مشترياتي من ايهرب للبشرة و الجسم

بسم الله الرحمن الرحيم





مشترياتي الأخيرة من ايهرب | iHerb
كانت اغلبها بسبب الحمل بصراحة

اخترت منتجات طبيعية تناسب و فترة الحمل :)
بعضها جربتها وبعضها لسا في بداية استخدامي لها
مع كل منتج راح يكون وصف بسيط ونبذة عنه

لو كنتي اول مرة تطلبين , جربي تدخلين من هالرابط لـ  ايهرب | iHerb
وراح تحصلين على خصم بقيمة 5$ دولار ..
او ممكن تستخدمين هالكود QFL558

بالضغط على اسم كل منتج راح يوديك لرابطه في  ايهرب | iHerb


وهنا موضوعات سابقة عن طلباتي من ايهرب

نبدا ..




منتجات وخط عناية خاص للامهات باسم Mommy من شركة Shea Moisture
لونها اخضر بندقي و اغلبها برائحة الفستق ..
فــ يا حوامل اللي ماتحب ريحة الفستق العطرية لا تخاطر :)))





سكرب/مقشر للجسم ، فيه مكونات طبيعية من زبدة الشيا و الفستق
الحبيبات فيه مو كبيرة ، صغيرة مرة ،، فالتقشير خفيف جداً ويترك البشرة ناعمة ومترطبة الى حد ما،،
فيه رائحة لكن تروح مع انتهاء الاستحمام ..


Shea Moisture, Raw Shea Cupuacu, Mommy Stretch Mark Intensive Repair Oil

زيت للجسم من نفس المجموعة ، بنفس الرائحة
لترطيب الجسم ،، استخدمه بعد الشاور ،، لماحول البطن و الخصر وباقي الجسم ..
بس عشان الرائحة القوية اوقات ما اتحملها (مزاج حوامل ههه) فمو كل مرة استخدمه ..


Shea Moisture, Mommy, Stretch Mark Butter Cream

زبدة كريمية لماحول الخصر ،، اول منتج اضفته للسلة من هذي المجموعة
ترطيبه عالي جداً ومناسب لمنطقة ماحول البطن لتقليل حدوث خطوط تمدد الجلد الناتج مع الحمل  ،، لكن رائحته قوية شوي علي .. وهذا نفس السبب اللي مايخليني استخدمه دايماً ..
لكن يمكن مع تقدم الوقت اتحمل أو اخذ منه كمية بسيطة مع الزيت الجسم العادي بدون رائحة ..

* * *


منتجات من شركة اندَلو Andalou
قبل القى هالشركة بحثت عن المنتجات لشركات آمنة للاستخدام فترة الحمل ،،
طبعاً المنتجات الطبية آمنة ان شاء الله بعد بس حبيت تكون ايضاً عضوية ..

وكانت منتجات هذي الشركة من المنتجات اللي في قائمة المنتجات المناسبة لفترة الحمل ..
اسعارها كانت معقولة و مُشجعة مقارنة بسمعة الشركة و الريڤيوهات اللي عليها ..

المنتجات اللي اخترتها من الشركة تناسب البشرة المختلطة الى الدهنية ..
طبعاً هالمنتجات مو بس للحوامل ،، لا ،، لكل الناس :)


Andalou Naturals, Pore Minimizer

تونر ، تونيك ، سائل لتصغير المسام ..
يناسب البشرات الدهنية و اللي فيها مسام ..
جربته كذا مرة ماقدر احكم عليه ..
بس المفترض انه يُستخدم بعد تنظيف الوجه و قبل الترطيب ..
رائحته منعشة و تحسين بشد خفيف بس يروح هالاثر بعد ثواني ..


Andalou Naturals, Oil-Free Moisturizer, Acai + White Tea, Clarifying

مُرطب للبشرة خالي من الزيوت ، يناسب البشرات الدهنية
من وصفه ، يُجدد ، يُصلح
من محتوياته الشاي الابيض و الاكاي (نوع من انواع التوت)
مايترك اثر دهني ابداً وتمتصه البشرة بسرعه ..



Andalou Naturals, Facial Scrub, Lemon Sugar, Clarifying

ممكن اكثر منتج عجبني من المجموعة ، سكرب الليمون للوجه ..
منعش و رائحته بعد منعشة .. استخدمه بشكل اسبوعي ،، وبشرتي بعدها احسها اصحا اكثر ..


* * *


Motherlove, Pregnant Belly Salve

منتج من شركة ثانية مخصص بعد للامهات ،، وهي زبدة للجسم لمنطقة البطن و حول الخصر
رائحته لاڤندر ،، وخفيفة وقوامه ثقيل وترطيبه حلو ،، للي ماتحب الروايح القوية ممكن يناسبها ..

* * *




منتجين مالهم علاقة بالحمل :))
فرش لتوزيع الماسك ،، من شركة بيديليوم ..
هالشركة سمعت عنها كثير و تحمست اجرب شي منهم و لقيت هالفرش المُخصصة لتوزيع الماسك للوجه ..
مكتوب عليها انها مجموعة spa
كان فيه حجمين واحد عادي و الثاني مخصص للسفر (صغير) واخذتهم :)
تلقون الرابط للاثنين فوق ..

