مشتريات ايستي لودر وشانيل وماك وشوياات

بسم الله الرحمن الرحيم

مشتريات في الفترة الأخيرة مقسمة على فترات طول الشهر اللي فات ووعد بوقف مشتريات وابدأ اسوي ريفيوز لكل منتج منهم ..

الأسعار وأماكن الشراء في نهاية كل جزء.

 دبنهامز (مجمع العرب - جدة).

ماركتي المفضلة جداً في خط العناية والمستمرة عليها صارلي سنتين .. جت فترة وبشرتي رجع لها البهتان والارهاق. وكان اللوشن مخلص صارله شهرين. ماتحملت كل الا وجهي حيلتي بالدنيا خخخ .. وتوكلت على الله. والأسعار كل مالها باستهبال بزيادة اذا تقدرين اشتريهم اون لاين اصرف.

المنتجات بذكر اساميهم وبسوي لهم ريفيو في موضوع مستقل بالتفصيل لشغلة كل واحد فيهم ان شاء الله.

المشتريات جت معه هدية من ايستي لودر شنطة وقلوس ومسكارا.

 ايستي لودر نوتريشس نايت - Estee Lauder Nutritious Night

قناع ترطيب ليلي. سعره: 240 ريال

 ايستي لودر ايدلست - Estee Lauder Idealist

سيروم لتقليل المسام. سعره: 486 ريال (ويجي منه حجم اصغر ب 384 ريال)

 ايستي لودر داي وير - Estee Lauder DayWear

لوشن الترطيب النهاري وحماية من الشمس. سعره: 319 ريال

 فافافوم (روشان مول - جدة) | نجد (البرج - الطائف):

 شانيل فيتالوميير - Chanel Vitalumiere

 شانيل مات لوميير - Chanel Mat Lumiere

الفترة اللي فات جتني شفاحة شانيل .. وحبيت اجرب الديوي لوك لان بشرتي كانت تمر بحالة جفاف تقريباً ومافيها ذيك العيوب الواضحة فاشتريت من شانيل اساس فيتالوميير جميل جداً ويعطي الديوي الصح ويناسب جداً البشرات الجافة والعادية بعد. شريته من محل تجميلي عادي في الطائف (نجد) بـ 220 ريال ولقيته في محل وجوه ب 240 ريال!

وكنت ادور على شانيل فيتالوميير اكواا بس مالقيت درجتي في وجوه الطائف واضطريت اني انتظر لين اروح لجدة!

ولما رحت ابي اشتريه مريت فافافوم روشان مول في جدة وغيرت راايي لان شانيل اكوا خفيف لدرجة انه كأنه تنتد مويسترايز من خفه! وقلت دام عندي توفيسد اللي احبه بأجله واشتري شي مطفي (ماعندي) ينفع لسهرة وشي .. وطبعاً مات لوميير الجميل وجربته للأن مرة واحدة ويعطي شكل مطفي للوجه ويناسب البشرات الدهنية! سعره: 240 ريال! (اتوقع لو شريته من محل التجميل (نجد) راح القاه ارخص).

وأكيد بسوي عنهم ريفيو في موضوع مستقل وسواتشات بعد.

ماك (مجمع العرب | التحلية | الرد سي - جدة)

من ضمن مشترياتي الأخيرة من ماك كانت الفرش وتكلمت عن كل فرشة بالتفصيل في موضوع مستقل: My MAC Brushes || فرش ماك

غسول الفرش من ماك .. قبل الاستخدام لأول مرة مرريهم على ورقة كلينكس وفيها شوي من الغسول هذا للتطهير والتعقيم وبعد بين كل استخدام للفرشة. سعره: 75 ريال

MAC - NC35 Studio Finish Concealer

MAC - NW25 Studio Finish Concealer

كونسيلر ماك ستوديو فينيش جميل جداً كريمي وتغطيته عالية اخذت في الأول درجة NC35 بس اغمق مني بنص درجة! بس ماعندي مشكلة, الدرجة مناسبة وماتبين فاتحة وهذا اللي ابغاه وجاي اللون على أصفر.

الكونسيلر الثاني نفس الأول بس NW25 سمعت كثير عن هذي الدرجة وكيف تعطي اضاءة ولونها طبيعي جداً ويندمج بسهولة ومايبين ان لونه مختلف ابداً. شريته لإضاءة ماتحت العين !! شي مو طبيعي. واقدر استخدمه بعد لباقي الوجه.

سعر الكونسيلر: 105 ريال.

MAC - Mineralize Skinfinish Natural (Medium deep)

بالرغم من ان الدرجة اغمق مني (تان) لان الفاتحة كأنها اضاءة ومابي شي فاتح ابي شي نفس درجتي بالضبط بس ماحصل وكانت هذي اهون شي استخدمها مع الكونتور الكريمي ممكن لتثبيته ودمجه وحدود الوجه بعد . ويمكن هالصيف استفيد منه في التان!! 

سعره: 140 ريال.

 محل تجميل (مُخلص) في برج الطائف:

لسه فضولي ماخلص على تجربة الكونسيلرات كـ كونتور كريمي!

من ماركة ميك اب ستوديو تلقونها كـ ستاند في محلات التجميل يبيعون التعبئة بشكل مستقل عن العلبة وتحطين فيها اختياك .. ويجي درجات الاخضر والبرتقالي بعد بس اخترت اغمق درجة والأفتح. حلو بس احسها ناشفة بزيادة يبغالي اشوف طريقة لها في التوزيع.

مجموعهم ( العلبة فاضية + التعبئة للون الغامق + الفاتح) 100 ريال.

 الصيدلية:

كريم ترطيب غني من سيتافيل .. جميل وغير عطري مناسب للبشرات الجافة والحساسة. سعره 70 ريال.

تم بحمد الله

ان شاء الله في مواضيعي القادمة راح تكون مراجعات وتفاصيل اكثر مثل ماذكرت عن بعض المنتجات اللي تحتاج كلام وتفاصيل

ألقاكم في مواضيع قادمة :)

مع السلامة :*

ليصلكِ الجديد ؛ اشتركِ معنـا
Subscribe to our mailing list