مدونة هيا أدون ، اكتب و اُصور

Boots-GNC shopping - مقاضي بوتس وجي ان سي

بسم الله الرحمن الرحيم





أول تدوينة وبابتديها بـ التسوّق :)

في اخر مرة رحت للسوق كان معاي لستة مسجلة فيها كل الأشياء اللي ابغاها .. سهّلت علي لدرجة مو طبيعية .. لأني من النوع اللي انسى أوقات وش ابغى .. بس القائمة اللي عملتها في جوالي ساعدتني كثير.

الأغراض:

من صيدلية بوتس (مجمع العرب - جدة)

1 و 2 زبدة الكاكاو والشيا .. مسوين عليها عرض الثنتين ب 50 ريال .. بالنسبة لي شي ممتاز لاني كنت استخدم زبدة الكاكاو من بودي شوب ومافي فرق غير السعر حول 70 للحبة. 

3 منظف بالحليب للوجه ولإزالة الميك اب للبشرة الحساسة .. ويجي منه للبشرة الشديدة الحساسية.احترمها هالماركة. اخترت هالمنظف لاني ماكنت ابغى اشتري المناديل المنظفة حقت المكياج احسها ماتنظف وتذكرني ب تشبز الاطفال p; ولأني كنت اشيل الميك اب بالغسول على طول من غير مسح بالمنظف وطلع خطأ. نزيل الميك اب بعدين الغسول والكريم المرطب.
والسعر بـ 85 ريال.

4 و 5  كريم مرطب مع وكريم واقي من الشمس spf30 استخدمهم مع بعض بنسب قليلة على راحة اليد واخطهم واوزع على الوجه. شريت المرطب مع الواقي لان الواقي لحاله مايكفيني كمرطب لازم معه شي. لان نسبة الحماية فيه عاليه فيقل الترطيب.

6 الشي الجميل زبدة الشفايف ومعها وقاية من الشمس spf30 مايحوس ولا يدبق، جاي قطعهة وحده. يستمر عالشفايف ساعتين عالاقل من غير اكل طبعاً. اول ماشريته حطيته ونمت وقمت واحسه لسه فيه D:


ممن GNC التحلية -جدة



لما رحت لـ GNC سألته قالي مخلص من كل الفروع تقريباً وانا كنت متوقعة هالشي. بس بعدين طلعلي حبتين قال فيه واحد حاجزهم وراح اذا تبينه قلت هات الاثنين بعد مو واحد .. *الفرحة* .. قريت عن فيتامين سي كثير .. وقلت بجرب .. لاني قبلها رحت لبودي شوي وطلع عندهم مجموعة كاملة، بس ماقتنعت لانها وقتية وما تعالج. بس المزيون اللي فوق ينشط انتاج الكولاجين في البشرة ومقاوم للأكسدة ويوحد لون البشرة الى حدٍ ما، ويمكن استخدامه كـ برايمر قبل المكياج بملمسه المخملي.
استخدمه بعد مانظف واغسل وجهي قبل النوم واحط منه وعلى الرقبة بعد اهم شي .. ريحته حلووه وملمسه جميل وينشف بسرعة مايحوس المخدة. لاحظت بعد استخدامه ان وجهي فتح والمنطقة الداكنة اللي حول الفم فتحت بعد.. اقدره هالكريم ولو لقيته صدفة بشتري بعد. سعره 25 ريال.


اخر شي ..



قبل فترة شريت معطرات للجسم من بوتس Body Spray وحبيت اقول رأي في كل واحد:
1 حلو بس ينمل منه بس اهون من 2 و 3 بس مو موجود بـ بوتس السعودية. شريته من البحرين.
2 زوين بس يخنق شريته لان سعره 20 ريال، اغراني السعر وكنت ابغى شي بعد الشاور. بس ماجا على هواي.
3 ماذكر كم سعره بس اذكر اني رشيت منه مرة وحده وانصفط عالتسريحة، ريحته تقلب لما يبرد ): ماعجبني ابد ولقيت اختي شاريته ونفس الحاله منظر عالتسريحة.

البودي سبراي احس احسن شي من فا من السوبرماركت البنفسجي اغمق شي ههههههه. اهون من اللي فوق.

التدوينات الجاية راح اتكلم فيها على اللي شريته من الميك اب .. والروتين اليومي للوجه .. وهكذا .. ان شاء الله.



ألقاكم في مواضيع قادمة :)

مع السلامة :*




ليصلكِ الجديد ؛ اشتركِ معنـا
Subscribe to our mailing list





2 comments

  1. لو سمحتي فروع جي ان سي وين غير اللي بالتحلية

    ReplyDelete
    Replies
    1. والله ما اعرف
      شوفي في موقهم اكيد بتلقين الفروع
      :)

      Delete