مدونة هيا أدون ، اكتب و اُصور

مسكارا شانيل لي فوليوم Le Volume De CHANEL

بسم الله الرحمن الرحيم








وصف المنتج :

هذه الماسكارا عالية الدقة تعطي الحجم ولون بشكل مكثف في تطبيق واحد. تركبيتها المبتكرة تعطي توزيع للرموش الى اقصى حد. فرشاة 'رقاقات الثلج' حصرية جديدة تجمع بين الشعيرات الطويلة والقصيرة تعطيك التأثير الجميل لفتح العين.





تجربتي :

بما اني في الفترة الأخيرة صرت اغير عن المسكارات السوداء بالبني، شفت هالدرجة من ماسكارات شانيل المجموعة الجديدة ولفتت انتباهي كثيرر .. في الحقيقة المسكارا حلوة متأكدة ان الكثير من اللي استخدموها عجبتهم وأعطتهم نتائج مُرضية بس بالنسبة لي تجربتي مختلفة.

تحديث بتاريخ 08-01-2014 :
(( جربت المسكارا بعد مامرت فترة من استخدامي لها واللي صار مثل ماهو مذكور تحت.. استخدمتها وما سببت لي اي شي .. يمكن بسبب ان عيوني كانت حساسة في تلك الفترة بسبب العدسات وكانت متهيجة اساساً او ان المسكارا ماتناسب اللي يلبسون عدسات لأني وقفت لبس العدسات من تراي كولور وهي كانت لـِ مرة .. المسكارا خفيفة ماتعطي كثافة هائلة بس حلوة.. لونها حلو .. وتغيير ... )) انتهى التحديث :)

ماعجبني :
المنتج واستخدامي له ماعطاني الفوليوم اللي على اسمه (كثافة) كثير يمكن طول اكثر
الفرشة شعراتها قصيرة فتحتاج تنتبهين وانتي تحطين منها على رموشك!
اللون البنفسجي بعد ماينشف مايصير واضح الا تحت الشمس والإضاءة القوية ولا من بعيد مايلفت انه لون بنفسجي
الاحساس بسيولة المنتج على رموشي وممكن يلصق الرموش مع بعض واحتاج اوقات فرشة نظيفة للتفريقهم

حتى مع النقاط اللي فوق المسكارا برضو عجبتني وحلوة وثباتها عاالي.. بس ماناسبتني !! ليه!
أول مرة في استخدامي لها حطيتها مع عدسات تراي كولور، وكلهم للمرة الأولى استخدمهم. في اخر اليوم بدت عيوني تلتهب وتحرقني .. في البداية قلت يمكن من الغبار وشلت العدسات .. وبقت عيوني تحرقني وتدمع كثير ..
قلت العلة في العدسات .. وبعد يومين استخدمت العدسات ونفس الحكاية .. بالاخير استقريت ان العدسات مدة استخدامي لها لازم ماتتعدى الساعتين لان تراي كولور ماناسبت عيوني ..

طيب .. في المرات الثانية .. بعد ماعيوني خف اللي فيها، رجعت واستخدمت المسكارا مع كحلي الإعتيادي .. وعلى اخر الليل بدت عيوني تدمع وتحرقني .. مو من مرة ثنتين او ثلاث مرات من استخدامي لها حصل نفس الموقف!
وحتى لما تبداا عيوني تدمع واروح واشيل ممكياج عيوني .. تستمر الحالة وأنام واقوم ثاني يوم وألقي كأن العين كانت تفرز سوايل او شي .. وفي هالحالة مع الاحمرار استخدمت قطرات العين للاستخدام الواحد مرتين في اليوم وتحسنت.


التجربة شخصية .. ويمكن اعطيها فرصة هالمسكارا بس اكون مستعدة ان عيوني تتحسس .. هي حلوة بس قصتي معاها قصة!



أماكن البيع: ستاند شانيل في وجوه - سيفورا - دبنهامز - فافافوم
السعر: 170 رياال








  Haya's Blog on Twitter  Haya's Blog on IG 

2 comments

  1. هذي المسكره جربتها سامبل عجبتني مره حتى خالاتي يحسبوني لابسه رموش صناعيه ههههه انشاء الله بشتريها الفول سايز

    ReplyDelete
    Replies
    1. ماشاء الله حلوووو
      انا المشكلة اني حبيتها مرة بس شنسوي ههههه

      تتهني
      :X

      Delete