبقع على الملابس.
خفيف و مريح على البشرة.
المنظر المتكامل لبشرتك و الذي ترينه في الصباح هو الذي سيبقى طوال اليوم.


رأيي :

مناسب لـِ : البشرة الدهنية و المختلطة (الجافة ممكن ان يسبب ظهور قشور لو كانت شديدة الجفاف)
التغطية : كاملة
النهاية : مطفي
عمله : يوحد لون البشرة بحيث يخفي اثار الحبوب والتلون
التوزيع : فرشة الآساس (الستيبلينق او البفينق برش) او اسفنجة التوزيع - لا آفضل الآصابع لانه ممكن يكون طبقات ويطلع غير متناسق

نسولف :

مع قصة الحب اللي اعيشها مع منتجات ايستي لودر الا اني ماعرف السبب الحقيقي اللي ماخلاني افكر في اني استخدم هذا الاساس من قبل على الرغم من سمعته في التغطية وشكله الجميل على البشرة. في يوم من الآيام شفت اختي في العيد وكانت بشرتها بشكل اقدر اوصفها (فوتوشوب) يعني انا عارفة بشرتها عالطبيعة و مع اساسات ثانية و كنت متأكدة ان فيه شي جديد استخدمته هالمرّة .. سألتها وكانت اجابتها دبل وير! من يومها قررت اجرب هالجميل وفي اقرب زيارة لكاونتر ايستي لودر مارحت كالعادة ووقفت عند منتجات العناية ، رحت سيدا للتجميل والآساس .. درجات كثيرة و متقاربة شي يحيّر مثل كل مرة تختارين فيها تجربة آساس جديد .. حطيت عيني على درجة وفي زيارتي لمحل ثاني يوفر منتجات ايستي لودر البائعة هناك نصحتني اجرب درجة و جربته عندها وكان لونه طبيعي مو فاتح ولا غامق .. وتوكلت على الله و آخذته .. 
في استخدامي الأول لدبل وير زعلت نتفة لان الدرجة غمقتني بدرجتين عالآقل!! بس كملت توزيع الآساس وفي نهاية المكياج حبيت الشكل و درجة اللون اللي عطاني اياه .. يعني اول ماحطيته كان غامق ومع الوقت تشربته بشرتي وصار كآنه لونها الآساسي ،، اعتقة اني محظوظة كفاية ان المنتج تآكسد بشكل جميل (تآكسد يعني ممكن يكون لون ثاني بعد توزيعه عالبشرة وتعرضه للهواء) ..
في استخدامي له في المرة الآولى ولما جا وقت التنظيف للبشرة اعتمدت الطريقة الاعتيادية لإزالة المكياج (حليب منظف - تونر) وثاني يوم بدت تظهر لي حبوب (او عالاقل من ثالث يوم) وعرفت انه منه بسبب انه ثقيل و يحتاج تنظيف للبشرة اكثر وبقايا المنتج اللي ماراحت سدت المسامات (في الذقن و الجبهة و حول الأنف) وظهرت الحبوب. 
في استخدامي الثاني بعد فترة و الحبوب راحت ،، استخدمت الآساس عند ازالته اتبعت نفس الطريقة السابقة (حليب منظف - تونر) وتبعته بالغسول .. وما ظهرت لي اي مشاكل في تكون الحبوب ..
تغطية الدبل وير كاملة بالنسبة لي ماحتجت معها استخدم آي كونسيلر لآثار التلون عالوجه .. استخدمت فقط ستوديو فينيش كونسيلر من ماك لإضاءة ماتحت العين .. 
في الآساسات السابقة في نص المناسبة اول مكان يبدا يدهن ويروح منه الآساس هو الأنف، معه مالاحظت هالشي وفوق هذا انا عندي مشكلة الرؤوس السوداء عالأنف وغطاها بشكل كامل كأنه ماعندي هالمشكلة حتـى مع الوقت مابينت او راحت منها التغطية. لو كانت منطقة الانف تدهن عندك بشكل كبير ممكن تثبتينه او تعيدين عليه باستخدام البودرة اللي تمتص الدهون لإخفااء اللمعة الدهنية بس اذا احتجتي ..
آساس دبل وير من ايستي لودر بجد يستحق التجربة وبالنسبة لي افضل آساس لاي مناسبة او حتى اذا حابة تغطية متكاملة في حال فقط اخترتي الطريقة المناسبة لإزالته بشكل مناسب.





