مدونة هيا أدون ، اكتب و اُصور

اجزاء المكياج و منتجات مُقترحة

بسم الله الرحمن الرحيم 










المكياج ببساطة يتكون من عدة اجزاء:

 الوجه : مكياج من أجل التغطية مثل الأساس (فاونديشن) والبودرة وخافي العيوب (كونسيلر) بي بي كريم , كريمات الترطيب الملونة (تنتد مويسترايزر) وهكذا ..
 العيون : منتجات مثل الأيلاينر ، ظل العيون ، قلم الحواجب ، الكحل والمسكارا ..
 الشفايف : حمرة الشفاة -الأرواج- ومرطبات الشفاة (القلوس) ..
 الخدود : حمرة الخدود (بلش) برونزر والهاليلايتر (إضاءة) ..

كـ مُبتدئة، انتي تحتاجين لأبسط الاشياء وتبدأين فيهم. يعني مو معقولة تنتقلين من يوم من غير مكياج واليوم الثاني حاطة مكياج كامل !! الامور ماتجي كذا! 

ابدأي بداية بطيئة بحيث انك تاخذين وقتك وتبدأين تجربين منتج واحد في كل مرة. وتشوفين وش عجبك فيه وايش اللي ماعجبك فيه ومن هنا تبدأين تكونيني شروطك.

المنتجات المذكورة في موضوع اليوم جميعها متوفرة في متاجر التجميل وبعض الصيدليات | الدرقستور.




Eyes Drugstore



بدأت بالأدوات المتعلقة بالعيون لانها اكثر شي ممكن يأثر في مكياجك! مثلاُ انا لما كنت في الكلية كنت مستحيل اروح وانا مو حاطة كحل حتى لو باقي وجهي بس غسلته بالصابون وطلعت! فالعيون مررة مهمه حتى لك كمبتدئة وممكن يكون سبب اهتمامك المفاجيء بالميك اب انك تبين تتعلمين رسمة الايلاينر مثلاُ!! كله يبدأ بالعيون.
بالنسبة للمنتجات (كحل - مسكارا ) ابدأي من الماركات المتوفرة في الدرقستور (محلات التجميل الصغيرة والصيدليات). منتجاتها معقولة وانصح فيها لاني جربت الكحل|مسكارا من الغالي والرخيص في الاخير مافي ذاك الفرق الا بالسعر طبعاً.

 (تجربة شخصية) 
الكحل:   بورجوا (اسود وبني)
الماسكارا: مايبلين الصفراء


face drugstore



بعد مابديت اتكحل، حبيت ابدأ أزود المكياج اللي استخدمه!

بالنسبة للوجه وأهم شي في المكياج بشكل عام هو الفاونديشن اللي ممكن تجدينه على هيئة سائلة - كريمية - بودرة مضغوطة
ولك كمبتدئة واللي ممكن تكونين في عمر صغير وتعانين من حب الشباب مثلاُ انصحك تبدأين بالبي بي كريم المناسب لنوعية بشرتك او الكريمات المرطبة الملونه (تنتد مويسترايزر) لانها خفيفة وتعطيك المجال للتعود على توزيع السائل على كامل الوجه.

ومن البي بي كريم ممكن تزيدين استخدام البودرة مثلاُ وكلها منتجات ممكن تبدأين بالدرقستور مثل ماقلت مو لازم تبدأين بالماركات الكبيرة عشا نتعرفين بس المناسب لك.
الكونسيلر: الكونسيلر من الاشياء اللي تجي مع الخبرة , مستحيل تضبط معك من اول مرة عشان كذا ابدأي بالمنتجات الرخيصة اوفر لك. وتجي الكونسيلرات على عدة هيئات: سائل (للجافة) كريمي (ترطيب) وعلى شكل قلم (للدهنية).
وايضاً استخداماتها للتغطية تفرق في اختيار القوام مثلاً. منطقة الهالات وتحت العيون تحتاج الى خافي عيوب فيه ترطيب يعني كريمي او سائل وليس الجامد على شكل قلم او ستيك.

وطبعاُ خافي العيوب مو ضوروري دائما الا اذا شفتي ان بشرتك تحتاج لتغطية زيادة والاساس ماغطاها بالشكل المُرضي لك.

