مشتريات دبي والخبر Dubai * Khobar

بسم الله الرحمن الرحيم

مشترياتي في الفترة الأخيرة من دبي والخبر .. نزل بعضها في الانستقرام .. ومواضيع جاية للسواتشات وكذا! 

دبي : دبي مول - بلومينغديلز ||  Bloomingdales - Dubai Mall

لورا ميرسييه || Laura Mercier

من لورا ميرسييه كنت ابي اشتري كل شي .. في المرات اللي فاتت كنت اروح وأوقف ولا ادري وش أخذ!! بس هالمرة رحت وانا مسوية الواجب p: .. جيت ابجرب السيلك كريم فاونديشن، بس للأسف ماحصلت درجتي إما فاتحة درجة او غامقة درجة وجت من الله هههه.. فاخترت شي احتاجه ومو عندي واللي هو البرايمر الخالي من الدهون ..

Laura Mercier | Foundation Primer - Oil Free

لورا ميرسييه مشهورة بالبرايمرز .. عندهم انواع لجميع البشرات.. اخترت الخالي من الزيوت عشان بشرتي مختلطة ومايلة للدهنية خاصة الحين والصيف. جربته مرات قليلة بس لاحظت عليه ينشف بسرعة وينّشف البشرة من الدهون .. 

سعره: 127 درهم

Laura Mercier | Almond Coconut milk Body Butter

الحاجة الجميلة .. زبدة للجسم باللوز وجوز الهند. كنت ابي الحجم الكبير بس مخلص .. طبعاً في الروايح الناس أذواق .. 

لمااحط منه لازم انسأل !! فيه ريحة حلاوة!! وش عطرك :)) قوامه ثقيل وغني وتمتصه البشرة بسرعه واقل كمية تكفي ..

سعره: 148 درهم

Laura Mercier | Creme de Pistache body creme - Perfume

ولأني ابي شي بالحجم الكبير .. فيه من ضمن المجموعة للعناية بالجسم من لورا ميرسييه عدة أنواع .. وانا ماحب الفانيلا ولا اللي يجي على لافندر ههههه .. بقى لي البيستاشا !! شي غريب !! ياتحبين يا تكرهين .. مو ذوقي بس حبيت غرابته .. واشتريت العطر حقه ..

الكريم قوامه اخف من الزبدة.. غني ويكفيك كمية قليلة.. والعطر مع الكريم مع رشة من شانيل يعطي رائحة جميلة!!

سعر الكريم: 232 درهم 

سعر العطر: 211 درهم

كتاكيت p;

روجين من ماك .. عاليمين شاتر بوكس من زمان كنت ابيه بس قلت يبغاله مزاج .. لونه وردي واساسه ازرق .. يجيب الفرح..

واللي عاليسار تويق .. لونه نيود طبيعي وردي على بيج .. كريمي متماسك بس مو مات!! اوقات لما احطه احسه مات بس هولا!

سعره للروج: 95 درهم

MAC Brow Due Burnette

وانا هناك!! قلت مو معقولة ماعندهم اختراع للحواجب بطقم صغير!! رحت لفرعهم ابي ادور باليت تعبية بس للونين ويوم قلت للبائعة ابيه للحواجب قالت تونا منزلين طقم الحواجب ومنها البودرة (شدو) اللي كانت ببالي .. كان فيه 3 درجات واللي تناسبني خالصة من جميع الفروع .. طحت على فرع الديرة ولقيته :)

سعره: 152 درهم

MAC - Bit Wit Cremeblend Blush

بلشر كريمي .. لونه وردي هادي جداً وطبيعي .. دورته في السعودية وطبعاً خالص! تنسين انك حاطة شي! ناعم جداً ..

السعر: 115 درهم

MAC - Dipdown Fluideline 

احب الايلاينر مررة وانا اساساً ماحط كحل اسود بس بني! فقلت ليه ماخذ ايلاينر بني لشكل طبيعي اكثر ..

