عطورات نهارية | يومية ، لطيفة و منعشة

بسم الله الرحمن الرحيم


العطورات النهارية واللي احبها في كل وقت في الغالب 

موضوع اليوم إمتداد لسلسة مواضيع العطورات عالمدونة لهالاسبوع
 

نبدا ..


Chanel Allure 

نوعه :
Eau de Parfum
عطر شرقي - ڤانيليا للنساء

مكونات العطر :
البارغموت ، اليوسفي ، الخوخ ، أخشاب الأرز ، الفانيلا ، الورد ، الياسمين ، الفاوانيا ، المجنوليا ، براعم البرتقال ، اللوتس و نجيل الهند.

وصف العطر :
حمضيات ، زهري ، زهور بيضاء ، ڤانيلا ، خشبي ، فواكه

من العطورات اللي مستحيل مايكون عندي ، كل ماخلص أرجع اشتريه
مرة اشتري هالنسخة من العطر ومرة التواليت
في اخر مرتين شريت نسخة البيرفوم مرتين ورا بعض
نسخة التواليت لاذعه وتناسب الصيف اكثر شي
فيه نسخة ثالثه من العطر على ما اظن بس اذكر انها ماعجبتني ، ريحتها مومثل مو متعوده عليها
هالعطر متوفر في جميع ستاندات شانيل
سعره مابين ٤٠٠ - ٦٠٠ حسب الحجم



Chanel N5

نوعه :
Eau de Parfum
عطر زهري للنساء

مكونات العطر :
مقدمة العطر الألدهيدات ، زهر البرتقال ، الإيلنغ ، الخوخ و البارغموت قلب العطر الياسمين ، الورد ، زنابق الوادي و زهور السوسن قاعدة العطر تتكون من خشب الصندل ، نجيل الهند ، الفانيلا  ، الأواكموس- طحلب البلوط و الباتشولي

وصف العطر :
خشبي ، ناعم ، زهري ، ألدهيد ، زهور بيضاء ، زهور صفراء ، ڤانيلا
هالعطر احبه عشان أمي (الله يحفظها) عطرها المفضل
انا اللي احب من هالعطر النسخة الخفيفة الناعمة التواليت والتندر
مرة منعشة وناعمه نااااعمه
العطر هذا بالنسبة لي ثقيل (رائحة اليلنق فيه طاغية) لكن يخف بعد مايبرد
متوفر في جميع ستاندات شانيل ، جربوا النسخ الأخف من هالعطر لو تبغوا شي ناعم و أنيق
سعره ٤٠٠ - ٦٠٠ ريال


Chanel Chance

نوعه :
Eau de Tendre
عطر زهري - فواكه للنساء

مكونات العطر :

مقدمة العطر الجريب فروت و سفرجل قلب العطر الياسمين و الصفير قاعدة العطر تتكون من المسك ، زهور السوسن ، أخشاب الأرز من فرجينيا و العنبر.

وصف العطر :
زهري ، فاكهي ، حمضيات ، حلو ، حار منعش

شانس من العطورات الناعمة واللي تكون بصمة لك
النسخة البيرفيوم الاساسية للعطر رزينة وناعمة بنفس الوقت
جربت قبل اشتري النسخة الفريش (لون العطر يكون اخضر) ريحته من نفس العايلة لكن فيه لذعة الحمضيات
مناسب للصيف كثير ..
هالعطر بنسخته التندر نااااعم ومايل عالورد والباودر شوي والفواكه  ، يناسب الصباحات ولهالسبب شريته مع ان هالنوعية مو من اختيارتي في العادة لكن كتغيير جميل ..
وفيه منه البخاخ السبراي المخصص للجسم ريحته جميله جداً ، مايل عالرائحة البودرية اكثر
سعره بهالحجم حول ٤٠٠ ريال
متوفر في جميع ستاندات شانيل في محلات التجميل


Lorenzo | Villoresi Firenze

نوعه :
Eau de Parfum
عطر زهري باودري للنساء

مكونات العطر :

مقدمة العطر الياسمين ، الورد ، الإيلنغ و عبير البودر قلب العطر التونكا ، رائحه الزهور ، الياسمين و الورد
 قاعدة العطر تتكون من رقيب الشمس ، المسك ، الورد ، الياسمين و السكر

وصف العطر :
ناعم ، زهري ، حلو ، مسك ، ورد

هالعطر سمعت عنه وشفته عند كثير ، واكثر صفة لهالعطر انه ريحته باودر
كنت مارة رباعيات ديبارتمنت ستور في جدة ، و شفت كورنر لعطور لودوريه ،، وقلت لازم اجرب العطر ..
من اول ما جربته حسيت ان ريحة الباودر فيه قوية ،، قوية قويه ..
مو ناعمة أو خفيفة ابداً .. يعني تكفيك مو رشة! نص رشة ..
لو كثرت منه احسه يكتم ،، البودرة فيه طاغية من قوتها لازم لو بخيته ابخ معها عطر ثاني 
عشان تضيع السالفة 
حلو يكون اساس ومعه عطر ثاني ..
ماتندمت اني شريته ، حلو بس يبغاله تعود لان ريحة الباودر فيه زودوا كميته في هالعطر بشكل مزعج حبتين :()
حجمه ٥٠ مل و شريته بـ ٣٧٠ ريال



 Jo Malone | Amber & Patchoouli
English Pear & Freesia

عطر العنبر و الباتشولي 

نوعه :
Cologne Intense
عطر خشبي - شرقي للرجال و النساء

مكونات العطر :
عنبر ، باتشولي ، اخشاب القالياك

وصف العطر :
عنبر ، باتشولي ، خشبي ، بلسمي ، حار دافی


عطر الإنجليش بير و الفريشيا

نوعه :
Cologne
فواكه ، خشبي خفيف للنساء

مكونات العطر :
مقدمة العطر شمام و الكمثرى قلب العطر فريزيا و الورد قاعدة العطر تتكون من المسك ، الباتشولي ، العنبر و الراوند.