البودرة: اذا كانت بشرتك صافية ماراح تحتاجينها او تقدرين تبدأين بالبورات الخفيفة الشفافة والي متوفرة في الدرقستور.
وممكن اذا كانت بشرتك دهنية تساعدك على تطفية اللمعة وثبات اكثر.

 (تجربة شخصية) 
بي بي كريم: غارنييه (للجافة)
بودرة شفافة خفيفة: ريميل ستاي مات (جميلة جداً مع بي بي كريم غارنيية اعطيها 5 نجوم!)  *ذكرت طريقتي في تدوينة من أول هنـــــا*
فاونديشن: ريفلون كولور ستاي
كونسيلر للهالات الخفيفة ويستخدم كإضاءة: ماتش بيرفيكشن من ريميل





drugstore blush



حمرة الخدود تعطي حياة للوجه! جربي الالوان اللي ممكن تناسبك وابدأي فيها مثل الوردي والمشمشي اللي تناسب اغلب درجات البشرة.
طبعاً ما عرفت قيمة البلش الا في الفترة اللي بديت اعرف اكثر عن الميك اب وكيف انه يفرق معك مكياجك فيه وبدونه!


 (تجربة شخصية) 

حمرة خدود بودرة: نيكس وبورجوا




lipcolor drugstore



ابسط شي !! من واحنا صغار واحنا نتدرب عليه حتى في اللعب. الحاجة الجميلة اللي يكمل فيها مكياجك ويفرق اذا عرفتي كيف تختارين الالوان المناسبة لبشرتك. وطبعاً لك كبداية الالوان النيود (الالوان الموقوية وصارخة وغير ملفتة وتكون غلى درجات اللحمي والوردي) هي الافضل في اظهار مكياجك طبيعي ولك ايضاُ كـ مُبتدئة.



 (تجربة شخصية) 
الأرواج (روابط): ريميل - ميبلين



انتهيت من موضوعي اليوم .. 
البدايات دايم نظري وكلام كثير وان شاء الله الموضوع الجاي راح يكون عن خطوات لمكياجك كمبتدئة
حضرو ادواتكم 



ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





13 comments

  1. السلام عليكم ،،
    كيف حالج حبيبتي ؟
    يالله مستانسة وااايد انه راح نبدأ =)

    راح اجهز ادواتي بس هي مو من الدرق الستور يعني نص من المهرجان و نص الثاني من محلات تجميل عادية ،،

    فكرت هالفترة اخذ من ميبلين على اساس اتدرب و بعدين اخذ لي شي احسن ..

    شكلي طولت وايد =)

    دمتي مبدعة ..

    ReplyDelete
    Replies
    1. هلا والله سمية
      حلو اللي اخذتيه والدرقستور حلوه منتجاتهم الين تتمكنين وتاخذين اغلى
      حياك الله

      :x

      Delete
  2. مره حبيت فكرة التدوينات
    سلسلة رائعة بإسلوب بسيط و مرتب
    يعطيكِ ألف عافية هيا ♥♥♥

    ReplyDelete
    Replies
    1. سارة حبيبتي انتي
      شكراً لك نورتيني
      :D

      Delete
  3. جميل جدا وموفقه يارب
    ومتابعه لك<3

    ReplyDelete
  4. استفدت من التدوينه .. رغم أني مو مبتدأة .. يعطيك العافيه

    ReplyDelete
  5. جميله جدا استفدت كثير
    ماحسيت بالوقت وانا اقرا
    وما مليت ابدا ابدا
    استمريت اقرا لين فجأه وصلت لآخر تدوينه
    الله يرزقك السعاده والذريه الصالحه كثر ما استفدت منك
    راجعه لك باستفسارات اكيد بتويتر لو استصعب علي شي :$

    شكرا جزيلا هيا :*

    ReplyDelete
    Replies
    1. أسعدتيني نوره
      ربي يرفع قدرك ياجميلة
      حياك الله بأي وقت

      شكراً جزيلاً
      :x

      Delete
  6. حلوووووووو مره والموضوع مرتب
    يعطيك العافيه مره انسجمت ودخلت جوو

    ReplyDelete
  7. تسلمي ويعطيكي العافية ماشيه معاكي خطوه بخطوه بس حبيت اسالك ايش احسن تنتد موزسترايتر للبشرة المختلطه !

    ReplyDelete
  8. بارك الله فيك هيا بجد رووووووعة انت ^^ تقبلي مروري

    ReplyDelete