مدونة هيا أدون ، اكتب و اُصور

All About Contour & Highlight || تجربتي

بسم الله الرحمن الرحيم



الفكرة:
بالنسبة للنحت يُفضل استخدام الالوان اللي اساسها يكون رمادي ، مو احمر او وردي ابداً ولا حتى برتقالي! ببساطة مو حلو! وماراح يكون اسمها نحت بيكون حمرة خدود عادي في مكان خاطيء.
استخدم للكونتورينغ باليت (Make Up For Ever Sculpting Kit) ورقمي 2.





استخدمت رقم 1 وخسارة الفلوس. مو على درجتي. اللون الغامق في رقم 1 مايل للاورنج على مشمشي يصلح كحمرة خدود (مطفي طبعاً) وماينفع للتحديد (عمل ظل) لان درجة اللون اساسها مو رمادي.

بس!!!! الباليت من ميك اب فور ايفر احسبيله ساعتين من تحطينه ويختفي .. مو ثابت ولازم يكون معك بالشنطة عشان تعيدين عليه!
علشان كذا، ماكان عند استعداد اشتري طقم نحت جديد من ماركة ثانية واضيع فلوسي.

فتحت الدرج وتذكرت ان عندي علبتين من MAC Studio fix بدرجات غلط.. شريتها من اول لان البائعين هم اللي قالو لي هذي درجتك وطلعت طبعاً خطأ اغمق من درجتي بدرجة وثنتين. بس الحين استفدت منها في كونتورينق ماي فيس.
درجتي في ماك NC25 ..والدرجات اللي استخدمها في النحت والتظليل وممكن كبرونزر NW25 - NW30.

الفُرش:
في فرش محددة للتظليل وأغلب طقوم الفرش تجي مكتوب عليها انها للكونتورينق، كنت استخدم البرش اللي بطقم سينسي (لحد ينصدم) هههه والله انها شي جميل شريته قبل سنتين ولحد الحين ماشية معاي (طقم 12 فرشة ب 100 ريال بعد ماكانت ب 150) كانت لؤطة ذاك الوقت.
كانت فرشة سنسي متعبه شوي لانها ممدودة على قدام (الصورة) وماكان عندي خَيار ثاني بس من استخدمت فرشة سيفورا فرقت معي السما عن الأرض (سهله في التحديد والدمج)

قرقت شوي عن فرش سيفورا هنــــــا ..





الطريقة:
طريقتي بعد الترطيب والبيس والفاونديشن (اذا فيه مناسبة) من غير ماأحط الفونديشن او البودرة المضغوطة في الاماكن اللي بسويلها نحت لأني ماحتاجها بس في المناطق الاساسية اللي يبغالها تفتيح ويعتمد اكثر على التغطية اللي نحتاجها.
أبدا احط من ستوديو فيكس الغامق (الدرجة الغلط خخ) وفوقه اعيد عليه من باليت النحت من ميك اب فور ايفر. وبما انه بودرة ماك ثابته فتبقى معي اقل شي 3 ساعات.


ملاحظات:
  1. ممكن تستخدين البودرة والمنتجات الكريمية للنحت
  2. كبداية، استخدام البودرة في التحديد لأنه اسهل في الدمج
  3. وممكن  استخدام  فاونديشن سايل بدرجتين فاتح وغامق مثل هنا  للكونتورينغ
  4. ممكن استخدام البرونزر للكونتورينق بس لازم يكون مات ومافيه شيمر (لمعة)
  5. ممكن تحديد منابت الشعر فوق الجبهة (لتصغيرها) وتفتيح وسطها او تحديد جنبي الجبهة لتكبيرها وتفتيح الوسط
  6. لا تنسين الرقبة عند تحديد الفك السفلي لإبرازه، ومايظهر فرق اللون



في بوست سابق من مدونتي راح تلقون صور وفيديوهات أكثر عن هالطريقة .. 
دمتم بخير جميلاتي 







  Haya's Blog on Twitter  Haya's Blog on IG 

9 comments

  1. اتابع مدونات كثيرة بس زي هالتنظيم والتوازن بين "الاختصار" "وتغطية المعلومات الشاملةالمطوبة" ماشفت
    افكار مرتبه ومتسلسة "فنقاط" وكمية من الفائدة بين السطور ,استمتعت بالقراءة
    اشكرك

    ReplyDelete
    Replies
    1. ألف شكر لك .. ماتدرين بِمدى سعادتي وانا اقرأ كلماتك..

      دمتِ طيبة.

      Delete
  2. ياحبيلكك كنت حابه اخذ فكره عن النحت قريت مدونتك عالسريع لكن راح ارجع اقراها مره ثانيه وثالثه
    متششكراك ياقمررر

    ReplyDelete
    Replies
    1. العفو حبيبتي ..
      حياك الله بأي وقت :)))

      Delete
  3. درجتي بماك nc20
    ولون بشرتي بيضاء ووجهي نحيف احتاج كونتور ولا ينحف وجهي زياده وتتوقعين منتجاتك بتناسبني وبسالك عن اساس فور ايفر hd ايش اخذ درجه احتررت درجاته كثيييره احس اللون اللي على وردي بيطلعني مصطنعه اكثر لان لوني بيضااء ع صفااار

    ReplyDelete
    Replies
    1. شوفي دام وجهك نحيف خلاص ماتحتاجين له لان الكونتور يضعف الوجه لانك لاما تستخدمين اللون الغامق في وسط الخد الين الاذن كذا ماراح ينفع
      يمشي اكثر مع الوجه المليان والخدود للي تبي تصغرهم

      استخدمي اضاءة اكثر لان الهايلايت يكبر مثلاً تحت العيون واعلى الخدين والجبهة
      ويكون باقي البشرة لونك الطبيعي (الاساس)

      وبالنسبة لفوريفر اتش دي لاتاخذين شي تحسنه مايناسبك
      وانتي بالمحل حاولي تجربين اذا قدرتي على رقبتك او الذقن. اذا اندمج وناسبك خلاص اوكيي

      شوفي رقم 137 من فوريفر انا ناوية عليها يمكن تناسبك

      Delete
  4. شكرا ياقلبي استفدت من تدوينك
    انا شفت رقمك ولون يدك حسيت رقمك فااتح مرره ١٣٧ ماحصلته يقول مافي الا ١٣٥ جازفت واخذت ١٢٥ وطلع نفس لوني ويمكن اغمق بعد ايش رايك

    ReplyDelete
    Replies
    1. اذا حسيتيه ناسبك ززين وماتغير عليك لونك

      135 الدرجة
      الاندرتون حقها وردي واصفر مع بعض
      والدرجة 125
      الاندرتون اصفر بس
      الدرجة 137
      مالقيته مافيه هالرقم تصدقين هههههه .. كنت اقصد 135
      اعذريني

      بس خلك كذا انا الفاونديشن الجاي باخذ الاندرتون اصفر مو وردي بس اهووو بنتعلم
      واهم شي لون الفاونديشن يناسب رقبتك اهم شي
      عشان الرقبة هي اللي يبين فيها فرق اللون وهي المكان الانسب عشان تختارين درجتك

      :x:x

      Delete
  5. مشكوره حبيبتي جدا مبدعه تبارك الله
    حبيبتي ياليت تسوين موضوع عن اختيار كريم الاساس المناسب والاندر تون للبشره انا سمراء بشرتي الاندر تون حقي اصفر ايش كريم الاساس المناسب من ماك مع العلم اني ماقد اشتريت منها لانها شويه غاليه عليه

    ReplyDelete