مدونة هيا أدون ، اكتب و اُصور

مشترياتي من دبي والبحرين




موضوع خفيف بعد الإجازة عن مشترياتي من دبي و البحرين
اغلبها عطور :$ هالفترة كل شي اشوفه عطر عطر عطر هههه

كل العطورات المذكورة راح افصل فيها في موضوع مستقل
عن رائحتها و مكوناتها مثل مواضيعي السابقة عن العطور ;)



يلا نبدا ..




  ( Maison Francis Kurkdjian Paris ( Baccarat - Grand Soir

عطر باكاغا (روج٥٤٠) قصة
رحت ابي اشتري عطر يكون بـ شخصية
يعني مو عطر للمناسبات
عطر استخدمه كل يوم عادي ويكون هادي وريحته حنونة

تلقون العطر في موقع سلفردجز في الروابط
عطر باكاغا Baccarat
عطر غراند سوار Grand Soir


مريت عند اكثر من ستاند للعطورات في قاليري لافاييت ، بصراحة كنت رايحة عشان اشتري عطر من ماركة ميمو للعطور ، واخترت لوليتا و مارفا ، بعد ايام روحة و جية رسيت على مارفا ..
لكن في اليوم اللي رحت اباخذه ، جاني فضول اخذلي لفة كمان على باقي العطور
كان ودي بشي جديد ماعرفه ، كانت روح المغامرة طاغية والرغبة في تجربة شي جديد

خليت الموظفة تسترسل و تشرحلي عن العطور واجربها
الين وصلت عند هالعطر
عطر بكارات (تُنطق باكاغا) من كورديجيان (انشهروا بهالعطر)

حبيت ريحته شقد حنونة و نفس اللي ابغاه بالضبط
مو قوية أو صارخة
من العطور اللي تحسي انها من جزء من شخصيتك

سعره ٩٠٠ - ١٠٠٠ درهم تقريباً

اخذت هذا و بنفس الوقت جربت الاشياء من نفس الماركة بالخلطات اللي احبها اللي هي العود والعنبر
واعجبني قراند سوار

سعره ٧٠٠ - ٨٠٠ درهم تقريباً

تلقون العطر في موقع سلفردجز في الروابط
عطر باكاغا Baccarat 
عطر غراند سوار Grand Soir







Sycomore - Chanel

عطر سيكمور من شانيل ، هالعطر احبه احبه فخم مرة
كنت اشمه عند اختي و يعجبني واخذت كل العينات اللي عندها للعطر ههه
وقلت خلاص ثبتت المحبة
من العطورات الثقيلة اللي اشوف انها ماتناسب اي وقت
رائحته خشبية وفيها نوتات مسك ووزهور خفيفة ، و تبغ و مستكة

شريت الحجم الصغير (٧٥ مل)
من بلومينقديلز (دبي مول) وسعره ٧٧٠ درهم





Gabrielle - Chanel
غابرييل من شانيل

في الفترة اللي رحت فيها لـ دبي كان هالعطر مكتسح في كل مكان وفي عز حملته التسويقية
في كل مرة اجربه و اشمه مايعجبني
ولما ارجع احس اممممم كنه حلو
مو من خط شانيل للعطور الفخمة أو الغالية
ريحته اول ماتشمينه فيها ورد ولذعة برتقال
وماتحسين فيه شي مميز وانه مار عليك من قبل

لكن لما يبرد يصير لطيف مررة

شريته من السوق الحرة الحجم الصغير (٥٠ مل) بـ ٣٨٩ درهم




عطر Ambre Nuit من Dior

هذي المرة الثانية اللي اشتريها فيه
احبه هالعطر من مجمعة ديور
كان من مفضلاتي و ذكرته في هالموضوع

شريته من بلومينقديلز (دبي مول) و سعره ١٥٠٠ درهم



عصرت مخي لين تذكرت وش ابغا عطور من السوق الحرة
تذكرت عطري آلور من شانيل باقي فيه نتفة و وقت اشتري جديد
من العطور اللي احبها من زمان زمان وما استغني عنه

سعره في السوق الحرة (٥٠ مل) ٣٧٩ درهم



بخاخ شانس (ديودرنت) من شانيل
Chance Chanel - Eue Tendre Déodorant 

بصراحة مانتبهت انه مزيل لرائحة العرق الا لما رجعت البيت ، شريته على اساس انه مثل اللي عندي من نفس النوع شانس بس اللي لونه اخضر ، وكان مكتوب عليه انه بخاخ للجسم .. فـ هذا راح استخدمه للجسم نفس الاولي :)
رائحته لطيفة و باردة مايلة على بودرة شوي

سعره في السوق الحرة ١٧١ درهم




لوكسيتان لازم امره عند كل سوق حرة هههه
فرق السعر مُغري ، خاصة لو تبين تشترين اكثر من غرض

زيت اللوز من لوكسيتان من مفضلاتي دائماً
سعره في السوق الحرة ١٤٦ درهم

شريت بعد زيت الاستحمام باللوز ، واخذت اثنين
سمعت كلام طيب عنه واستخدمته كذا مرة حلو
سعره في السوق الحرة ٧٤ درهم

زبدة الشيا من لوكسيتان من اشهر منتجاتهم مجربتها و احبها كثير
ترطيب مكثف ومافيه رائحة الشيا المُزعجة
انصحك فيه لو حابه شي من عندهم للترطيب
سعره في السوق الحرة ١٣٤ درهم




مسكارا من ديور و لانكوم
 DiorShow Iconic overcall 090
Lancome Grandiose Noir Mascara

