مدونة هيا أدون ، اكتب و اُصور

مراجعة: بي بي كريم غارنييه Garnier B.B. Cream

بسم الله الرحمن الرحيم








 Garnier Miracle Skin Perfector (Dailly all in One BB cream)




وعد المنتج (كما هي عالعلبة):
الكل في واحد لحل مشاكل البشرة على الفور. تركيبته الخفيفة والغير دهنية تعطيك لون واحد متجانس مع اشراقة لبشرتك, يطمس العيوب والاحمرار وينعم منظر الخطوط الدقيقة ويعطي ترطيباً لمدة 24 ساعة ويحوي حماية من الشمس 15%.



تجربتي:
- الدرجات اللونية اساسها اصفر
- نوع بشرتي مختلطة ومنطقة التي زون دهنية
- ريحة الكريم حلوة بس قوية شوي
- سهل التوزيع
- من وصف البي بي كريم عالعلبة المفروض يكون (خفيف وغير دهني) واللي وجدته العكس تماماً!
- اعطاني شكل دهني لبشرتي
- تغطيته خفيفة ويحتاج لبشرة خالية من العيوب
- يحتاج استخدام خافي العيوب (كونسيلر) لاخفاء الاثار وماشابه
- عند غسل الوجه بعد فترة ممكن تلاحظين ان بشرتك لم تتشرب الكريم تماماً ويبدأ بالتحول للون الأبيض!! ويختفي طبعاً ولازم اعادة وضع الكريم.
- بما ان بشرتي مائلة للدهني فلم يناسبني ابداً , اتوقع ان يكون هذا المنتج ممتاز لمن تعاني من الجفاف , او للبشرات الجافة والشديدة الجفاف.
- عند استخدامي للبي بي كريم من غارنييه لازم استخدم معه بودرة من اي نوع لتطفية اللمعة والشكل الدهني. وهذا هو الحل الوحيد اللي لقيته ينفع مع هالمنتج بس بنفس الوقت يخلييني احس كني حاطه طبقات ميك اب مو كأن المفروض احسه خفيف على البشرة.
- المنتج بالنسبة لي وجدته ثقيل ودهني. 
- الدرجتين اللي عندي: وسط Medium و فاتحة Light لان ماكان فيه عينة للتجربة فاخذت درجتين, والدرجة المتوسطة لون تان والفاتحة ناسبتني.
- متوفر في السوبرماركتات الكبيرة والصيدليات وسعره حول 30 ريال.








ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





7 comments

  1. الله يديك العافية ع المدونة الحلوة ..

    بس انا اشوف الكل يقول انه غارنييه سببلهم لمعة بوجههم ..

    و انا بشرتي مختلطة تقريبا .. بس لما حطيت الكريم حسيت جاااف و ماكان فيه اي لمعة و ماحسيت صراحة بترطيب .. بالعكس حسيت انه يبغاله مرطب قبل ما استخدمه ..

    ما ادري ايش المشكلة .. بس ما اقدر احكم لاني ستخدمته مره وحدة بس و لسه ح استخدمه كمان مرات و اشوف .. =(

    ReplyDelete
    Replies
    1. صحيح ترطيبه مو كافي بس يعطي لمعة وناسب بعض البشرات الجافة والعادية ومالمع ولا شي
      يختلف باختلاف البشرات

      :)

      Delete
  2. انا بشرتي عاديه وع كثر المدح الي سمعته عن غارنيه حبيت اجربه لمجرد التجربه ..
    وبما ان سعره كويس قررت اشتريه باذن الله بهذا الشهر .. واذا ما عجبني ع طول بشتري توفيسد البيبي كريم ^^

    مشكوره حبيبتي ع المراجعات الجميله ، صراحه كثير استفدت من مدونتك مرا لا عدمناك ..
    من قررت اسوي تجديد لمكياجي بشرط اكون عارفه انا وش بشتري وليش اشتريه والفايده منه وانا متردده شوي ،
    خايفه من اغير و ما استفيد غير المصاريف و الخساير ، ومن وين لي مصدر اخذ منه المعلومات الي محتاجتها ..
    وقتها طحت ع مدونتك بالصدفه و لقيت فيها كل استفهاماتي بخصوص المكياج ..

    شكرا لك حبيبتي آلف شكر ،، آحبك :P

    ReplyDelete
  3. هذا فعلا رأي أغلب البنات فيه، حتى بالمواقع الأجنبية
    الميزة بالخارج أنه طلع منه إصدار جديد خاص بالبشرة الدهنية
    لكن في الوطن العربي مازالوا يسوقون لهذا الإصدار على أنه مناسب لكل أنواع البشرة :\

    ReplyDelete
  4. وفيه مشكله انه مو ثابت بس تدمع عينك ولا تتوضين للصلاه راح ينزل كأنه مويه

    ماعجبني ابد ابد

    بس للحين مالقيت بديل وراح اجرب حق توفيسس

    ReplyDelete
  5. مثلي ابداً ما ناسبني البي بي كريم القديم حسيته يكتم على بشرتي ومايخليها تتنفس
    , بس يوم جربت الجديد المخصص للبشره الدهنيه حبيته
    بوست جميل ما شاء الله ♥♥

    ReplyDelete
  6. This product is awful. It made me totally oily and greasy. No matter how little i used. It is sticky to put on skin too. It didn't give great coverage and was way too dark for my skin and I got the lightest. Will not be repurchasing.

    ReplyDelete