مدونة هيا أدون ، اكتب و اُصور

مراجعة: كريم الترطيب للوجه وكريم العين من بنفت

بسم الله الرحمن الرحيم



ببنفت ابتكرت خط عناية جديد بسيط وسهل اسمه (B.right Radiant Skincare) مُصمم ليعطيك بشرة اكثر اشراقاً واصغر سناً واضاءة. مافيه اي تعقيد ولا تركيبات صعبة وخطوات كثيرة. خطوات العناية بأبسط حالاتها: التنظيف - التطهير - الترطيب. Cleansing - toning - moisturizing. مع التركيز على الترطيب والاشراقه . وهذا كله لاحتواء هذه المجموعة على مكون تتميز به بنفت يدعى “Tri-Radiance Complex.”

ماأنكر اني كنت حاطه عيني عليه من اول ماشفت العلب والتغليف حقتهم. هالشركة تهتم في التغليف البسيط وتعرف وش يعجبنا خخخ.
احب اللي يهتم بالتفاصيل.

المكونات:
منتجات طبيعية ومنها Benefit’s new Tri-Radiance Complex (مكون بنفت الثلاثي التألق) اللي تهدف الى تعزيز الرطوبة في الجلد وواعطائها منظر اكثر سطوعاً واشراقة!


كريم الترطيب من بنفت (Total Moisture Facial Cream):




سبب الشراء: كنت ادور على كريم ليلي من غير حماية, كانت بشرتي في بعض الاوقات تحتاج ترطيب قوي وكل الكريمات اللي عندي اغلبها للبشرة الدهنية الى المختلطة. والكريم هذا اعطاني ترطيب غني جداً عشان كذا اللي بشرتها جافة مرة ولا تبي كريم ليلي (لانه مايحوي حماية من الشمس) ممكن يكون مناسب لها. (انتبهي عند توزيع الكريم على الوجه انه مايلامس منطقة العيني لانه كريم معطر وماينفع للعين).

القوام: غني جداً ويعطي ترطيب من اقل كمية

الرائحة: منعشة تميل للخيار كذا، حبيتها .. (لازم تشمين ريحته قبل تشرين، الروائح مستحيل اثنين يتفقون عليها! خخخخ)
*تحديث* رائحته غلبتني وماتحملتها بشرتي :(

- ما فيه عامل حماية من الشمس فما ينفع لحاله يكون كريم نهار.

- للبشرات العادية الى الجافة

- فيه نوع خالي من الزيوت للبشرات الدهنية يجي علبة ضغّاط طويلة بس زي ماذكرت كنت ادور كريم ليلي وترطيبه عالي.

سعره: 211 ريال من سيفورا.


كريم العين من بنفت (It’s Potent! Eye Cream):



بالإضافة الى اني كنت ادور كريم ترطيب ليلي للوجه نفس الشي لعيوني. حسيت اني مهملتها غير اني كنت احط عليها شوي من زيت فيتامين E كنت ابي زيادة ترطيب. فلقيت كريم بوتنت وسمعت مدح كثير وكيف انه مخصص للترطيب وتخفيف الهالات والخطوط ما حول العينين. الحمدلله ماعندي مشكلة الهالات ولا الخطوط فعشان كذا ماراح الاحظ اي تغيير. الترطيب اللي ابيه لقيته.

القوام: خفيف يجنن مثل الزبدة وماله اي رائحة ومو ثقيل ابداً عند التطبيق.

*تحديث* ماقدرت اكمل استخدام المنتج لآنه نشف عندي بعد فترة .. اقل من 4 شهور بالرغم من حفظي له في مكان مغلق)

سعره: 170 ريال من سيفورا. (ممكن تقولين غالي -مثلي خخخ- بس ترا الكمية اللي فيه بالنسبة لكريم عين ممكن تبقى معك سنة وهو لسه ماخلص).



معلومات اكثر على العلب..










ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





4 comments

  1. مهمله بشرة وجهي وعيوني .. اقشرهاو احط ماسكات ايه بس ماعمري حطيت مرطب :/
    كنت ادور مرطب ب فيتامين اي بس مالقيت او بالاصح ما بحثت صح ..

    بما اني ام جديده صايره هالاتي واضحه و ما احط مكياج وكثير سمعت مدح لمنتج من بوبي براون اضن للهالات انه يوخرها وكيذا و حطيته في قائمة الغير ضروريات وللحين ما طليت ع هالقائمه

    ممكن بعد تفكير اشتري هالمنتجين من بنفت ،، اذا مالقيت غيرهم وانا ابحث الفتره ذي
    شكرآ لك من القلب

    ReplyDelete
    Replies
    1. بالنسبة لزيت فيتامين إي ممكن تحصلينه في بوتس او بوتس البحرين اذا انك في الشرقية او دبي ..


      وممكن كطريقة ثانية الحبوب اللي تنبلع كمكملات وهي حبوب فيتامين إي تفعين وحدة وتطلعين الزيت اللي فيها (هذي طريقة للي ماعندها الزيت شفتها في اليوتيوب ههه ) وتحطين منه تحت العين

      الكريمات اللي فوق رفاهية خاصة كريم الوجه ريحته قوية شوي وماينفع للنهار لان مافيه حماية من الشمس بس حق العين حلو كترطيب فقط وان بشرة حول العيون ماتحسست منه!

      Delete
  2. كريم العين من بنفت (It’s Potent! Eye Cream)
    استخدمه ع عيني وجهي ؟ ولا بس العين

    ReplyDelete
    Replies
    1. انا استخدمه لتحت العين وعالعين بس مو عالجفن
      :)

      Delete