ماسكارات ميبيلين Maybelline - The Colossal, The Falsies

بسم الله الرحمن الرحيم

المقدمة:

المسكارات أكثر شيئ ممكن يغير في مكياجك ويغير من شكل العين ويعطي شكل جميل .. وهو من اكثر الاشياء بعد اللي بتشترينها لانها تنشف بسرعة او تخلص او تبدأ تتكتل بعد فترة بسيطة من فتحها!

جربت ماسكارات من الماركات الغالية مثل ميك اب فور ايفر ولانكوم هيبنوس.

من فوريفر كانت حلوة وسعرها كان بحدود 100 ريال! بس بعد شهر وشوي من فتحها خلاص تنشف وتتكتل ولازم اشتري جديدة. توقعت انو انا الوحيدة اللي يصير لها هالشي بس حتى خواتي نفس القصة وتركتها وانا جربت منها ثنتين.

المفضلة عندي من اول وولحين هي هيبنوس من لانكوم العادية لان يجي منها دراما و دول ايز الظاهر! بس انا اللي احبها فقط العادية (ومش ووتر بروف) وسعرها 160 ريال غالية على مسكارا بس كانت تعطيني تفريق الرموش والكثافة من غير تكتيل.

Maybelline - Volum' Express The Colossal

ميبيلين - كُلوسل فوليوم إكسبريس مسكارا

وصف المنتج: (ترجمة من موقعهم)

• المنتج مزود بفرشة غنية بالكولاجين ونوعية الفرشة ايضاً تعطيك حجم اكثر بـ 9 مرات من دون ان يتكتل
• امنة عند استخدام العدسات ومجربة طبياً
• قابلة للغسل ومتوفرة بصيغة مضادة للماء

 الإستخدام:

مرري الفرشة من جذور الرمش الى الأعلي (كأنك تمشطين يمين ويسار). لا تدعي الطبقة تجف عند توزيع الطبقة الثانية. كرري العملية حتى تحصلي عل الشكل المطلوب. عند تطبيق اكثر من طبيقة لا تدعيها حتى تجف. يُزال بسهولة بالماء والصابون او بمزيل المكياج.

 تجربـــــــــتي:

في الفترة الاخيرة يوم شفت ان المسكرا استثمنت وبطلت احصل لانكوم في كل مكان وقريت كثير مدح عن مسكارات ميبلين قلت بجرب .. واول وحدة جربتها وللحين هي ميبيلين الصفرا كُلوسل فوليوم إكسبريس (Maybelline - Volum' Express The Colossal) مش ضد الماء (مهم)

سعرها اتوقع بحدود 50! بس انا شريتها ب 30 من محل تجميلي عادي :):)
(فيه انواع صفرا غير - اللي عليها نقشة جلد النمر واللي الكتابة بالأزرق والوان ثانية والريفيو اليوم عن الصفرا بالكتابة البنفسجة نفس الصورة)

في اول استخدامي لها عجبتيني عطتني الكثافة اللي احب (مايهمني تطولها) وماتكتل الرموش ويلصقن ببعض بس طاحت لي كم رمشة بس اوقع من التغيير بس لأن بعدين وقف.

الفرشة فيها شعرها ماسك ومايعور الجفن ويغز بألم. احط طبقة منه على عين وانتقل للثانية واحط طبقة وارجع اعيد على الأولى يعني كل عين حول 3 طبقات (الطبقة الاولى تنشف الا شوي بعدين أحط ثانية ) منها ماينشف المنتج وانا ماخلصته ومنها يعطيني كثافة الرموش الصناعية.

أغناني حرفياً عن مسكرة لانكوم, فرق سعر كبير من 160 الى 30 ريال! يمكن لا صار عندي قرشين زيادة رجعت اشتري لانكوم بس هذي مافرقت معي ابداً وعطتني اللي ابغى وانصح فيها للي تبي كثافة للرمش وتمشيط وثبات صح.

المسكارا الغالية ولا الرخيصة ترا مايبين عليك لا حطيتيها! طريقة وضعك لها هي اللي تفرق. والمسكارات عموماً ياتحبيها ياتكرهيها مثل حبي لهالمسكارا وحب\كره للمسكارا الجاية ههههه.

Maybelline - The Falsies in Black Drama

ميبلين - فولسيز بلاك دراما مسكارا

  وصف المنتج: (ترجمة من موقعهم)

• الفرشة على شكل ملعقة لتصل من الزاوية الى الزاوية الاخرى, ومع تركيبتها الدرامية باللون الاسود تقوم بملء الفراغات.
• رموش باللون الاسود المطفي من الزاوية للزاوية
• لا فراغات بين الرموش من اي زاوية
• امنة عند استخدام العدسات ومجربة طبياً
• قابلة للغسل ومتوفرة بصيغة مضادة للماء

 الإستخدام:

امسكِ الفرشة بحيث تكون الجهة البارزة من فرشة الملعقة باتجاه الرموش وابدأي من الجذور الى اعلى الرمش. كرري العملية حتى تحصلي عل الشكل المطلوب. عند تطبيق اكثر من طبيقة لا تدعيها حتى تجف. يُزال بسهولة بالماء والصابون او بمزيل المكياج.

 تجربـــــــــتي:

حبيت اغير واجرب مسكارا ميبيلين ام دانتيل فولسيز بلاك دراما (The Falsies in Black Drama). 

ممممممم ....

لحد الحين مو راسية على بر معها! ماعرفتلها! الشعر في الفرشة ملصق فماارح تمشط لي الرموش وتفرقهم واحس المنتج في الداخل سايل يعني لما احطها على رموشي احسها مبلله!! وماتنشف بسرعة وتلصق الرموش مع بعض لانك حتى لو بتمشطينها بالفرشة العجيبة الهندل اول العمود اللي ماسك الغطا بالفرشة يلعب مو ثابت (انا موفاهمة ايش الحكمة) وفوق هذا شعر الفرشة لما اوزع المنتج على الرمش ينغز ويألم الجفن كأنه ابره!!!!

جربتها 3 مرات ووللحين نفس كلامي ماتغير .. حاولت احبها واشوف ليه المدح بس عجزت!!

سعرها بعد 50 ريال يمكن وشريتها من نفس المحل ب 30 ريال!

طبعاً ماراح اشتريها مرة ثانية واببقى على حبيبتي الصفرااا :)

تم بحمد الله ..

تحديث:

في اخر مسكارا شريتها (ثالث علبة من الصفراء) واجهت نفس المشكلة اللي كانت معي مع المسكارا الفوشية بالدانتيل. المنتج يكون سايل بزيادة بالنسبة لي وياخذ وقت على بال ماينشف اكثر من اللزم لمسكارا. مادري العلة في المحل اللي شريته منها (مع انه نفس المحل في المرات السابقة) ولا بالحظ ..