مراجعة: التنتد مويسترايز من بنفت Benefit You Rebel Lite

بسم الله الرحمن الرحيم

benefit - you rebel lite 

SPF 15 tinted moisturize

تنتد مويسترايز من بنفت (المرطب الملون)

وصف المنتج:

مرطب ذا لون مختلف كلياً، يعطي بشرتك االتغطية والترطيب وحماية من الشمس في آن واحد.

الاستخدام: يُوزع بالتساوي على بشرتك.

الدرجات: يتوفر منه درجتين الفاتحة والغامقة. درجتي هنا هي الفاتحة (Lite)

عجبني:

اللون فاتح بس يندمج بسرعة مع لونك

التغليف للمنتج 

سهل التوزيع

اقل كمية تكفيك لان العلبة بضغطها تطلع كمية كبيرة زيادة عن الحاجة

يعطي شكل فيه لمعة للوجه

لونه مو قوي ومايصبغ البشرة ولايبان كثير

فيه حماية من الشمس ١٥٪

يناسب الاشخاص اللي يفضلون اللوك الديوي (لمعة الصحة)

ماعجبني:

رائحته قوية شوي 

تغطيته خفيفة جداً جداً جداً .. 

توحيد اللون اللي فيه بسيط

مايناسب البشرات الدهنية والمعرضة للحبوب 

احتاج استخدم بودرة بعده للتثبيت والتغطية واعطاء لون!

سعره مبالغ فيه مقارنة بمواصفاته

عن نفسي تقييمي له مو ذاك الزود وماعتقد اني بشتريه مرة ثانية بالنسبة لسعره والنتيجة اللي يعطيني اياه مو لهناك ابدن وغير كذا الرائحة! 

اماكن الشراء: سيفورا

سعره: ١٤٢ ريال

 تحديث 

Feb 7, 2013

حبيت المنتج! تدرون ليه! 

من باب اني ابي استخدمه لانه حرام يعني نحط عالرف بستخدمه لو في البيت (مافيه تغطية بس لون خفيف) اكتشتفت انه مايدهن لي وجهي ويعطييني لمعة صحية يعني يعطيني اللوك الديوي من غير لمعة فازلين وتدهن ايدينك لما تمسحين على وجهك!

طريقتي: غسل الوجه بالغسول - واقي الشمس من نيتروجينا (خالي من الزيوت) - التنتد مويسترايزر من بنفت *ريبل* 

حبيته!!!

اذا بغيتي تغطية استخدمي معه كونسيلر.

هنا بعض الفروقات اللي جمعتها من مواقع واللي اعرفها بين التنتد مويسترايزر والبيبي كريم ..

ألقاكم في مواضيع قادمة :)

مع السلامة :*

ليصلكِ الجديد ؛ اشتركِ معنـا
Subscribe to our mailing list