تجربتي في نقاط :

- قوامه شبه سائل
- العلبة زجاجية بسعة ٣٠ مل
- مافيه ضغاط وهو العيب الوحيد ، يعني ممكن يطلع لك اكثر من الحاجة
- درجتي في الآساس (الغامقة اللي اعجبتني) هي 3c2 PEBBLE
- الكمية الزائدة عن الحاجة ممكن تظهر بشكل طبقات
- عند توزيعه يفضل السرعة لانه ينشف
- استخدم فرشة ١٨٧ من ماك (الستيبلينق برش) في توزيعه بحيث احط كمية على ظهر يدي واخذ من المنتج على الفرشة وابدا في توزيعه على البشرة
- استخدمته لمدة ٩ ساعات ولا آجمل 
- مايبقع على الملابس ولا حتى له اثر عالنقاب هههه
- سعره ٢٣٠ ريال 
- منتجات ايستي لودر متوفرة في : دبنهامز - وجوه - فافافوم - باريس قاليري


الختام .. حبيته ، اعتقد اني ممكن استخدمه في النهار باستخدام فرشة ماك اللي ذكرت لمظهر طبيعي وخفيف بس للحين مارسيت اذا باخذ نفس الدرجة لما يخلص او درجة افتح .. في كل الآحول منتج جميل جميل هذا وانا ماحب شي يغمقني نص درجة بس الحب ههههه ..







ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





31 comments

  1. يعطيك العافيه يا هيا ماشاءالله وصفتيه وصف دقيق جداً احب اقرا رأيك لأنك توضحين كل شي ماشاءالله عليك
    هالأساس من زمان حاطته في قائمه الاشياء اللي مخططه اشتريها والحين بعد كلامك عنه صار في راس القائمه :D
    ان شاء الله اجربه قريب
    ويعطييك الف عافيه

    ReplyDelete
    Replies
    1. الله يرفع قدرك نورة
      حبيبتي دايم تفرحيني
      الله يسعدك ويخليك لعين ترجيك
      :*

      Delete
  2. مبدعه ماشاء الله عليك ، وانتي من الناس اللي ماابيها توقف كلام ولا ابي البوست يخلص
    كل شي جربتيه واثقه منه تمام الثقه ، ولي فتره اتردد على هالاساس اخذه او لا واشوفه على البنات ويعجبني جدا
    بس بعد كلامك لازم ولابد من هالحب

    الله يسعدك زي ماتسعدينا كل ثلاثاء

    ReplyDelete
    Replies
    1. قلبي حنان
      يسلملي هالكلام اللي يشرح الخاطر
      ربي يسعدك
      :*

      Delete
  3. كنت حاطة عيني عليه من أول ، بس الان عالسوووق على طول للشراء
    يسعدك ربي مدري ليه احبك
    :D

    ReplyDelete
    Replies
    1. حبيبتي والله
      الله يرفع قدرك
      :*

      Delete
  4. جميل ياجميلة ..
    انا استخدم من فترة اساس دبل وير لايت .. حلو بس مو مرة مرتاحه معاه واستخدم البودرة المضغوطة برضو من ايستي لودر ومرة حلوة ولها قرابة السنة ولا خلصت ..ه ..
    كنت استخدم من جيرلان قبل لايغيروا العلب الاخيرة حسيت حتى المحتوى تغير .. بس راح اجرب الاساس المطفي على تجربتك وان شاء الله يناسبني .. بسألك .. ماتستخدمي باودر بعد الاساس .؟
    ابقي جميلة :) ر ..

