مدونة هيا أدون ، اكتب و اُصور

KMS - MoistRepair Shampoo || تجربتي بِـ شعري

بسم الله الرحمن الرحيم





طبيعة شعري:
خفيف و تعبان و من غير لمعة، مافيه حياة (أحس كذا)، فروة الرأس وجذور الشعر دهنية والأطراف جاف جداً (خشبة) مع اني وقفت صبغات صار لي سنتين وشي وباقية على لون الشعر الطبيعي واستخدم الشامبو ولازم معه البلسم (دوف - الصورة)، بس اضريت اني اقص الأطراف لاني كنت اظن ان ممكن يكون فيه علاج للجفاف بس الاطراف ميتة ميتة ماينفع معاها حتى الزيوت. وقصيت الاطراف وارتحت.



الفكرة:
بسبب اطراف شعري الجاف كنت لازم استخدم البلسم في كل غسلة (شامبو وبلسم دوف).. مع انه ثاني يوم بيكون مدهن بس مضطرة (البلسم على الاطراف مو الجذور). اذا كنت بلف الاطراف (كعكتي دائماً) كنت اكتفي بالشامبو عشان مايدهن بسرعة وغالباً ماستخدم البلسم اذا حسيت ابي شعري يتنفس

الأدوات:



2و 3 بوناويل وفاشكول بالثوم (الصورة). باناويل (2) موقفه استخدامه من زمان، كان حلو معاي بس بعدين لاحظت شعري نشف وطاح بزيادة. وبالنسبة لفاشكول (3) استخدمه مرة بالاسبوع على الاطراف بس! في فترة كنت استخدمه كل يوم على كل الشعر ويوم وقفته بعد اسبوع شعري بدا يهرّ ): و اكتفيت بَمرة بس.
عندي اعتقاد ان الشعر اذا تعود على منتج لِوقت طويل يصير تأثيره لا يُذكر ويمكن ينقلب بعد. عشان كذا يُفضل نغير من الروتين كل فترة، صحي أكثر.
رقم (1) شامبو القمح حبيت اجربه، شفته بالسوبرماركت وقلت شي جديد! وموخسرانه شي. استخدمه 3 مرات بالأسبوع (الوصفة اللي عليه) ينشف الشعر الى حدٍ ما بس حلو في حالات اللاخلق وزهقانة ريحة الدوف ((: مدري اذا بشتري ولا لااا بس يمكن. مو سيء ابداً.
رقم (4) مكتوب عليه انه للإصلاح المُركز وتجديد للشعر خلال الليل. كنت وقتها ابي شي يرطب لي الاطراف وشريته، جربته مرتين او ثلاث ومالاحظت فرق. 
دوف مستمرة عليه من فترة طويلة ومرتاحة عليه ومتعودة على ريحته .. مدري اذا صح بس أحس كل انواع دوف نفس الشي بس اللون حتى الريحة ماتفرق. بس ماشي اهم شي مايطيح شعري.


النقلة:
بعد هذا كله قالت لي اختي عن شامبو KMS من محل لهم في الراشد (الخبر) اعرفه المحل بس ماعمري دخلته ولا فكرت فيه، وبما اني وصلت لمرحلة اباجرب اي شي بس مابي شي فيه بلسم ابي عناية اكثر (من بعد ماقصيت الاطراف) يعني كني ببدا بداية مؤدبة  عشان اهتم بشعري ومايوصل لمرحلة التخشيب.
الحلو لما رحت للمحل الشاب اللي فيه فاهم.. قلت له ابي حق تطويل وكثافه الشعر (دلاخه) وسألني يطيح شعرك؟ قلت اييييه قال لاااا ماينفع تبينه يطول وهو خفيف (كني اشوف نفسي وشعري اطرافه شعرتين حسيت بغباء واحترمت الولد والله.


مميزات الشامبو:

  • ترطيب
  • علاج
من اول استخدام حسيته انه مُنقي للشعر. ريحته حلوووووة وخفيفة (نظافة) ناسبني لاني اهتم للريحة كثير. ينظف الشعر بشكل لطيف من غير ماينشفه ويرطبه بس ماخلاه دهني ابد. شبغى اكثر من كذا اغناني عن البلسم وشفت شعري انعدل (ماوقف التساقط بس خفّ ويبغالي فيتامينات). واذا خلص اكيد بشتريه مرة ثانيه، مع ان مالهم الافرع الراشد (الخبر) حتى فرع البحرين قالي تقفل .

سعر العلبة الصغيرة (300مل) 79 ريال والكبيرة (الصورة 750مل) 139 ريال. 





2 comments

  1. وين المحل اي بوابه ؟ وايش اسمه بالضبط اقصد شامبو kmc وشكررا

    ReplyDelete
    Replies
    1. اسمه مويستريبير
      بتلقين المحل في الدور الثالث حول المسجد في الراشد

      بس للأسف ماعاد يجيبون منه الا اذا بقى ماخلص الباقي اللي عندهم لانهم بدأو يجيبون من ماركة ثانية

      خسارة
      :(

      Delete