من السوق الحرة في اخر لحظة تذكرت اني احتاج مسكرا
على طول رحت لستاند ديور عشان هالمسكرا لاني مجربتها ومناسبتني
تعطي كثافة وتقوس للرموش خاصة الرموش القصيرة
سعرها في السوق الحرة ١٤٠ درهم

ومن لانكوم اخذت هالمسكرا
جربتها مرة عند اختي واعجبتني
تعطي كثافة وتقوس للرموش
سعرها في السوق الحرة ١٥٥ درهم




كريم للإيدين من شركة ديرمالوجيكا Dermalogica
الشركة سمعت عليها كلام حلو ولها سمعتها
ولاني احب ومهووسة لاي شي يتعلق بالايدين ، اخترت هالكريم
وصف الكريم يقول انه عبارة عن كريم معالج بالفيتامينات لليدين والاظافر
قوامه غير دهني ، ومايدبق في اليدين . رائحته فيها برتقال (من مكوناته) لكن غير مزعجة

شريته من صيدلية في دبي (متوفر في اغلب الصيدليات) بـ ١٢٠ درهم تقريباً



من سان لوران LOULOU 70 Crossed Sandal in Light Burgundy Leather

حُب من آول نظرة .. عرفت من شفته انه حيكون مريح ومناسب لي
لان عندي مشط القدم عريض و بروز طفيف للعظمة الجانبية من الداخل ،
فشكل الجلد من فوق اللي جاي بشكل حرف اكس مناسب جداً للأقدام بهالشكل ، يلمها ويجمل شكل القدم
ولاني حبيت اغير عن اللي عندي و اشتري شي بـ كعب ، فكان لؤطة

بصراحة وانا في دبي دخت عليه في كل مكان ، مقاسي كان خالص ، اخر شي يوم شيكوا وين ممكن القا مقاسي ، لقيتوا في ابو ظبي ، طبعاً قلت خلاص مالي نصيب

يوم رحت البحرين بعدها ، مريت محل ساكس فيفث في البحرين سيتي سنتر ، ورحت سيداااا لـ سان لوران ، وطلبت مقاسي ولقيت عندهم بضاعة واغلب المقاسات متوفرة ،، والحلو بعد ان سعرها في البحرين ارخص من دبي
سعرها في دبي كان ٢٦٠٠ درهم
وشريتها من البحرين بـ ٢٢٣ دينار يعني حول ٢٢٣٠ ريال



آلقاكم في مواضيع قادمة :)
مع السلامة :*





ليصلكِ الجديد ؛ اشتركِ معنـا
Subscribe to our mailing list


7 comments

  1. حمستييييني ع العطور يالله جمااااال ماشاءالله
    مرررره حبيت لون الشوز وشكلها اختيار موفق لكل المشتريات مره تحمس الواحد يروح يتسوق 😍​💗​💗​💗​
    شكرا لك على مشاركتك لهذي الاشياء الجميله تدوينه تفتح النفس زي صاحبتها ☺️🙏🏼🖤
    نستناكي في مواضيع ثانيه بفارغ الصبر 🙌🏼👀

    https://ghaidaas91.blogspot.com

    ReplyDelete
  2. مشترياتك جميلة ( كالعادة ) ماشاء الله .

    وعطوراتك فاخرة ..

    هل من ميزة من شراء العطور من السوق الحرة ؟ السعر أرخص مثلا ؟

    ReplyDelete
  3. حاله اللي كل شي عطر عطر عطر امر فيها حاليا ورحت لدبي شوبينق عطور والشوز انهياااااار تتهنين فيه ي رب البوست كله يهبل وذقك كلاس كعادتك احبك ����

    ReplyDelete
  4. الله يحفظك هيييونه ويبارك لك فيما عطاك..حاليا امر بهالمرحله من ناحيه العطور صاركل شي اشمه احسه مكررر ودي بشي مميز ،،العطور الاولى القاها بالسعوديه،،لان اليوم شفت عطر قديم من ديور اسمه فور ايفر اند ايفر وشريته والحين احس اني تندمت ماحسيته مميز،،،😥مدري وش هالحل مع هالحاله،،اعجبني عطر من جو مالون انجلش بيير اذا في شي حلو مثله نوريني😘

    ReplyDelete
  5. ماشاءالله .. عشت معاك الأحداث ..
    وبالنسبة للعطور حماس عطيتيني فكرة اروح اغير من اللي عندي لاني انا بعد طايحة مثلك في العطور
    وحاليا طايحة بهذه الماركة acqua di parma ..
    و بجد قلق لمن تبي شي وما تلقي مقاسك ..
    احس اني بتجنن بس الحمدلله النهاية كانت سعيدة ..
    ربي يبلغك اعلى المراتب يا رب ..

    ReplyDelete
  6. ماشاءالله بوست كامل وشامل كل شي .. حمستيني اشتري عطور وانا توي مشتريه ..
    بس اكثرعطرين تحمست عليهم هو حق ديور وشانيل .. من زمان ودي فيهم ولمن تكون عندي الفرصة اني اشتري عطر انساهم تماما :) معاناة ..

    ReplyDelete
  7. ماشاءالله بوست كامل وشامل كل شي .. حمستيني اشتري عطور وانا توي مشتريه ..
    بس اكثرعطرين تحمست عليهم هو حق ديور وشانيل .. من زمان ودي فيهم ولمن تكون عندي الفرصة اني اشتري عطر انساهم تماما :) معاناة ..

    ReplyDelete