    ReplyDelete
    Replies
    1. جمالك اريج
      لا ماستخدم بودرة ماحسيت بحاجة لها بعد الاساس
      ،عندي مثلك البودرة المضغوطة من ايستي لودر وعلى قولك تعمر

      شكراً لمرورك منورتني
      :*

      Delete
  5. أكثر أساس في العالم سمعت عليه مدح
    بالمناسبة شفت يوتيوبر تخلطه مع مرطب و تقول انه يصير زي التنتيد مستورايز و يصير حلو للأيام العادية كتغطية خفيفة
    يعطيط العافية هيا

    ReplyDelete
    Replies
    1. جميلة الفكرة
      ربي يعافيك
      :*

      Delete
  6. تسسسسلمين حبيبتي هيونتي ع الريفيو الجميل وان شاءالله باقرب روحه للسوق اشتريه مششششكوره يالغلا

    ReplyDelete
  7. مشكوره و كالعاده اي شي منك لازم يكون حلو

    ReplyDelete
  8. مشكوره على هالريفيو الحميل الي ماكنت ابيه ينتهي،،،،
    الله يحفظك ياهيااا رائعه بكل ماتعنيه الكلمه،،،

    الدرجه هذي تناسب الحنطيه الي على صفار ولالا؟؟ووش اسمها مالها رقم محدد

    بيني وبينك ودي فيه وخايفه منه عشان الحبوب ووحمستيني لماقلتي انه اخفئ مسام الانف ؟؟؟
    طريقه ازالتك للمنتج بحليب وتونر وبس والابعدها تغسلي وجهم بغسول؟؟؟
    الله يسعدك يارب

    ReplyDelete
    Replies
    1. اغسل بعد الحليب والتونر بالغسول
      بس الحين صرت امسح كامل الوجه وبنفس منظف العين وبعده الحليب والتونر ويغنييني عن الغسول
      وينظف البشرة بشكل مايبقى للاساس اثر
      والدرجات متنوعه فيها فرق بسيط
      جزبي عند كاونتر ايستي لودر وشوفي الفرق

      يسلملي قلبك حبيبتي سام شكراً
      :*

      Delete
  9. يعطيك العافيه على هالريفيو
    انا شريته بس لسه ماجربته
    فكرت اجربه بالجامعه بس اخاف يطلع مظهره اوفر انتي شرايك؟

    ReplyDelete
    Replies
    1. ممكن اذا استخدمتيه بفرشة الستيبلينق
      بس لكل يوم مانصح هو ثقيل شوي

      Delete
  10. يابختك يختي كل اغراضك ماركات وتهبل

    ReplyDelete
  11. الله يسعدك يارب يا هيوو ابسألك وش السبب الي يخلي شكلي بالمكياج كأنه مطحن. يعني كأنه طحين هل هو من الاساس والا ايش؟؟

    ReplyDelete
    Replies
    1. يكون بودرة زايدة او بشرة جافة .. استخدمي بعد ماتخلصين بخاخ ماك فيكس بلس
      يمتص كل البودرة الزايدة ويخلي مكياجك قطعة وحدة يللق
      :)

      Delete
  12. آندهشت من سعره لأني اخذه بـ ٣٥ $ يعني ١٣٠ ريال بس !!

    ReplyDelete
    Replies
    1. فرق بين الاسعار هنا والطلب من النت او من الستور برا
      :(

      Delete
  13. Hi,
    I’m Rita Moudar , Project manager at Buzzeff Middle East,
    we are a social advertising platform and we are looking for bloggers who can participate to our clients campaign by seeding videos or publishing sponsored articles ,
    we pay 300 $ for 10,000 views and 100$ per article
    please contact me if you are interested and want more details,
    thank you,
    Website: http://www.buzzeff.com my email rita.moudar@buzzeff.com

    Rita Moudar
    Project Manager
    Mobile: +212 665340758
    Fixe: +212 522 232 840
    www.buzzeff.com