وصف العطر :
زهري ، فاكهي ، حلو ، مائي ، ورد

هالعطرين مو اول تجربة لي لعطورات جو مالون ، جربت من قبل العطر بالعود و البرقموت ذكرته هنا وهو من مفضلاتي
لحد الحين اذكر زيارتي لهالمحل يوم شريت هالعطرين ، كنت في مزاج ابغى اغير من نفسي واغير من اختياراتي المتكررة واجرب شي جديد
تجرأت وشريت عطر بالفواكة والورود (مع ان هالنوعية مو من مفضلاتي) وبنفس الوقت معه عطر الباتشولي و العنبر
الباتشولي مو من اختياراتي الدائمة في العطور ، احب الباتشولي بتراكيز اخف ،، لكن مثل ماقلت هالتجربة كانت لكسر الروتين ،، والحمدلله ماتندمت لاني اوقات ابي احط شي مو دايم احطه أو متعودة عليه ويكون مو صارخ أو قوي بزيادة وهالعطرين عطوني هالشي ، حبيت التجربة والاختيار لهالعطرين :)
كلهم فيهم عنبر وباتشولي بدرجات مختلفة ، خليط منعش 

عطر الانجليش بير والفريشيا سعره ٦١٠ ريال
و عطر العنبر والباتشولي سعره ٧٤٥ ريال


Molton Brown | Lijiang
 Fiery Pink Pepper

عطر ليچانق

نوعه :
عطر زهري فواكه - مسك للنساء والرجال

مكونات العطر :

مقدمة العطر العشب ، التوت الأحمر و الفلفل الوردي قلب العطر الأوثامنتوس و الشاي الأبيض قاعدة العطر تتكون من المسك الأبيض و نجيل الهند.

وصف العطر :
عشبي ، فاكهي ، منعش ، زهري ، حار ناعم ، مسك


عطر فيري بينك بيبر

نوعه :
Eau de Toilette
عطر اروماتك - حار للنساء

مكونات العطر :
مقدمة العطر الفلفل الوردي ، يوسفي و راتينج قلب العطر جوزه الطيب و زنجبيل ، قاعدة العطر تتكون من الباتشولي و أخشاب الأرز.

وصف العطر :
حار ناعم ، حمضيات ، بلسمي ، حلو ، 
هالعطرين لي معهم بعد قصه ههه :)
كنت في شهور حملي الاخيرة و برضو ابي شي مختلف عن اللي عندي ومميز لهالمرحلة
رحت لمحل مولتون بروان بالذات (الراشد - الخبر) لهالغرض
كنت ابغى عطر للجسم (بخاخ أو سبراي خفيف) وطبعاً مايكون ورد أو فواكه أو ڤانيلا اساسي
من تجربة سابقة لمستحضرات مولتون براون ، جربت غسول الجسم و كريم الجسم يلنق يلنق ، وكان معجبني وجيت عشان اكمل واخذ عطر أو سبراي الجسم
لقيت ماعندهم سبراي خفيف ، فقط عطور من نفس المجموعة و لكن للاسف ماعجبني ايلنق يلنق العطر مثل ماعجبني منه الشاور جل و الكريم ..
بديت ادور وش الروايح اللي احب ،، ولاني احب الروايح الحارة الخشبية لقيت هالعطر المخصص للجسم ،
وبنفس الوقت هالعطر فيه ريحة حلوة (من الحلاوة) ،، وناعمة شوي ..
عطر فيري بنك ببر (الوردي) ، ريحته غريبة ، الشاور جل حقه احببببه مرة ..
سعره ٢٥٠ ريال تقريباً
العطر الثاني ، لِيچانق ، مدري اذا نطقه صح!
كنت ابغى عطر بالمسك ،، طلبت بالاسم ،، وعلى طول عطاني الموظف هالعطر ..
اتوقع انه كان من مجموعه (Limited Collection) لاني مالقيته في موقعهم وانا اكتب هالموضوع ..
العطر مسك وورود ،، ابداً مو انا بالعادة ،، بس كعطر مسك وورد لطيف ودايم دايم استخدمه ومعه عطر ثاني فيه بخور وعود وعنبر ثقيل (مخلط) فعلياً استخدمه مع عطر كالالكاس (ذكرته هنا) .. احب هالخلطة في الروايح ..
احب اخلط الروايح الناعمة وابدا فيها كأساس ، وبعدها ابخ من العطر الثقيل ،، في كل مرة يعطيك شي مختلف ..
سعره حول ٤٥٠ ريال 




ألقاكم في مواضيع قادمة :)
مع السلامة :*


مواضيع متعلقة بالعطورات في المدونة :



 







ليصلكِ الجديد ؛ اشتركِ معنـا
Subscribe to our mailing list



3 comments

  1. شكرًا على التدوينات الثلاث، فعلًا مفيدة!
    أعجبني أنك كتبتِ تركيبتها لأن فيه كم عطر عاجبني وودي اشتري نفس روائحهم مررة استفدت 🌸👌🏻

    ReplyDelete
  2. عطر لورينزو من العطور اللي شميتها الفترة الأخيرة واعجبتني ريحته مركزة و ثابتة جداً مثل وصفك بالضبط
    يعطيكِ العافية هيا
    ❤❤❤

    ReplyDelete
  3. قرأت الموضوعين السابقين عن العطور .. رهيبه يا هيا ❤️❤️❤️❤️

    ReplyDelete