شعرات الفرشتين ناعمة (بلاستيكية) تناسب الماسكات اللينة (المائية) ..

* * *

ألقاكم في مواضيع قادمة :)
مع السلامة:*





ليصلكِ الجديد ؛ اشتركِ معنـا
Subscribe to our mailing list


27 comments

  1. حبيت التدوينة 😀 منتجات ماقد مرت علي ابدًا ،، منتجات اندلو تحمست لها

    ReplyDelete
    Replies
    1. شكراً نورتيني ابرار 😚❤️❤️

      Delete
  2. حبييييت دائما احب اشوف مشترياتك واعتبرها مرجع لي في اوقات الحيررة
    شككرا لمتدويناتك المفيدة

    ReplyDelete
  3. تقومين بالسلامة انتي والبيبي يارب
    في منتجات weleda رائعة للحمل ومابعد الحمل
    خاصة زيت البطن والخواصر والصدر ضد التشققات
    وريحته جيدة بالنسبة لي
    وبعد ماركة اندلو في منه سيروم فيتامين سي
    يمدحونه كويس وفروها ب اي هيرب ماكنت عارفة
    يعطيك العافيه هيا ❤️

    ReplyDelete
    Replies
    1. الله يعافيك شكراً لك و للإفادة :)

      Delete
  4. استخدام العافية و ربي ييسرلك حملك ان شاء الله
    تصويرك جميل ماشاء الله <3

    ReplyDelete
    Replies
    1. شكراً كلك ذوووق مريم

      Delete
  5. مره احب منتجات shea moisture وخصوصا للشعر
    مبروك وربي ييسرلك ان شالله

    www.sincerelyeman.blogspot.com

    ReplyDelete
    Replies
    1. شكراً الله يبارك فيك
      :*

      Delete
  6. ماشاءالله التصوير ماعليه كلام 😍
    سامعه مدح على منتجات شيا موسترايزر وان شاءالله تعطينا إنطباعك عنها بعد فتره .. أعجبتني فرشة توزيع الماسك ممكن آخذها بالطلب الجاي إن شاءالله 🙊
    أحب مواضيع مشترياتك من آيهيرب مرجع لي قبل الطلبات 💘

    ReplyDelete
  7. This comment has been removed by the author.

    ReplyDelete
    Replies
    1. يعطيك العافيه استفيد من تجاربك كثير ❤️😚

      Delete
  8. This comment has been removed by the author.

    ReplyDelete
  9. تدوينه جميله استفدت منك كثير حبيبتي
    والله يهون عليك ويقومك بالسلامه انتي والبيبي ����

    ReplyDelete
    Replies
    1. الله يسلمك يارب شكراً اماني كلك ذوق

      Delete
  10. مبروك ياجميلة وربي يهون ويسهل عليك ويرزقك الذرية الصالحة
    مبسوطة أنه كتبتي هالتدوينة عشان تنبهي الحوامل أنه مفروض تعتمد على نفسها وتبحث عن المنتج المناسب لها خاصة في هالفترة أو على الأقل تسأل دكتورتها ماتأخذ بشكل عشوائي، وحبيت اختيارك لمنتجات اندلو جربت منهم شامبو وناسب شعري وحبيته وتحمست للمنتجات الباقية بس أبي أقرا عنها تجارب عربية ومالقيت، فننتظر تجربتك
    شكرا وبالتوفيق يارب

    ReplyDelete
    Replies
    1. شكراً الله يبارك فيك
      اسعدتيني ريم :*

      Delete
  11. حبيت التدوينة منتجات جديدة و مفيدة

    ربي يهون عليك و يقومك بالسلامة يا عسل

    ReplyDelete
    Replies
    1. الله يسلمك حبيبتي الاء

      Delete
  12. يعطيك العافية ع تدويناتك المفيدة
    لايفوتك سيروم الوجه بفيتامين سي والكركم من شركة اندلو مرة حلو ليا اسبوع استخدمو واشوف وجهي فيه نضارة ماشاء الله

    ReplyDelete
    Replies
    1. سمعت مدح كثير عن فيتامين سي من اندلو بس لان عندي من شركة ثانية فانتظر يخلص اول ههه ربي يحفظك

      Delete
  13. غريب مادري ليش وقعت في غرامها لأن لونها أخضر " لووووول " ، حسيت نادراً تلقين منتجات تعليبها أخضر ..

    جميل جداً الإهتمام بالبطن فترة الحمل ، حتى قبل ، هالفترة بعد ماوعيت صارت محور رهتمامي ، يعقّدني شكلها متشققة بعد الحمل ..

    شكراً عالمنتجات اللي أول مرة اسمع فيها ❤️

    ReplyDelete
  14. حبييييت الموضوع مررره و ماشاء الله التصوير اكثر شي جذبني لفتح المدونه :)
    والله يقومك بالسلامه :)

    ReplyDelete
  15. كنت ادور منتجات للحوامل ،
    لانه في فتره الحمل ما تقدري تستخدمي اي شي
    شكرا ، يعطيك العافيه والله يسهل عليكي

    ReplyDelete