مدونة هيا أدون ، اكتب و اُصور

روتين عنايتي في يوم واسبوع وشهر

بسم الله الرحمن الرحيم


 نوع بشرتي مختلطة والتي زون دهني 


في يوم ..

(يوم عادي في البيت وبشرتي ماتعاني من اي مشكلة)



النهار: غسول ايستي لودر - لوشن مرطب من ايستي لودر SPF15 (ريفيو عنهم هنا)
الليل: غسول ايستي لودر - كريم فيتامين سي وزيت فيتامين E

 اعني باليوم العادي اليومي اللي مايكون فيه طلعة للشمس وبشرتي تكون مرتاحة .. زيت فيتامين E احس اللي متابعني من فترة بيعرف شقد احب هالزيت. وكريم فيتامين سي من GNC هو اللي مرتاحة عليه وشفت غيره بأضعاف السعر بس مافكرت اغيره ابد.

(يوم فيه معالجة وبشرتي يبغالها تجديد)


الليل: غسول ايستي لودر - كريم غلايكولكس (ريفيو عنه هنا) - وكريم للعين من افين
النهار: غسول ايستي لودر - كريم واقي من الشمس من نيتروجينا SPF30 

 المعالجة والتجديد اعملهم تقريباً كل 6 أسابيع لمدة اسبوعين بالكثير ومكفيتني هالمدة لاخذ نتيجة مُرضية. كريم الجلايكولكس شي جميل وكتبت عنه ريفيو كامل. وكريم العين من افين اخذته قبل اخذ كريم العين من بنفت (مع اني كنت ناوية بس اخذ اللي من بنفت) بس شفت هذا في صيدلية بوتس وقلت حلو شي مو بس ترطيب وفيه معالجات لمكافحة اثار التقدم في السن وهذي الاشياء ماتبين نتايجها في وقت قريب ، وسمعته مرة واصلة قريت عنه كذا مقال انه من افضل كريمات العين في هالوقت. وفوق هذا يكفي انه ضغااااااط اهم شي لاني ماحب الكريمات اللي تنغرف وتدخل في اظافري . سعره 130 ريال.

(يوم جاف وبحااجة الى ترطيب مضاعف)


الليل: كريم الترطيب من بنفت - كريم العين من بنفت (كتبت عنهم ريفيو كامل)
النهار: غسول ايستي لودر - لوشن مرطب من ايستي لودر SPF15

 ماحسيت بجفاف الا من دخل وقت الشتاء. في الايام اللي احس ابي بشرتي تشرب شي .. وبما ان بشرتي مختلطة فأوقات تميل منطقة اعلى الخدود الى الجفاف وماحول الفم فهذا يعطيها الترطيب اللي تحتاجه .. و كَـ يوم راحة من روتين التجديد، احط منه قبل النوم في الفترة اللي استخدم فيه جلايكولكس .. وممكن تستخدمين كمية قليلة منه كمرطب قبل المكياج حتى كريم العين ممكن يستخدم تحت العين وقبل وضع الكونسيلر.

(يوم استخدمت فيه مكياج ومسكارا والوان)


الليل: الحليب المنظف من افين - تونيك من بيودرما  - غسول ايستي لودر (لازم اغسله هههه)  - كريم فيتامين سي وزيت فيتامين E
النهار: غسول ايستي لودر - لوشن مرطب من ايستي لودر SPF15

 التونر من بيودرما (ريفيو عنه هنا) البيودرما فعاليته في ازالة المكياج حلوة ومايؤذي العين حتى الحساسة منها.


في اسبوع ..





التقشير: يكون باستخدام البيكينق صودا (ناعم جداً) على وجه مبلل او باستخدام مقشر الوجه من سانت ايفز (ريحته تجننننن).

 في مرة طلعت لي مثل القطعة كذا اعلى الخد وقلت مثل ماطلعت فجأة بتروح فجأة. بس في يوم قلت ابسوي سكرب حق الصودا وشالها. البودرة مرة ناعمة حتى انك ماتحسين انها تسوي سكرب اصلاً .. شي لطيف أهم شي .. والسكرب من سانت ايفز حلووو بعد كتغيير ومناسب .. والبشرة بعد اي سكرب تخليك تحبيها اكثر من النعومة.

في شهر ..

 بالنسبة للتشقير: انا شعر وجهي خفيف واشقر بعد اكتافي اوقات (لان الحف مايناسبني يطلعلي حبوب وهو اصلاً خفيف) فهو الحل المناسب لي ومرتاحة عليه ولا يسبب لي حساسية ولقيت الطريقة اللي يسوون فيها المشاغل لما تطلبين تشقير اكتاف ولا وجه ولا اي شي وعملتها... لاني كنت ابي احد يعلمني كيف، وابقولها يمكن احد يبي هالطريقة ويستفيد بدل المشاغل والتكشف هههههه

تشقير للوجه وادواته: فازلين، بودرة ويلا، اكسجين ويلا، صحن للخلطة (نفس شغل المشاغل هههه)



الطريقة: كمية من بودرة التشقير (ملعقة صغيرة) وتضيفين عليها شوي من سائل الاكسجين من ويلا الين مايمتزجون ويصير خليط كريمي. تحطين على وجهك قبلها فازلين عشان حرارة التشقير و10 دقايق واغسليه. طبعاً لازم بعد مااخلص يصير في احمرار في الوجه فـَ ارش على وجهي ماي افين بارد واحسن لي من ماي الورد لاني كرهت ريحته :(
ليش اشقر وجهي ومااسوي ليزر ولا اشيل فتلة (لغير فوق الشفايف): لان الليزر شفت بعيني محدش قالي كيف حرق وجه بنت اعرفها فمستحيل اخليه يقرب على وجهي (حتى لو الاجهزة الحين تطورت الصورة لسه عالقة في بالي) والفتلة فكرة المسام المفتوحة والحفر اللي ممكن تسويها تكفي. كلها مشاهدات لناس انا اعرفهم شخصياً مو كلام وبس. ان شاء الله اغير رايي :)