    ReplyDelete
  14. السلام عليكم ياجميلتي😍
    اول حاجة ترا منجد منجد انا مرا احبك ومرا احب مدونتك ، ومن كتر ماحبها رحت حكيت كل صحباتي عنها وسارو هما كمان يتابعوكي😂
    المهم مابا اطول عليكي ، انا منجد احتاج تساعديني لو سمحتي
    عندي مشكلة اني مرا احتار ومعرف اختار ولما اقعد اقرا في مدونتك احتار زيادة ، اشوف اشياء كتير حلوة وماعرف ايش اختار
    ولما جيت اكتب لست بالاشياء الي اباها طلعت ورقتين اي فور🙆
    المهم ، انا بشرتي مختلطة التي زون دهني خاصة عند خشمي واحس لون خشمي غير عن بقية وجهي! رايح على حمار 😂😑
    وعندي الحبوب البيضا على خديني *طلعتلي من الشمع والفتلة*:( بس اني بستخدم كريم بيودرما مصحح لمشاكل البشرة ولاحظت انها بدأت تخف الحمدلله وطبعا بعد ماتابعتك ابدا ماسرت اهمل بشرتي وطول الوقت ارطبها .. امم وكمان عندي هالات *بستعمل كريم برضو والحمدلله خفت بس بقي شويا برضو*
    وعمري ١٨
    مشكلتي اول حاجة مع الفاونديشن : منجد مع كمية المارات الي تتكلمي عنها سرت احتار مني عارفة اخد من اي ماركة ، في البداية كنت حاطة في بالي ايستي لودر شويا شفت حق شانيل وعجبني وكمان حق ماك! امم دا بالنسبة لماركات الهاي اند واللي حيكون لعزايم وكدا طبعا😂
    ابا كمان حاجة يكون سعرها معقول ويكون يومي وتغطيتو كويسة ويعطيني لوك النو مايك اب ، عشان عارفة انا في مدرسة ومابا شكلي يطلع اوفر من داك الصباح
    تاني مشكلة مع الكونسيلر : اوكي انا اتخذت قراري اني ابا حق ماك الي اتكلمتي عنو ، بس بعدين شفت وحدة في اليوتيوب تستعمل الكونسيلر الملون *الي يجي اخضر واصفر ومدري ايش كمان وكل لون يغطي عيب معين* يارب تكوني فهمتيه
    امم ايش رايك ايت يناسبني اكتر؟
    وبالنسبة لعيني ، احتاج اشتريلها كونسيلر خاص بيها ولا نفسو حق وجهي!
    وادري انو اساس المكياج الصح ، الفرش الصح .. عشان كدا ابا اشتري فرش كويسة وتقعد معايا فترة بس ياليت ماتكون غالية مرا زي حقت ماك:( ايش تنصحيني؟
    معليش طولت عليكي بس زي منتي شايفة انا لسا صغيرة ودوبي حبيت المكياج ونفسي اتعلمو واسير زيك والله *ماشاءالله عليكي*:(
    ابا أأسس نفسي واشتري مكياج من الاف للياء ، عشان كدا ممكن تساعديني وتقوليلي ايش اهم الاشياء الي احتاج اشتريها؟
    كل ما اجي ابا اروح ابطل ، اخاف اروح اتوهق ومادري ايش اشتري ومايا احد يضحك عليا واشتري شي ماحتاجو ، ابا اروح واخد الاشياء الي اباها واحتاجها واخرج
    امم وعادي لو من الدرقستور في اشياء كويسة ممكن تقوليلي عليها؟ عشان انا بابا يشتريلي وحقيقي هوا مابيحرمني من حاجة بس مابا اتقل عليه عشان لا احس اني انانية:(
    امم وبس خلاص والله مرا معليش ادري اني حتعيك بس يارب يارب تشوفي رسالتي وتردي عليها لاني مأخرة روحة السوق الين ماتردي عليا وتقوليلي
    احبك منجد واحب مدونتك والله كل يوم افتح اشوف ازا نزلتي حاجة جديدة ومتابعتك في تويتر وفي كل مكان ، الله يسعدك يارب ويخليلك بناتك الطعمين ويكتبلك اجر بكل كلمة تساعدينا فيها♥️

    ReplyDelete
    Replies
    1. فاونديشن لو حق المناسبات استعملي حقت ماك ، والكونسيلر الي تقولو الوان تحت العين ، دا من كريولان مرة حلو للهالات ، وبالنسبة للفاونيشن حق كل يوم استعملي اللي من الذرق ستور اسمو هيلثي مكس من برجوا تلاقيه فسنتر بوينت مرة حلو للبشرة الدهنية ومرة يغطي وخفيف ع البشرة 💜💜

      Delete
  15. انصحيني ب الفاونديشن للاستخدام اليومي ويخفي العيوب وينفع للجامعة ( بشرتي دهنية (
    الله يسعدك وجزاك الله خير ����

    ReplyDelete
  16. عندي منه بططططططططططططططططططل

    ReplyDelete