سعره: 100 درهم

ذكرتهم بالتفصيل في :

Nailploish: MAC - Illamasqua- Essie | مناكيرات: ماك - إيلاماسكا - إيسي

Illamasqua Brush (Contour)

فرشة أيلاماسكا من مجموعتهم الجديدة .. تنفع للكونتور .. جميلة .. شفتها عالنت وهو أول شي شفته لفتني من هالماركة وشكلها حلووو وبما أني احب الفرش قلت لازم تكون عندي :)

متوفرة في محلات إيلاماسكا في دبي مول - ميردف سيتي سنتر
سعره: 170 درهم

Givenchy - Noir Couture | brown 4 in 1 Mascara

ماسكارا من جيفنشي .. لون بني .. جميلة وطبيعية! اربعة في واحد .. تعطي كثافة و طول و تقويس وعناية.

خانتني مسكارا الصفرا من ميبلين وانا هناك! كانت تدبق وتلصق الرموش ببعضها! .. من اول وانا عاجبتني مسكارا جيفنشي الكورة الوحدة .. هالمرة اخترت المسكرا العادية ولونها بني .. 

سعره: 170 درهم

YSL - Lipstick Rouge pur Couture 13

أحب أروح واجي عالشي قبل لا اشتري .. لا راح من بالي خلاص معناته مو مهم .. بس هذا له قصة!

غير الذكريات اللي عطاني اياها الروج من ايف سان لوران ايام ما كنت صغيرة واسرقه من امي واحط قبل ماروح المدرسة!! ريحته نفس ماهي .. واللون عجيب أوورنج صيفي وقوامه كريمه والصبغة فيه عالية.. من تطبيق واحد يكفيك .. أول روج من ايف سان لوران .. :)

سعره: 195 ريال

NYX Lispsticks - Dusty Rose & Heiress

بعد أول روجين من ماركة نيكس .. الوان وردي - زهر متقاربة جداً، مناسبة للنهار والاستخدام اليومي .. قوامها كريمي وماينشف الشفايف ..

سعر الروج : 38 ريال 

منتجات الشعر :

Macadamia Natural OIL - Deep Repair Masque

بعد الصبغة ، شعري بطبيعة الحال اصبح جاف! وهذاالماسك من مجموعة الماكديميا أول تجربة لي من منتجاتهم! وبحق انه رائع! قوامه كثيف وتكفيك كمية قليلة منه يستخدم بالكثير مرتين في الأسبوع بعد الحمام والشامبو تاخذين منه كمية وتوزعين بادية من أطراف شعرك .. انا ما أوصله للجذور وبعد 7 دقايق تغسلينه، رائحته جميلة .. يجي بحجمين اخذت الكبير منه!

سعره: 190 درهم والصغير كان بـ 130 درهم!

Kerastase Shampoo

بتوصية من خبيرة الشعر اللي صبغت لي نصحتني بهالشامبو من كريستس .. لانه يسمح للشعر او لفروة الرأس انها تتنفس .. 

هالشامبواعتبره مُنقي لفروة الراس ويخلص الشعر من الدهون .. 

سعره: 115 ريال

Loreal Extraordinary Oil- Colored Hair

زيت للشعر من لوريال ـ  له عدة استخدامات: منها يمكن يستخدم قبل غسل الشعر بوقت .. وممكن بعد غسله بوضعه على اطراف الشعر للحماية .. فيه منه نوعين .. اللي اخذته للشعر المصبوغ واالشعر العادي يجي لغطاء ذهبي.

قوامه خفيف جداً ومو مثل كريستال مثلاُ (قوامه جل) ورائحته حلوة .. يعطي ترطيب لطيف لأطراف الشعر من غير ماتنفش ولما مااستخدم البلسم .. متوفر في السوبرماركتات والصيدليات.