الختام:
حاولت في هالبوست اني احط كل شي وما أشرح كثير لان في بعض المنتجات مسويتلها ريفيو وكاتبة كل شي عنها. وبتلقون اني مسوية موضوع قبل عن روتيني في العناية اليومية وبما انه مرت فترة طويلة وانا على روتين عنايتي السابق جا الوقت اللي اغيره فيه لتغير الظروف واحتياجاتي. بحاول اشارككم بكل شي اعرفه وافيدكم باللي اقدر عليه.

الروتين اليومي السابق صارلي بادية فيه من اسبوعين. والحمدلله مرتاحة عليه اخر شي.







ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





19 comments

  1. حبيت اشياء كثير لكن فكرة موية الاكسجين خففية بموية عادية ويضبط معك ياهو ينظف من قلب

    ReplyDelete
  2. اتفق معك بكل البرودكتس اللي بالبوست بس التشقير ماحبه احسه مب مرتب
    يمكن هو انسب شي لحالتك لكن جربي الليزر اللايت او اللي بالتبريد مافيه اي حروق ان شالله
    الله يسعدك ع البوست الرائع

    ReplyDelete
    Replies
    1. ماشاءالله افدتيني وعجبتني طريقتك مرتبه وواضحه راح اعمل مثلك وحبيبتي عندي استفسار ابي شي للحبوب البنيه اللي في الوجه زي النمش الخفيف ايش افضل حل لها تقشير باي برودكت ؟ والله يحفظك ويسعدك يارب احب الناس اللي تفيد غيرها رزقك الله بكل ماتحبين

      Delete
    2. DeLuna: صحيح التشقير مو حلو للشعر الغزير ..
      وتوي ادري ان فيه ليزر لاتبريد معلوماتي في هالمجال مولهناك بسوي بحث عنه واشوف وانا اللي كنت استنى جهاز الليزر المنزلي بعد ..
      تسلمين لي حبيبتي على مرورك وكلامك .. اشكرك من قلبي ..
      :x

      Delete
    3. Anonymous: والله ماعندي فكرة عزيزتي عن النمش واذا كان يفيد التقشير فيه ابحثي واذا بيفيد جربي المقشر اللي ذكرته ..
      الله يسعدك على هالدعوه الحلوة
      :x

      Delete
  3. تسلم يدايك عل ابوست الجمل
    حابه اسالك عن كريم فتامين سي بكم اخذتيه هو الزيت فتامي اي

    ولزيت اتحسيه يسمر والبشرة تصير دهنيه

    حابه اجربهم

    ومقشر سانت مرة يجنن

    ReplyDelete
    Replies
    1. كريم فيتامين سي من محل جي ان سي بـ ٢٥ ريال
      وزيت فيتامين إي من صيدلية في دبي بـ ٤٢ درهم ماحصلته هنا للحين :)
      ولايسمر ولا شي واحطه قبل النوم واكيد بيعطي مظهر دهني بس عادي بالنسبة لي :)

      Delete
  4. حبيت الزيت من مدحك له بس ياحرام من وين نجيبه :(
    ان شاء الله ببحث عنه هنا يمكن الاقيه ..
    عنايتك جدا مثالية , الله يعطيك العافية ♥

    ReplyDelete
  5. بوست روعه ومنتجات جميله
    اتمنى تتابعين بلوقنا الجديد
    http://fashiondiary7.blogspot.com/

    ReplyDelete
    Replies
    1. شكراً لك

      ومدونتك جميلة
      :D

      Delete
  6. جميل البوست وحبيته كثير
    ربي يعطيك العافيه ياقمر

    ReplyDelete
    Replies
    1. تسلمين هيونه الله يعافيك
      شكراً
      :x

      Delete
  7. بجد تسلمين على كل المعلومات انا بشرتي من كلامك تقريبا نفس بشرتي
    استفدت منك كثييير يعطيك الف عافيه
    حابه اسالك لوسمحتي كريم كريم فتامين سي من جي ان اس وين القي المحل دا بجده
    ومشكوووووره حبيبتي

    ReplyDelete
    Replies
    1. اهلين رورو
      الفرع اللي انا اشتري منه في شارع التحلية جمب محل حق عود الظاهر
      وانتبهي لتاريخ الانتهاء
      لاني الاسبوع اللي فات رحت شريت من عندهم ورجعته ثاني يوم لان بينتهي بعد عشرين يوم
      خذي واحد عالأقل بعد سنة مدة انتهائه
      ;;-)

      Delete
  8. تسلمين ع البوست هيونه
    بالنسبه للبيكنق صودا انا جربته فقط كتقشير للركب والاكواع جدا رائع يفتح المنطقه ويبيضها مع الاستمرار طبعا والنتيجه تبان من اول مره
    مع الترطيب بعد كل استعمال بجل فازلين
    ^_^
    مممم
    بسالك عن فرشاة الكهرباء منين اخذتيها ؟
    وبرضو هل عنايتك لبشرتك تكون ع حسب حاجتهاه
    يعني ع حسب ما تطرا عليها تغيرات في بهتان او جفاف تعتنين بها !!؟

    ReplyDelete
  9. المدونه كلها على بعضها إالهام
    ربي يعطيك العافيه

    ReplyDelete
  10. انت اكثر من رائعه😍

    ReplyDelete