مدونة هيا أدون ، اكتب و اُصور

مراجعة: جلايكوليكس 15% كريم للوجه


بسم الله الرحمن الرحيم







Glycolix Elite Facial Cream 15%
جلايكوليكس 15% كريم للوجه

ماهو؟
كريم وجه للتجديد وغني بِمضادات الأكسدة


دواعي الاستخدام:
كريم تجميلي أنيق يحوي على تركيبة لمكافحة الشيخوخة مع 15% من حامض الجليكوليك ويهدف الى تحفيز معدل دوران الخلايا ليكشف عن بشرة تبدو اصغر سناً واكثر اشراقة وصحة. يحوي الكريم بكمية غنية من فيتامين A و E و C والشاي الاخضر لتوفير حماية فائقة من مضادات الاكسدة ضد تلف الجلد. سوف تحصل على بشرة متجددة مع خطوط اقل وتلون اقل وتحسن في ملمس الجلد واللون (السحنة).

طريقة الاستخدام:
يوضع مرة او مرتين يومياً او حسب ارشادات طبيب الجلدية.

تجربتي:
هنا الكلام الكثير, جتني فترة احس ببشرتي ثقيلة كن شي متراكم عليها ومن جد احسها كانت بس خلايا ميتة وبقايا لاثار الحبوب المزعجة اللي تقعد شهر وهي ماراحت, السكرب نفع معي وماشي حاله شوي بس حبيت شي اكثر عشان تتجدد بشرة وجهي وتبين اكثر صحة. فكرت في التقشير المنزلي لاني مستحيل اروح للتقشير في العيادة لان حالتي ماتستدعي والحمدلله بس تقشير خفيف وخلاص. جربت ريتن اي مع افالون كريم. مالاحظت اي شي معه والحين وانا اكتب استغرب ليش كنت استخدم الافالون اصلاً! كريم ريتن اي جربته ثلاث مرات على حبة طلعت لي عالخد ولاحظت بعده انه مكانه صارت المسام مفتوحة، قلت خلاص كل شي ولا الحفر والمسام. وتركته وبقيت على السكرب الخفيف الاسبوعي للوجه وروتيني العادي.

قريت عن كريم الجلايكوليكس من مدونة ميس بوتيك وعجبيني. وفي مرة رحت لبوتس ولقيته هناك! حبيت اني اجربه وتحمست. ماكان فيه الا تركيز 15% و 20% وسألت الصيدلي قال الكلام اللي انا اعرفه بس ليطمئن قلبي. ابدأ بالتركيز الاقل ولما يخلص استخدم التركيز الاعلى. وهذا اللي صار.

كنت ادور على شي يجدد خلايا الوجه بنعومة من غير مايكون قوي كتركيبة وريحة بعد. ريحته وقوامه ابد ماتخيلت انه كذا (ريحته احماض طبعاً مو من غير ريحة او معطر). رحمت نفسي وانا استخدم الرتن اي والافالون على الروايح، عالاقل الجلايكولكس ريحته معقولة جداً وقوامه مثل (زبدة/ بسلم) .. عجبني مرة!

استخدامه:
عن نفسي جربته لمدة 5 اياام اغسل وجهي قبل لا أنام واحطه على الوجه وبعيداً عن منطقة العيون(حساسة).
وثاني يوم اغسل وجهي بالغسول واحط كريم واقي للشمس (لازم) مو اقل من SPF30 مع اي كريم فيه احماض او تقشير عشان ماتتعب بشرتك.

وش صار:
بصراحة ماكنت ادري وش ممكن اتوقع! بس بعد 3 ايام من الاستخدام حسيت بنعومة ووجهي متجدد والأهم من هذا كله مكان الحبة، التصبغ واللون البني لاحظته بدا يفتح اللون وهو المطلوب!
الكريم اصبح من ضمن قائمتي الاساسية.
اذا حابة شي للتقشير المنزلي ويكون خفيف على وجهك وقوي بتأثير انصحك تجربينه.


ملاحظة:
- استخدميه قبل النوم بساعة علشان يمدي بشرتك تمتصه
- ممكن تحسين لسع خفيييف في اول ربع / نص ساعة من توزيعه
- لما تقومين ثاني يوم اغسلي وجهك بغسول مناسب واذا ماكن عندك طلعة للشمس حطي منه (اذا بتستخدمينه مرتين في اليوم)
- خلال اليوم ومع الوضوء وكذا بتحسين بجفاف شوي استخدمي كريم مرطب غير معطر اهم شي.
- ممكن تلاحظين حبوب بدأت تطلع بعد استخدامك له, استمري لان الحبوب اللي كانت تحت الجلد بدأت بالظهور


سعره: جلايكوليكس 15% كريم للوجه بـِ 145 ريال ويستاهل
والتركيز الاعلى 20% بـِ 165 ريال 

وخلص الريفيو.




ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





9 comments

  1. الصراحة الريفيو روعة ،،
    حبيت المنتج وشكلي بتوكل واشتريه ،،
    اختي انا بشرتي دهنية وطبعا بعد علاجي من روكتان بشرتي فيها بعض الاثار مع انها خفيفة لكن احب تكون البشرة كلها بلون واحد وغير هذا منظرها افضل ،،

    اذا استخدمت هذا الكريم،، شنو تنصحين او تفضلين ككريم مرطب للبشرة "للعلم بشرتي دهنية " او تقدرين تقولين مختلطة بلااصح


    انا عندي دارك سبوتس في ريلي بسبب اثار شعر تحت الجلد ،، انتهت المشكله انه ماقام يطلع لي شعر تحت الجلد لكن تركت ريلي متصبغة وفيها اثار

    ينفع معاها هذا الكريم واخذ اللوشن معاه اقصد لوشن الجسم تبع الشركة نفسها

    لانه رتين أ مانفع معاي بشي الصراحة

    وشكراً واسفة على الاطالة

    ReplyDelete
    Replies
    1. هلا والله ..
      اعذريني عالتاخير ..

      مع استخدامي للجلايكولكس وجفاف البشرة كنت استخدم معه للترطيب كريم سيتافيل ممتارز
      وبالنسبة للبقع والاثار فمثل ماقليتي انا سمعت بعد عن اللوشن من نفس الشركة .. ماجربته الحقيقة بس لو عندي نفس مشكلتك بجربه اكيد لأنننا متقاربين والرتن اي مانفع معي بعد

      :x

      Delete
  2. مشكوره ع الرفيووو الحلو
    حمستيني اجربه
    طيب بسالك عشان اتاكد اكثر خخخخ انتي تحطيه قبل تنامي وبعدين من بكرا تغسليه؟

    ReplyDelete
    Replies
    1. العفو ..

      بالنسبة للوقت انا احطه قبل النوم بساعة - نص ساعة

      ولما اقوم اغسل وجهي بالغسول .. واذا فيه طلعة في النهار ماحطه,, احط واقي شمس حمايته ماتقل عن 30

      واذا اليوم مافيه طلعة وتعرض للشمس .. احط منه بعد ماأغسل وجهي

      ..

      ;;-)

      Delete
  3. اهلين هيا،، يعطيك العافيه ع الرفيو
    قريت بوست مس بوتيك عنه و حطيته ببالي و لمن قريت تجربتك معه تحمست له
    بس بسألك عن شغله بخصوص واقي الشمس
    انا اعمل ليزر لوجهي بعيادة و الدكتورة حرصت كثيير ع الواقي وانه ضروري احطه للحمايه و لمن قلت لها ما اطلع من البيت كثير بالنهار
    قالت لي تطبخين؟ توقفين ع الفرن؟ تحتاجين واقي اكيد
    لو حابه استخدم الكريم احط الواقي تفادي للحرارة والطبخ مثله مثل الليزر؟؟

    يعطيك العافية حبيبتي والله يجزاك بالخير

    ReplyDelete
    Replies
    1. اهلين نهى

      انا بالنسبة لي لازم ثاني يوم احط كريم للترطيب اهم شي ومعه واقي لان البشرة تحتاج ترطيب اكثر وراح تلاحظين ..

      ممكن استغني عن الواقي واحط سيتافيل مانتبهت لنفسي ههههه .. مرة شكراً على افادتك ماكنت اعرف


      :x:x:x

      Delete
  4. السلام عليكم اختي

    انا حاولت ادور على المنتج ولقيت منه نوع مكتوب عليه Glycolix Elite Skin Care ultra lite

    ممكن توحين لي الفرق بينهم

    ReplyDelete
    Replies
    1. هلا عزيزتي

      قريت عن المنتج اللي حطيتيه وواضح انه للبشلرات الدهنية والقابلة لتكون الحبوب بحيث ان قوامه الكريم يكون خفيف ويعطي ترطيب بحيث ما يسكر المسام المكونه للحبوبو والبثور ..

      المنتج اللي انا تكلمت عنه في الموضوع للبشرات العادية - المختلطة - الجافة

      :)

      Delete