سعره: 50 ريال

Jose Eber 25mm Curling Iron

الكرلينق أيرون من جوسي ايبر .. المقاس الكبير .. جميل جداً جداً ويعطي معنى وحياة وموديل وشكل للشعر ..

لاحظت انه لما احطه عالكهرب 220 ويحمى يبدا الشعر كنه مو يتقطع بس تسمعين اشياء .. صرت استخدمه على كهرب 110 وتمام التمام .. القلفز اللي يجي معه مو زينة من جد يحمي الايدين من اللسعات .. يحمس الواحد يتزين ..

سعره: 350 درهم

منتجات التان والبشرة:

Guerlain Terracotta Sun Blondes

من قيرلان .. كريم الشمس لاكتساب التان! على كلام البائعة انه راح يكسب البشرة اللون البرونزي عند التعرض للشمس لمدة 15 دقيقة! اناقعدت هالفترة وماتغير اللون .. استمريت لمدة 45 دقيقة تحت الشكس وعطتني لون ذهبي خفيف مو قوي .. اللي يشوف بيعرف ان فيه شي متغير .. انا مو خبرة تان .. لاني اضيع نفسي وما أعرفني لاسمرت ههههه .. اللون اللي عطاني خلاني بهالمرحلة مشهبة .. بس عززته بالمنتج اللي بيجي بعد شوي .. المنتج حلو بس يبيله وقت ..

المنتج يجي بحماية من درجتين 30 و 15 ..

سعره: 270 ريال

Guerlain Terracotta Spray Bronzing Mist

من قيرلان بخاخ برونز بودري .. جربته بعد المنتج السابق وحلوو مرة.. يجي منه درجتين: الدرجه اللي اخذتها وسط Medium لان الثاني حسيتها فاتحة وعلى برتقالي .. طبعاُ لما تجين تبخين على الوجه ترفعين شعرك ووتوزعين بالفرشة على كامل الوجه .. ثباته حلو واستمر من نص النهار لليل ..

سعره: 260 ريال

Banana Boat - Deep Tanning Oil SPF 2

من بنانا بوت زيت التان، يعطي لون في ساعة تحت الشمس واللي يجي على ذهبي! وكل ماطولتي مسك اللون اكثر حلووو مرة ..

من صيدلية بوتس كان عليه عرض تشتري واحد والثاني مجاناً

سعره: 32 درهم

Sally Hansen - Airbrush Legs | Tan Glow

من سالي هانسن , بخاخ الأرجل .. يعطي لون ويجي على عدة درجات .. اخذت التان قلو .. لمعة من غير قليتر ..

محلات ايكونيك ومتوفره الحين سالي هانسن في وجوه

سعره: 75 ريال

Orange Daily Moisturizing Cream

كريم فيتامين سي المرطب .. فوايد فيتامين سي للبشرة واحتوائها على مضادات الأكسدةوبعد انها تعمل على تحفيز الكولاجين في الوجه يخليلني لأدوره .. بعد ماكنت استخدم اللي من GNC .. وصار له فترة مقطوع وفوق فرق السعر (سعره 25 ريال) اخذت اللي بالصورة.. حلو ويعطي نفس النتيجة اللي يعطيني اياها حق GNC .. تمتصه البشرةبسرعةبس اوقات احس بتدبيق .. بس مو مهم دام بعدها نوم!! والصبح نصبح على خدود موردة ووجه فيه اشراق مو شاحب ..

مكان الشراء : بوتس

سعره: 115 ريال 

ولقيته في صيدليات النهدي بـ 110 ريال ..

بكذا خلصت المشتريات .. كل فترةوالثانيةا نزل كذاا غرض في الانستقرام او لما أشتريه ، أو ريفيو بسيط لحاجات خفيفة ..

تابعيني هناك لوحبيتي .. او على تويتر .. و انشاء الله في المواضيع القادمة مراجعات مثل ماذكرت في البداية وسواتشات لهذي المنتجات ..