Prestige, Cargo and Smiling Bronzers | برونزراتي

بسم الله الرحمن الرحيم

برونزرات جدد من بعد اخر واحد كان من اتش اند ام وذكرته في موضوع سابق.

وفاء *TheArtisticHands* في مدونتها سوت ريفيو عن برونز ماركة كارجو (اليمين) من سيفورا (هنا التدوينة) وطبعاً حبيته كثير .. وبما إني ماكنت في جده فـ وصيت خواتي في الشرقية يشوفونه لي في سيفورا الظهران والحمدلله لقووه وكل وحدة خذت لها واحد وخلصنا عليه   (البائع مدح كم شغلة من كارجو مثل البودرة والكونسيلر واختي جربت الاخير وفرحانه فيه بس كان اخر حبة) بنات جدة يمكن تلقونه في سيفورا مجمع الاندلس على قولة اللي يبيع في الظهران  وسعره 37 ريال.

البرونزر الثاني بريستيج (اليسار) ماركة ايطالية شفته على اختي وعجبتني الدرجة على محروق مو برتقالي ومناسبة لكل الوجة (بودرة وجه) يعني مو بس حمرة للخدود، من وين طيب؟؟ بنات الشرقيه بيعرفونه  من ماق الراشد (الخبر) وماراح تلقونه بالعرض لانه مايجيب من هالماركة الا هالبودرة لازم تطلبينها بالاسم ويطلعها لك من الدرج خخخ شي جميل بصراحة وسعره 55 ريال.

هذا سواتش على يد بنتي (أشغلها لا تشغلني ههه) وسواتش ثاني اخر شي على ورقة بيضاء .. 

--

برونز من ماركة سمايلينق Smiling

صناعة ايطالية، واعتقد انها موجودة بس في الكويت. برونز شيمري (فيه لمعة ومايصلح غالباً للكونتورينق) احترت فيه بس قوامه ناعم. ينفع للخدود وبكمية بسيطة لان لونه قوي.
جابته لي اختي من سوق المباركية في الكويت. سعره بـِ 3 دينار ونص.

سواتش للبرونزر:~

وعلى ورقة بيضاء:

ألقاكم في مواضيع قادمة :)

مع السلامة :*

ليصلكِ الجديد ؛ اشتركِ معنـا
Subscribe to our mailing list