كونسيلر وبرايمر من أوربن ديكاي وبلشر من ماك

بسم الله الرحمن الرحيم

من سيفورا دبي، أوربان ديكاي شريت منه شيئين: 

1- Eye Primer - Urban Decay - Eyeshadow Primer Potion - Original

شريته لاني كنت محتاجه شي يثبت لي الشدو ويبرز لونه اكثر ومايسيح مع الوقت لان جفني دهني تقريباً وسمعة هالبرايمر واصله. لحد الان ماجربته. وبخلي هالـ (      ) لرأيي فيه.

تحديث:
قوامه خفيف وينشف بسرعة بعد توزيعه على الجفن. اللون بيج ومايبين لا حطيتيه. مافيه لمعه ولا لون.
بشرتي مختلطة, وجفن عيوني دهني ومايمسك عليها ايشادو الا كم ساعة. استخدمت هذ البرايمر (قوي على الجفون الجافة) قوامه بعد مايتوزع على كامل الجفن يعطي شكل مطفي للجفون. ومناسب جداً للظلال اللي ماراحت الا من شلتها بالمزيل المكياج. ممكن يستخدم لحاله من غير ظل لشكل طبيعي ومطفي للجفن.

سعره 95 درهم.

2- Urban Decay - 24/7 Concealer Pencil (FBI)

غرضي الأساسي من شرائي للمنتج هو تغطية عيوب الوجه، اثار الحبوبأو اي احمرار. مافكرت اجربه تحت العين لان ماعندي هالمشكله وعندي الهايلاتر من ايف سان لوران (تدوينة عنه هنا) ومكفيني. ورأيي منطقة تحت العين يبغالها شي كريمي اكثر وماأحس القلم ينفع بس يمكن ينفع لاي احد ثاني.

بس كان عندي المشكلة في بقية الوجه واستخدامي للقلم كان مثالي لان شكل القلم احسه أدق ومتماسك لما احطه على المكان موزي الكونسيلرات الكريمية احطها وتضيع بالدمج وماتغطي شي بس هذا يغطي بالضبط وقوامه كريمي يندمج وينشف بسرعه بتغطية طبيبعية ومات.

درجتي (FBI) عطاني تغطية ممتازة واستمر معي من طلعت (ونقاب وحوسة الاسواق - الاختبار الأقسى) ورجعت ناسية اني حاطة شي او عندي اثار اصلاً. ماطلعت تشققات للكونسيلرعلى وجهي ولا نشفه مثل ريفلون  يحوس وجهي لما ابي اغطي شي واروح اغسله من القهر  سعره 88 درهم ويستاهل. 

تقييمي له 9\10 بس لاني فكرت كيف لو بأبريه؟! خسارة بيروح علي  ولا غير كذا يستاهل التجربة.

سواتش للكونسيلر: 

من ماك :

MAC -  Pink Swoon (Sheertone Blush)

كان غرضي الأساسي (البحث عن لون وردي بنوتي ناعم ويخليني كني عروسة). يوم شفت اللون انصدمت وقلت ابلعب بعمري وبخسر فلوسي انا عارفه!. بس الجمال الطبيعي كان في هالعلبة! عطاني اللي كنت ادوره. لون طبيعي وردي تقدرين تزودين عليه (Sheertone) لين ما توصلين للي تبغينه وبالغالب مسحة منه تكفي لانه بيكون واضح وثبات اللون يخلييني اغير نظرتي عن ماك وارحم نفسي لما كنت استخدم بلشرات NYX. فرق السعر مستحيل يكون بنفس الجودة. 

دمجه سهل ويعطيك ملمس حريري (حرفياً) مطفي مافيه لمعة او قليتر. صباحي او مسائي ولكل الفصول، ثبات اللون هو اللي يستاهل سعره 112 درهم واكيد بشتريه مرة ثانيه.

سواتش من عندي:

وعلى ورقة بيضاا.. 

ألقاكم في مواضيع قادمة :)

مع السلامة :*

ليصلكِ الجديد ؛ اشتركِ معنـا
Subscribe to our mailing list